ଖୋର୍ଦ୍ଧା ୧୪|୫: ଖୋର୍ଦ୍ଧାର ବିଜେପି ନେତା ମଙ୍ଗୁଳି ଜେନା ହତ୍ୟା ମାମଲାରେ ୫ ଅଭିଯୁକ୍ତକୁ ଗିରଫ କରିଛି କ୍ରାଇମବ୍ରାଞ୍ଚ । ଅଭିଯୁକ୍ତମାନେ ହେଲେ ଦିବ୍ୟଲୋଚନ ଗଜେନ୍ଦ୍ର, ସୀମାଞ୍ଚଳ ବଡଜେନା, ପପିନ କୁମାର ଦଳସିଂହରାୟ, ଚନ୍ଦ୍ରକାନ୍ତ ପ୍ରଧାନ ଓ ଇସ୍ପାତ ମହାରଣା । ସମସ୍ତେ ଖୋର୍ଦ୍ଧା ଜିଲ୍ଲା ନିରାକାରପୁର ପୁଲିସ ଷ୍ଟେସନ ଅଞ୍ଚଳର ବୋଲି ଜଣାପଡିଛି। ସେମାନଙ୍କ ନାମରେ ପୂର୍ବରୁ ଥାନାରେ ଏକାଧିକ ମାମଲା ରହିଛି।
ତେବେ ୨୦୧୬ ଅଗଷ୍ଟ ୩୧ରେ ମଙ୍ଗୁଳିଙ୍କୁ ଅଭିଯୁକ୍ତମାନେ ହତ୍ୟା କରିବାକୁ ଉଦ୍ୟମ କରିଥିଲେ । ମଙ୍ଗୁଳିଙ୍କ ଉପରକୁ ୫ ରାଉଣ୍ଡ ଗୁଳି ଚଳାଇଥିବା ବେଳେ ତାଙ୍କ ଗୋଡରେ ୨ ଟି ଗୁଳି ବାଜିଥିଲା । ସେ ଆହତ ହୋଇଥିଲେ । ହେଲେ ଗତ ଏପ୍ରିଲ ୧୪ତାରିଖରେ ପ୍ରଚାରରୁ ଫେରିଥିବା ବେଳେ ମଙ୍ଗୁଳିଙ୍କ ଉପରକୁ ଗୁଳି କରାଯାଇଥିଲା । ତେବେ ହତ୍ୟା ଘଟଣାରେ ମାଷ୍ଟରମାଇଣ୍ଡ ଏବେ ବି ଫେରାର ଅଛି ।
