ସମ୍ବଲପୁର ୮।୩: ସମ୍ବଲପୁର ଡିଆଇପିଆରଓ ହେମନ୍ତ ନାୟକଙ୍କୁ ମାଉଜର ଦେଖାଇ ଅପହରଣ ଉଦ୍ୟମ ଓ ଧମକ ଦେବା ଘଟଣାରେ ୫ ଅଭିଯୁକ୍ତ ଗିରଫ । ଗତ ୨୮ ତାରିଖରେ ଘଟିଥିଲା ଘଟଣା । ଏନେଇ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ସମ୍ବଲପୁର ଏସପି ।

ସମ୍ବଲପୁରରେ ଯୋଗ ନଦେବା ପାଇଁ ଅଭିଯୁକ୍ତମାନେ ଅପହରଣ ଉଦ୍ୟମ ସହ ମାଉଜର ଦେଖାଇ ଧମକ ଦେଇଥିଲେ । ପରେ ସମ୍ବଲପୁରରୁ ଭୁବନେଶ୍ବରର ଫେରିଯାଇଥିଲେ ଡିଆଇପିଆରଓ। ପରେ ଜିଲ୍ଲାପାଳ ଏନେଇ ଏସପିଙ୍କୁ ଜଣାଇବା ପରେ ପୋଲିସ ତଦନ୍ତ ଆରମ୍ଭ କରିଥିଲା ।

ଏହି ଘଟଣାରେ ଡିଆଇପିଆରଓ ଅଫିସ ଡ୍ରାଇଭର ଦେବାନନ୍ଦ ରନବିଡା ଓ ଷ୍ଟୋର କିପର ଅଶ୍ବିନୀ ମଲାକରଙ୍କ ସମ୍ତ ୫ ଜଣଙ୍କୁ ଗିରଫ କରିଛି ପୋଲିସ । ଡିଆଇପିଆରଓ ଓ ଡ୍ରାଇଭରଙ୍କ ମଧ୍ୟରେ କିଛି ଯୁକ୍ତିତର୍କରୁ ଏମିତି ଘଟଣା ଘଟିଥିବା ପ୍ରାଥମିକ ତଦନ୍ତରୁ ଜଣା ପଡିଥିବା ଏସପି ସୂଚନା ଦେଇଛନ୍ତି ।