ରାୟଗଡା ୨୩|୧୨: ରାୟଗଡା ପୋଲିସ କବ୍ଜାରେ ବଜ୍ରକାପ୍ତା ଚୋରା ଚାଲାଣକାରୀ । ଗତକାଲି ବିଳମ୍ବିତ ରାତିରେ ନୂଆବସଷ୍ଟାଣ୍ଡ ଛକରୁ ଏକ ବଜ୍ରକାପ୍ତାକୁ ଗୁଣୁପୁର ପୋଲିସ ଉଦ୍ଧାର କରିବା ସହିତ ୫ ଜଣଙ୍କୁ ଗିରଫ କରିଛି ।
ପୋଲିସ ପାଟ୍ରୋଲିଙ୍ଗ ସମୟରେ ସନ୍ଦେହ ଜନକ ଅବସ୍ଥାରେ ଏକ କାରକୁ ଅଟକାଇଥିଲା । କାରରେ ଥିବା ବ୍ୟକ୍ତି ମାନଙ୍କୁ ଅଟକ ରଖି ପଚରା ଉଚରା କରିବା ପରେ ସେମାନଙ୍କ ଠାରୁ ଏକ ବଜ୍ରକାପ୍ତା ପାଇଥିଲା । ଯାହାକୁ ଅଭିଯୁକ୍ତମାନେ ସ୍ଥାନୀୟ ପଦ୍ମପୁର ଅଞ୍ଚଳରୁ ଧରି ଭୁବନେଶ୍ବର ଚାଲାଣ କରୁଥିଲେ । ଗିରଫ ଅଭିଯୁକ୍ତମାନଙ୍କ ମଧ୍ୟରେ ତିନି ଜଣ ପୁରୁଷ ଓ ୨ ଜଣ ମହିଳା ଅଛନ୍ତି । ସେମାନଙ୍କ ଘର ଭୁବନେଶ୍ବରରେ ବୋଲି ଜଣାପଡ଼ିଛି । ପୋଲିସ ବଜ୍ରକାପ୍ତା ଟିକୁ ବନବିଭାଗକୁ ହସ୍ତାନ୍ତର କରିବା ସହ ବଜ୍ରକାପ୍ତା ଚାଲାଣରେ ଆଉ କେଉଁମାନେ ସଂପୃକ୍ତ ସେ ବିଷୟରେ ଅନୁଧ୍ୟାନ କରୁଛି ।
