ରାଉରକେଲା ୨୫।୧: କ୍ଷତିପୂରଣ ମିଳିବା ପରେ ଶବ ଗୃହରୁ ଉଠିଲା ୫ ମୃତଦେହ । ଗତ ୨୨ ତାରିଖରେ ସୁନ୍ଦରଗଡ ଜିଲ୍ଲା ରାଜଗାଙ୍ଗପୁର ବିଜୁ ଏକ୍ସପ୍ରେସ ଓ୍ବେ ରାମବାହଲଠାରେ କାର ମାଡିଯିବାରୁ ଘଟଣାସ୍ଥଳରେ ୪ ମହିଳା ଶ୍ରମିକଙ୍କ ମୃତ୍ୟୁ ହୋଇଥିବା ବେଳେ ଚିକିତ୍ସିତ ଅବସ୍ଥାରେ ରାଉକେଲା ସରକାରୀ ଡାକ୍ତରଖାନରେ ଜଣଙ୍କର ମୃତ୍ୟୁ ହୋଇଥିଲା ।
{"id":215740,"sizeSlug":"large"}ଗତକାଲି କ୍ଷତିପୂରଣ ବାବଦକୁ ରେଡକ୍ରସ୍ ପକ୍ଷରୁ ୨୦ ହଜାର ଟଙ୍କା, ଜାତୀୟ ପରିବାର ସହାୟତା ପକ୍ଷରୁ ୨୦ ହଜାର ଟଙ୍କା, ଇଏସଆଇ ପକ୍ଷରୁ ୧୫ ହଜାର ଟଙ୍କା, ଏଲଆଣ୍ଡଟି ଅଧୀନରେ ଆସୁଥିବା ଠିକା ସଂସ୍ଥା ସିକ୍ର୍ୟୁଟି ଆଣ୍ଡ ସର୍ଭିସ ପକ୍ଷରୁ ୧ ଲକ୍ଷ ଟଙ୍କା କ୍ଷତିପୂରଣ ସହ ମୃତକଙ୍କ ପରିବାରକୁ ପ୍ରତ୍ୟେକ ମାସରେ ପେନସନ ବାବଦକୁ ୭୨୦୦ ଟଙ୍କା , ମୃତକଙ୍କ ପରିବାରର ଜଣଙ୍କୁ ଚାକିରୀ, ବୀମା ବାବଦକୁ ୧୧ ଲକ୍ଷ ଟଙ୍କା, ଆହତ ହୋଇ ଚିକିତ୍ସାଧିନଥିବା ଦୌପଦୀ ବାଡାଙ୍କୁ ଚିକିତ୍ସା ସହାୟତା ପ୍ରଦାନ ପ୍ରତିଶ୍ରୁତି ପରେ ଆଜି ୫ ମୃତଦେହ ଶବ ଗୃହରୁ ଉଠିଛି । ଶବ ବ୍ୟବଚ୍ଛେଦ ହେବା ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି ।