ପାଟଣା ୧୯।୦୮: କେନ୍ଦୁଝର ଜିଲ୍ଲା ସାହାରପଡା ବ୍ଲକର କପୁଣ୍ଡି ପଞ୍ଚାୟତର ୫ ଟି ଗାଁକୁ ୪୮ଘଣ୍ଟା ପାଇଁ ସଟ୍ଡାଉନ ଘୋଷଣା କରାଯାଇଛି । ପଞ୍ଚାୟତର ସରପଞ୍ଚ ବିଜୟ ପାଇଦା ଏହି ସଟ୍ଡାଉନ୍ ଘୋଷଣା କରିଛନ୍ତି । ଏହି ଅଂଚଳରେ ୨ଜଣ ସ୍ଥାନୀୟ ଲୋକ କରୋନା ପଜିଟିଭ ଚିହ୍ନଟ ପରେ ସଂକ୍ରମଣ ରୋକିବା ପାଇଁ ଏଭଳି ପଦକ୍ଷେପ ନେଇଛନ୍ତି ସରପଞ୍ଚ ।
ତେବେ ଏହି ସଟ୍ଡାଉନ୍ ସମୟରେ ଜରୁରୀକାଳୀନ ସେବାକୁ ଛାଡି ଦେଲେ ଅନ୍ୟ ସବୁ ଦୋକାନ ବଜାର ବନ୍ଦ ରଖିବାକୁ ନିର୍ଦ୍ଦେଶ ଦିଆଯାଇଛି । ଏହାସହିତ ଲୋକମାନଙ୍କୁ ସାମାଜିକ ଦୁରତା ସହିତ ମାକ୍ସ ପିନ୍ଧିବାକୁ ଅନୁରୋଧ କରିଛନ୍ତି ସରପଞ୍ଚ। ଯଦି କେହି କୋଭିଡ଼ କଟକଣା ନମାନନ୍ତି , ତେବେ ସେମାନଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
