ବାଲେଶ୍ବର ୧୯|୮: ଜୀବନକୁ ବାଜି ଲଗାଇ ସମୁଦ୍ରକୁ ମାଛ ମାରିବାକୁ ଯାଉଛନ୍ତି ମତ୍ସ୍ୟଜୀବୀ । ହେଲେ ସେମାନଙ୍କ ଉପରେ ଲାଗୁଛି ଅନେକ କଟକଣା ।କେତେବେଳେ ମାଫିଆର ଆଖ୍ୟା ଦେଇ ସେମାନଙ୍କୁ ଗିରଫ କରାଗଲାଣି ତ ପୁଣି କେତେବେଳେ ସେମାନଙ୍କ ବୋଟ୍ ଛଡାଇ ନିଆଯାଉଛି । ଜଙ୍ଗଲ ବିଭାଗର ଏପରି ଦାଦାଗିରିକୁ ବିରୋଧ କରିଛି ମତ୍ସ୍ୟଜୀବୀ ସଂଘ । ଗହିରମଥା ପାଇଁ ନିର୍ଦ୍ଦିଷ୍ଟ ନିୟମ କରିବାକୁ ଦାବି କରିଛନ୍ତି ମତ୍ସ୍ୟଜୀବୀ ।
{"id":146166}ପେଟ ପାଟଣା ପାଇଁ ବାଜିରେ ଲାଗିଛି ଜୀବନ । ସମୁଦ୍ରରେ ମାଛ ମାରି ଜୀବିକା ନିର୍ବାହ କରନ୍ତି ରାଜ୍ୟର ପ୍ରାୟ ୩ଲକ୍ଷ ମତ୍ସ୍ୟଜୀବୀ । ସମୁଦ୍ରରେ ମାଛ ଧରିବାକୁ ୨୮ହଜାରରୁ ଅଧିକ ବୋଟ ନିୟୋଜିତ ହୋଇଛି । ଦିନ ଥିଲା ବର୍ଷ ତମାମ ସମୁଦ୍ରରୁ ମାଛ ମାରି ଭଲ ଦି ପଇସା ରୋଜଗାର କରୁଥିଲେ ମତ୍ସ୍ୟଜୀବୀ । କିନ୍ତୁ ଗତ ୬ବର୍ଷ ହେବେ ମାଛମରା ଉପରେ କଟକଣା ଲାଗିଛି । ବର୍ଷକୁ ୨ ମାସ ମାଛଧରା ସମ୍ପୂର୍ଣ୍ଣ ବନ୍ଦ ରହୁଛି ।
{"id":146167}ସେହିପରି ଅଲିଭ ରିଡ଼ଲେ କଇଁଛଙ୍କ ସୁରକ୍ଷା ପାଇଁ ୨୦୦୪ ମସିହାରୁ ଗହିରମଥାରେ ମାଛ ମାରିବା ଉପରେ ୩ ମାସର କଟକଣା ଲାଗିଥିଲା । ପର୍ଯ୍ୟାୟ କ୍ରମେ ଏହାକୁ ୬ମାସକୁ ବୃଦ୍ଧି କରାଯାଇଛି । ଯାହା ମତ୍ସ୍ୟଜୀବୀଙ୍କ ଚିନ୍ତା ବଢାଇଛି । କେବଳ ସେତିକି ନୁହେଁ ବନ ବିଭାଗ କର୍ମଚାରୀ ସମସ୍ତ ନିୟମ ଉଲଂଘନ କରି ମତ୍ସ୍ୟଜୀବୀଙ୍କ ଉପରେ ଜୁଲମ କରୁଥିବା ଅଭିଯୋଗ ହୋଇଛି । କେତେବେଳେ ସେମାନଙ୍କୁ ଗରିଫ କରୁଛନ୍ତି ତ ପୁଣି କେତେବେଳେ ବୋଟ ଛଡାଇ ନେଉଥିବା କହିଛନ୍ତି ମତ୍ସ୍ୟଜୀବୀ ।
{"id":146168}ମତ୍ସ୍ୟଜୀବୀମାନେ ଗହିରମଥାରେ ମାଛମରା ଏରିଆ ଚିହ୍ନଟ କରିବାକୁ ଦାବି କରିଛନ୍ତି । ମତ୍ସ୍ୟଜୀବୀଙ୍କ ବିଭିନ୍ନ ସମସ୍ୟାକୁ ଦୃଷ୍ଟିରେ ରଖି ନିଖିଳ ଓଡ଼ଶା ମତ୍ସ୍ୟଉତ୍ପାଦନ ମହାସଂଘ ପକ୍ଷରୁ ବାଲେଶ୍ବରରେ ଏକ ସାଧାରଣ ସଭା ଅନୁଷ୍ଠିତ ହୋଇଛି ।ଏଥିରେ ଓଡ଼ଶା ଓ ପଶ୍ଚିମବଙ୍ଗ ମତ୍ସ୍ୟଜୀବୀ ସଂଘର କର୍ମକର୍ତ୍ତା ସାମିଲ ହୋଇଥିଲେ । କାର୍ଯ୍ୟକ୍ରମରେ ବିଜେଡିର ପୂର୍ବତନ ସାଂସଦ ରବୀନ୍ଦ୍ର କୁମାର ଜେନା ଯୋଗ ନେଇ ସମସ୍ୟାର ସମାଧାନ ନେଇ ସରକାରଙ୍କ ସହ ଆଲୋଚନା କରିବେ ବୋଲି କହିଛନ୍ତି ।
{"id":146170}ଯଦି ସରକାର ସେମାନଙ୍କର ସମସ୍ୟା ସମାଧାନ ନକରନ୍ତି ତେବେ ସେମାନେ ଆଗାମୀ ଦିନରେ ରାଜରାସ୍ତାକୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି ମତ୍ସ୍ୟଜୀବୀ ।