Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୦୫ କରୋନା ସଂକ୍ରମିତ, ୧୦୫୦୩୫୪ରେ ପହଞ୍ଚିଲା ସଂଖ୍ୟା
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୩କୁ ବୃଦ୍ଧି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୧୧ ମୃତ
  • ||
  • ଗୁଜୁରାଟରେ ଓମିକ୍ରନ ଗଞ୍ଜାମକୁ ବିପଦ : ବଢିବ ସଂକ୍ରମଣ ! ସତର୍କ କଲା ପ୍ରଶାସନ
  • ||
  • ଡ୍ରାଇଭରଙ୍କୁ ମାଗିଲେ ଲାଞ୍ଚ, ନଦେବାରୁ ଆକ୍ରମଣ କରି କଲେ ଲହୁଲୁହାଣ
  • ||
  • ଆଉ ବର୍ଷା ନାହିଁ, ବଦଳିବ ପାଗ : ୧୧ରୁ କମିଯିବ ଶୀତ
  • ||
  • ଆସୁଛନ୍ତି ପୁଟିନ : ମୋଦୀଙ୍କୁ ଭେଟିବେ, ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହେବ ଆଲୋଚନା
  • ||

୧୦୦ ବର୍ଷ ଧରି ଏହି ଦେଶରେ ହେଉଛି ମାଛର ବର୍ଷା, ଆଜି ପର୍ଯ୍ୟନ୍ତ ଜଣା ପଡୁନାହିଁ ରହସ୍ୟ

3/11/2021 at 1:19 PM

ନୂଆଦିଲ୍ଲୀ ୦୩/୧୧: ଆକାଶରୁ ଜଳ ବ୍ୟତୀତ ଆପଣ କୁଆପଥର ଏବଂ ଏସିଡ୍ ବର୍ଷା ବିଷୟରେ ଶୁଣିଥିବେ, କିନ୍ତୁ ଆକାଶରୁ ମାଛର ବର୍ଷା ବିଷୟରେ ଆପଣ କେବେ ଶୁଣିଛନ୍ତି କି? ଏପରି ଏକ ଦେଶ ଅଛି ଯେଉଁଠାରେ ଗତ ୧୦୦ ବର୍ଷ ଧରି ଆକାଶରୁ ମାଛ ବର୍ଷା ହେଉଛି। ମାଛ ବର୍ଷା ହେଉଥିବା ଦେଶର ନାମ ହେଉଛି ହୋଣ୍ଡୁରାସ। ଏହି ଦେଶ ମେକ୍ସିକୋ ନିକଟରେ ଅବସ୍ଥିତ। ଗତ ୧୦୦ ବର୍ଷ ଧରି ଏଠାରେ ମାଛର ବର୍ଷା ହେବାର ଘଟଣା ଘଟୁଛି।

ସୂଚନାନୁସାରେ,ଏଠାରେ ବର୍ଷକୁ ଥରେ ବା ଦୁଇଥର ମାଛ ବର୍ଷା ହୁଏ। ଏହି ଚମତ୍କାର ଘଟଣା ବସନ୍ତ ଋତୁର ଶେଷ ଭାଗ କିମ୍ବା ଗ୍ରୀଷ୍ମର ପ୍ରାରମ୍ଭରେ ଘଟିଥାଏ। ହୋଣ୍ଡୁରାସ ଆଟଲାଣ୍ଟିକ୍ ମହାସାଗରଠାରୁ ମାତ୍ର ୨୦୦ କିଲୋମିଟର ଦୂରରେ। ବୈଜ୍ଞାନିକଙ୍କ ଅନୁଯାୟୀ ଆଟଲାଣ୍ଟିକ୍ ମହାସାଗର କାରଣରୁ ଏଠାରେ ମାଛ ବର୍ଷା ହୁଏ। କିନ୍ତୁ ଏଠାରେ ରହୁଥିବା ବାସିନ୍ଦାମାନେ ମାଛର ବର୍ଷାକୁ ଭଗବାନଙ୍କ ଆଶୀର୍ବାଦ ବୋଲି ବର୍ଣ୍ଣନା କରନ୍ତି।

ମାଛର ଏହି ବର୍ଷା ପଛରେ ହୋଣ୍ଡୁରାସର ଲୋକମାନେ କୁହନ୍ତି ଯେ ଉନବିଂଶ ଶତାବ୍ଦୀରେ ଏଠାରେ ଥିବା ଲୋକଙ୍କ ଆର୍ଥିକ ଅବସ୍ଥା ଅତ୍ୟନ୍ତ ଖରାପ ଥିଲା, ଯେଉଁ କାରଣରୁ ଲୋକମାନେ ଭୋକରେ ମରୁଥିଲେ। ସେଠାରେ ରହୁଥିବା ଜଣେ ସ୍ପେନୀୟ ପୁରୋହିତ ଏସବୁ ସହିପାରିଲେ ନାହିଁ। ତେଣୁ ସେ ତିନି ଦିନ ଓ ତିନି ରାତି ଭଗବାନଙ୍କୁ ନିରନ୍ତର ପ୍ରାର୍ଥନା କରି ଲୋକମାନଙ୍କ ପାଇଁ ଚମତ୍କାର ଦେଖାଇବାକୁ ଏବଂ ସେମାନଙ୍କ ପାଇଁ ଖାଦ୍ୟର ବ୍ୟବସ୍ଥା କରିବାକୁ କହିଥିଲେ।

କୁହାଯାଏ ଯେ ପୁରୋହିତଙ୍କ ପ୍ରାର୍ଥନା ହେତୁ ହୋଣ୍ଡୁରାସରେ ଅନ୍ଧକାର ଘୋଟିଗଲା। ଏହା ପରେ ଆକାଶରୁ ମାଛ ବର୍ଷା ହେବାକୁ ଲାଗିଲା। ସେବେଠାରୁ ଏହି ଚମତ୍କାର ପ୍ରତିବର୍ଷ ଏଠାରେ ଦେଖାଯିବାକୁ ଲାଗିଲା। କୁହାଯାଏ ଯେ ଏଠାରେ ମାଛ ବର୍ଷା ହେବା ପୂର୍ବରୁ ପ୍ରବଳ ବର୍ଷା ହୁଏ। ଏହି ସମୟରେ ବଜ୍ରପାତ ଏତେ ଦ୍ରୁତ ଗତିରେ ଆସେ ଯେ କେହି ଘରୁ ବାହାରକୁ ଯିବାକୁ ସାହସ କରନ୍ତି ନାହିଁ। ଯେତେବେଳେ ବର୍ଷା ବନ୍ଦ ହୋଇଯାଏ ଲୋକମାନେ ବାଲ୍ଟି ନେଇ ରାସ୍ତାରେ ପଡ଼ିଥିବା ମାଛକୁ ଗୋଟେଇ ଆଣନ୍ତି।

   Related Posts