ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟୁରିଷ୍ଟ ବସ୍‌ ଦୁର୍ଘଟଣା ପ୍ରସଙ୍ଗରେ ପରିବହନ ମନ୍ତ୍ରୀଙ୍କ ପ୍ରତିକ୍ରିୟା, କଳିଙ୍ଗା ଘାଟି ଦେଇ ଯିବନାହିଁ ଟୁରିଷ୍ଟ ବସ୍‌
  • ||
  • କେଦାରନାଥ ଯାତ୍ରାରେ ବାଧକ ସାଜିଛି ତୁଷାରପାତ, ବାରମ୍ବାର ଫସୁଛନ୍ତି ଯାତ୍ରୀ
  • ||
  • ଦେଶରେ କମୁଛି ସଂକ୍ରମଣ, ୨୪ ଘଣ୍ଟାରେ ବାହାରିଲେ ୨୧୨୪ କୋଭିଡ୍ ପଜିଟିଭ୍
  • ||
  • ରାଜ୍ୟରେ ହାରୁଛି କରୋନା, ୨୪ ଘଣ୍ଟାରେ ବାହାରିଲେ ୩ କୋଭିଡ୍ ପଜିଟିଭ୍
  • ||
  • ରାଇରଙ୍ଗପୁର: ଗୋରୁ ବେପାରୀଙ୍କୁ ଗୁଳିକରି ହତ୍ୟା, ୨୦ ଲକ୍ଷ ଲୁଟ୍‌
  • ||
  • ପୁରୀ : ବୁଧବାର ମହାପ୍ରଭୁଙ୍କ ବନକଲାଗି, ୪ ଘଣ୍ଟା ବନ୍ଦ ରହିବ ଦର୍ଶନ
  • ||

ଓକିଲ ଆନ୍ଦୋଳନ ଯୋଗୁଁ ବେଲ୍ ନାହିଁ : ମାସ ମାସ ଧରି ଜେଲରେ ସଢୁଛନ୍ତି ଶହ ଶହ ମତ୍ସ୍ୟଜୀବୀ, ହନ୍ତସନ୍ତ ହେଉଛନ୍ତି ପରିବାର

27/10/2018 at 7:19 PM

ଭୁବନେଶ୍ବର୨୭|୧୦: ଓକିଲଙ୍କ ଆନ୍ଦୋଳନ ଯୋଗୁଁ  ରାଜ୍ୟରେ ଆଇନ ବ୍ୟବସ୍ଥାରେ ଅଚଳାବସ୍ଥା । ଏହି ସ୍ଥିତି ଲାଗି ଅନେକ ପରିବାର ଏବେ ଦୁର୍ଦ୍ଦଶାରେ । ଜେଲର ଚାରିକାନ୍ଥରେ ଅଟକି ଯାଇଛନ୍ତି ଅନେକ । ଓକିଲଙ୍କ ଦୀର୍ଘ ଦିନର ଆନ୍ଦୋଳନ କିଛି ଏମିତି ଦୁଃଖ ନେଇ ଆସିଛି ଭଦ୍ରକ, ବାଲେଶ୍ୱର, କେନ୍ଦ୍ରାପଡ଼ାର ୩୦୦ରୁ ଅଧିକ ମତ୍ସ୍ୟଜୀବୀଙ୍କ ଲାଗି ମଧ୍ୟ ।

ବେଲ୍ ନାହିଁ । ମାସ ମାସ ଧରି ଜେଲରେ ସଢୁଛନ୍ତି ଶହ ଶହ ମତ୍ସ୍ୟଜୀବୀ । ଗଲା ୩ ମାସ ମଧ୍ୟରେ ଗହୀରମଥା ନିକଟବର୍ତ୍ତୀ ଅଞ୍ଚଳରୁ ୩୦୦ରୁ ଅଧିକ ମତ୍ସ୍ୟଜୀବୀଙ୍କୁ ଗିରଫ କରାଯାଇଛି । ନିଷେଧ ଅଞ୍ଚଳକୁ ପ୍ରବେଶ କରିଥିବା ଅଭିଯୋଗ ରହିଛି ଏମାନଙ୍କ ନାଁରେ । ହେଲେ ଏଥିଲାଗି କିନ୍ତୁ ଜାମିନ ଲାଗି ଆବେଦନ କରିପାରୁ ନାହାନ୍ତି ଏହି ମତ୍ସ୍ୟଜୀବୀମାନେ। ହାଇକୋର୍ଟ ଆଇନଜୀବୀଙ୍କ ଆନ୍ଦୋଳନକୁ ସମର୍ଥନରେ କେନ୍ଦ୍ରାପଡ଼ା କୋର୍ଟକଚେରୀ ବି ବନ୍ଦ । ପ୍ରତିଦିନି ମାଛ ମାରିଲେ ଘର ଚଳୁଥିବା ଏହି ପରିବାରଙ୍କ ଦୁଃଖ ଏବେ କହିଲେ ନ ସରେ । ଆଉ ସେମାନଙ୍କ ଦୁଃଖ ନେଇ ଜଙ୍ଗଲ ଓ ପରିବେଶ ବିଭାଗର ବଡ଼ ବଡ଼ ବାବୁଙ୍କୁ ଅଭିଯୋଗ କରିବାକୁ ଆସିଥିଲେ ମତ୍ସ୍ୟଜୀବୀ ସଂଘ । ହେଲେ ବିଭାଗ ବି କୋର୍ଟ ବନ୍ଦ ଥିବାରୁ ନିଜର ଅସହାୟତା ବ୍ୟକ୍ତ କରିଛି ।

ସେପଟେ ମତ୍ସ୍ୟଜୀବୀଙ୍କ ଗିରଫଦାରୀ ଲାଗି ଜଙ୍ଗଲ ଓ ପରିବେଶ ବିଭାଗକୁ ଦାୟୀ କରିଛି ସଂଘ । ଜଳପଥରେ ନିଷେଧାଞ୍ଚଳ ନେଇ ସ୍ପଷ୍ଟ ଡିମାର୍କେସନ କରାଯାଇ ନ ଥିବା ସଂଘ ଅଭିଯୋଗ କରିଛି । ଫଳରେ ଅଜାଣତରେ ଅନେକ ମତ୍ସ୍ୟଜୀବୀ ଏହି ଅଞ୍ଚଳକୁ ପ୍ରବେଶ କରୁଥିବା ସଂଘ କହିଛି । ବିଭାଗ ଏ ଦିଗରେ ଉଚିତ୍ ପଦକ୍ଷେପ ନେବାକୁ ଦାବି ହୋଇଛି । ଏହା ସହ ମତ୍ସ୍ୟଜୀବୀଙ୍କ ପରିବାରର ଦୁର୍ଦ୍ଦଶା ଲାଗି ଓକିଲମାନେ ଆନ୍ଦୋଳନରୁ ଓହରିବାକୁ ସଂଘ ନିବେଦନ କରିଛି ।

ଓକିଲଙ୍କ ଆନ୍ଦୋଳନ ଲାଗି ମାସ ମାସ ଧରି ରାଜ୍ୟରେ ଅଚଳ ହୋଇ ଯାଇଛି ଆଇନ ବ୍ୟବସ୍ଥା । ଆଇନର ଦୋଛକିରେ ଜେଲର ଚାରିକାନ୍ଥରେ ଅଟକି ଯାଇଥିବା ମଣିଷର ବାହାରକୁ ବାହାରିବା ବାଟ ବି ବନ୍ଦ ହୋଇ ଯାଇଛି ।

   Related Posts