ରାଉରକେଲା ୨।୯: ରାଉରକେଲା ସୁଧାର ଗୃହରୁ ୫ ଅନ୍ତେବାସୀ ଫେରାର । ୪ ଜଣ ସୁନ୍ଦରଗଡ଼ ଜିଲ୍ଲାର ହୋଇଥିବା ବେଳେ ଜଣେ କେନ୍ଦୁଝର ଜିଲ୍ଲାର । ଫେରାର ଏହି ୫ ଜଣଙ୍କୁ ଚୋରି ମାମଲାରେ ସୁଧାର ଗୃହରେ ରଖାଯାଇଥିଲା । ଗତ ରବିବାର ଅପରାହ୍ନ ୩ଟା ୩୦ରେ ସୁଧାର ଗୃହରେ ଲାଗିଥିବା ସିସିଟିଭି ତାର ଚିଣ୍ଡାଇ ବେଡ଼ସିଟ ବାନ୍ଧି ପାଚେରୀ ଡେଇଁ ପଛ ପାହାଡ଼ ଦେଇ ଫେରାର ହୋଇଯାଇଛନ୍ତି ।
{"id":323961,"sizeSlug":"large"}ଫେରାର ୫ ଜଣଙ୍କ ମଧ୍ୟରୁ ୩ ଜଣଙ୍କର ଜାମିନ ହୋଇଯାଇଥିଲା କିନ୍ତୁ କୋଭିଡ଼ ଯୋଗୁଁ ପରିବାର ଲୋକେ ଘରକୁ ନେଇନଥିଲେ । ସୁଧାର ଗୃହରେ ୧୪୦ ଅନ୍ତେବାସୀ ରହୁଥିବା ବେଳେ ସୁରକ୍ଷ। କର୍ମଚାରୀ ଅଭାବ ଥିବାରୁ ଏଭଳି ଘଟଣା ଘଟିଛି ।
{"id":323962,"sizeSlug":"large"}ଘଟଣାସ୍ଥଳରେ ରଘୁନାଥପଲ୍ଲୀ ପୋଲିସ ପହଞ୍ଚି ତଦନ୍ତ କରୁଥିବା ବେଳେ ଫେରାର ଅନ୍ତେବାସୀମାନଙ୍କ ପରିବାର ଲୋକଙ୍କ ସହ ଯୋଗାଯୋଗରେ ରହିଛନ୍ତି । ପୂର୍ବରୁ ଜଣେ ଅନ୍ତେବାସୀଙ୍କୁ ରାଉରକେଲା ସୁଧାର ଗୃହରୁ କେନ୍ଦୁଝର ମାଜିଷ୍ଟ୍ରେଟଙ୍କ ନିକଟରେ ଉପସ୍ଥିତ କରାଇ ଫେରିବା ବାଟରେ ସୁନ୍ଦରଗଡ଼ ଚାନ୍ଦିପୋଷ ନିକଟରୁ ଗାଡ଼ିରୁ ଫେରାର ହୋଇଯାଇଥିଲେ । ଦୁଇଦିନ ପରେ ପ୍ରେମିକା ଘରୁ ଧରାପଡିଥିଲେ ।