Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପ୍ରତିରକ୍ଷା ରପ୍ତାନୀ କ୍ଷେତ୍ରରେ ମାଇଲ ଖୁଣ୍ଟ : ଫିଲିପାଇନ୍ସକୁ ଧୃବ ହେଲିକପ୍ଟର ବିକ୍ରି କରିବ ଭାରତ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୯ ହଜାରରୁ ଅଧିକ କରୋନା ପଜିଟିଭ୍, ୧୫୯ ମୃତ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୮କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୫ କରୋନା ସଂକ୍ରମିତ, ୧୦୫୦୯୫୫ରେ ପହଞ୍ଚିଲା ସଂଖ୍ୟା
  • ||
  • ବାୟୁସେନା ହେଲିକପ୍ଟର କ୍ରାସ୍‌ରେ ଓଡିଆ ଯବାନ ମୃତ, ତାଳଚେରରେ ରାଣା ପ୍ରତାପ ଦାସଙ୍କ ଘର
  • ||
  • ମାତିଲେ ମାଓବାଦୀ : ଜାଳିଲେ ଗାଡ଼ି, ସୁପରଭାଇଜରଙ୍କୁ କଲେ ଅପହରଣ
  • ||
  • ମୁହାଁମୁହିଁ ହେବେ ଶାସକ-ବିରୋଧି : ମମିତା ମେହେର ପ୍ରସଙ୍ଗରେ ବିଧାନସଭା ଘେରିବ ବିଜେପି
  • ||

୧୨ ଘଣ୍ଟାରେ ବର୍ଷକର ବର୍ଷା, ଭାସିଗଲା ଫରାସୀ ସହର ନାଇସ୍

4/10/2020 at 5:39 PM

ନାଇସ୍: ଫ୍ରାନସ ନାଇସ୍‌ ସହରରେ ବର୍ଷା ପ୍ରଳୟ ରଚିଛି। ମାତ୍ର ୧୨ ଘଣ୍ଟାରେ ବର୍ଷକର ବର୍ଷା ହୋଇଥିବା ବେଳେ ଅନେକ ଘରଦ୍ୱାର ଭାସିଯାଇଛି। ଅଚାନକ ବନ୍ୟାରେ ୯ ଜଣ ଲୋକ ନିଖୋଜ ଥିବା ସରକାରୀ ଭାବେ କୁହଯାଇଛି। ବର୍ଷା ଓ ବନ୍ୟା ଯୋଗୁ ଇଟାଲୀ ସୀମାକୁ ଲାଗି ରହିଥିବା ଫ୍ରାନସ ବର୍ଡରରେ ରେଡ ଆଲର୍ଟ ଜାରି କରାଯାଇଛି।

ନାଇସରେ ପ୍ରଥମେ ଝଡ ଓ ପରେ ବର୍ଷା ତାଣ୍ଡବ ରଚିଥିଲା। ଏଥିରେ ବନ୍ୟା ଆସିବା ଯୋଗୁ ଅନେକ ସଡକ ଓ ପୋଲ ଭାସିଯିବା ଯୋଗୁ ଯୋଗାଯୋଗ ବିଛିନ୍ନ ହୋଇଛି। ନାଇସ୍ ମେୟର କ୍ରିଶ୍ଚିୟନ ଏଷ୍ଟୋର୍ସି ଏକ ବିବୃତ୍ତିରେ ଆଲପସ୍-ମେରିଟାଇମ୍‌ କ୍ଷେତ୍ରରେ ୧୨ ଘଣ୍ଟାରେ ଯେତିକି ବର୍ଷା ହୋଇଛି ବର୍ଷକର ହାରାହାରି ବର୍ଷା ସହ ସମାନଥିଲା ବୋଲି କହିଛନ୍ତି। ଫ୍ରାନ୍ସ ପାଣିପାଗ ବିଭାଗ ଅନୁସାରେ ଏହି ସମୟରେ ୧୯.୭ ଇଞ୍ଚ ବର୍ଷା ରେକର୍ଡ କରାଯାଇଛି। ଯାହା ସେ ସ୍ଥାନର ବାର୍ଷିକ ବର୍ଷା ସହ ସମାନ।

ବର୍ଷା ବିତ୍ପାତ ପରେ ଉଦ୍ଧାର କାର୍ଯ୍ୟ ଆରମ୍ଭ ହୋଇଥିବା ବେଳେ ରିଲିଫ ଓ ଉଦ୍ଧାରକାରୀ ଦଳ ନାଇସ୍‌ ସହରରେ ପହଞ୍ଚିଛନ୍ତି। ସ୍ଥାନେ ସ୍ଥାନେ ବର୍ଷାପାଣି ଦେଢ ମିଟର ପର୍ଯ୍ୟନ୍ତ ଜମିଥିବା ରିଲିଫ ଓ ଉଦ୍ଧାରକାରୀ ଦଳ କହିଛନ୍ତି। ବିଭିନ୍ନ ସ୍ଥାନରେ ଫଶି ରହିଥିବା ଲୋକଙ୍କୁ ଦମକଳ ବିଭାଗ କର୍ମଚାରୀମାନେ ଉଦ୍ଧାର କରିଥିବା ବେଳେ ସୁରକ୍ଷିତ ସ୍ଥାନରେ ପହଞ୍ଚାଇଛନ୍ତି।

   Related Posts