Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯୁବ ମୋର୍ଚ୍ଚା ନେତାଙ୍କୁ ମାଡ଼ ଘଟଣାରେ ପ୍ରତିବାଦ, ମୁଖ୍ୟମନ୍ତ୍ରୀଙ୍କ କୁଶ ପୁତ୍ତଳିକା ଦାହ କଲା ବିଜେପି
  • ||
  • କାର୍ତ୍ତିକ ମାସର ପ୍ରଥମ ସୋମବାରରେ ଧବଳେଶ୍ଵର ପୀଠରେ ୧୪୪ ଧାରା ଜାରି
  • ||
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା : ବଦଳିଲେ ତମାଣ୍ଡୋ ଥାନା IIC, ଚନ୍ଦକା ଥାନାର ସବ୍ ଇନ୍ସପେକ୍ଟର ତୁଲାଇବେ ଦାୟିତ୍ବ
  • ||
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା, କନେଷ୍ଟବଳ ପ୍ରସନ୍ନ ବେହେରା ନିଲମ୍ବିତ
  • ||
  • ଜଗତସିଂହପୁର : ଦେବୀ ନଦୀରେ ବୁଡି ୫ମ ଶ୍ରେଣୀ ଛାତ୍ରଙ୍କ ମୃତ୍ୟୁ, ଅନ୍ୟ ୩ଜଣ ଉଦ୍ଧାର
  • ||
  • ବ୍ରହ୍ମପୁର : ବ୍ରହ୍ମପୁରରେ ସ୍ବର୍ଣ୍ଣିମ ବିଜୟ ବର୍ଷ ପାଳିତ, ପୋଲିସ ରିଜର୍ଭ ଗ୍ରାଉଣ୍ଡରେ ପହଞ୍ଚିଲା ମଶାଲ
  • ||
  • ଭୁବନେଶ୍ବର : ତେଲ ଟ୍ୟାଙ୍କରରେ ଗଞ୍ଜେଇ ଚାଲାଣ, ଅଢେଇ କ୍ବିଣ୍ଟାଲ ଗଞ୍ଜେଇ ସହ ୨ ଜଣଙ୍କୁ ଗିରଫ କଲା ଏନ୍‌ସିବି
  • ||
  • ବାଲିପାଟଣା : ବୃଦ୍ଧଙ୍କୁ ଚାପିଦେଲା ହାଇଓ୍ବା, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ସୁନ୍ଦରଗଡ : ଗଛରୁ ଉଦ୍ଧାର ହେଲା ଯୁବକଙ୍କ ଝୁଲନ୍ତା ମୃତଦେହ, ଆତ୍ମହତ୍ୟା ସନ୍ଦେହ
  • ||
  • ବାରିପଦା : ମୟୁରଭଞ୍ଜରେ ସ୍ବାସ୍ଥ୍ୟ ସ୍ମାର୍ଟ କାର୍ଡ ବାଣ୍ଟିଲେ ମୁଖ୍ୟମନ୍ତ୍ରୀ, ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଉଦଘାଟନ ଓ ଶିଳାନ୍ୟାସ
  • ||

ଜୁଲାଇରେ ହିଁ ବଜେଟ୍ ଅନୁମାନକୁ ଅତିକ୍ରମ କରିଯାଇଛି ଦେଶର ରାଜସ୍ୱ ନିଅଣ୍ଟ ଆକଳନ !

31/08/2020 at 8:07 PM

ନୂଆଦିଲ୍ଲୀ ୩୧।୮: ଲକଡଉନ କାରଣରୁ ଦୁର୍ବଳ ରାଜସ୍ୱ ସଂଗ୍ରହ କେନ୍ଦ୍ର ସରକାର ବଜେଟ୍‌ରେ ଆକଳନ କରିଥିବା ରାଜସ୍ୱ  ନିଅଣ୍ଟ ଆର୍ଥିକ ବର୍ଷ ଆରମ୍ଭର ପ୍ରଥମ ୪ ମାସ ଏପ୍ରିଲ-ଜୁଲାଇରେ ସମ୍ପୂର୍ଣ୍ଣ ବର୍ଷର ଅନୁମାନକୁ ଅତିକ୍ରମ କରିଯାଇଛି। ମହାଲେଖା ନିୟନ୍ତ୍ରକ (ସିଏଜି)ଙ୍କ ଦ୍ୱାରା ଜାରି ସୂଚନାରୁ ଏହା ଜଣାପଡିଛି। ସିଏଜିଙ୍କ ତଥ୍ୟ ଅନୁସାରେ ରାଜସ୍ୱ ନିଅଣ୍ଟ ବାର୍ଷିକ ଅନୁମାନ ତୁଳନାରେ ୧୦୩.୧ ପ୍ରତିଶତ ଅର୍ଥାତ ୮,୨୧,୩୪୯ କୋଟି ଟଙ୍କାକୁ ପହଞ୍ଚିଯାଇଛି।

ବର୍ଷକ ପୂର୍ବେ ଅର୍ଥାତ ୨୦୧୮-୧୯ ଆର୍ଥିକ ବର୍ଷରେ ଏହି ୪ ମାସରେ ବଜେଟ୍ ଅନୁମାନର ୭୭.୮ ପ୍ରତିଶତରେ ସୀମିତ ଥିଲା। ସରକାରଙ୍କ ରଜସ୍ୱ କ୍ଷତି ମୋଟ ଖର୍ଚ୍ଚ ଓ ରାଜସ୍ୱ ଆୟ ମଧ୍ୟରେ ଥିବା ପାର୍ଥକ୍ୟରୁ ନିର୍ଦ୍ଧାରିତ ହୋଇଥାଏ। ଗତବର୍ଷ ଅକ୍ଟୋବର  ମାସରେ ରାଜସ୍ୱକ୍ଷତି ବାର୍ଷିକ ବଜେଟ୍ ଆକଳନକୁ ଅତିକ୍ରମ କରିଯାଇଥିଲା। ଗତ ବଜେଟ୍ ଅଧିବେଶନରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ଉପସ୍ଥାପିତ କରିଥିବା ୨୦୨୦-୨୧ ବାର୍ଷିକ ବଜେଟ୍‌ରେ ରାଜସ୍ୱ କ୍ଷତି ୭.୯୬ ଲକ୍ଷ କୋଟି ଅର୍ଥାତ ଜିଡିପିର ୩.୫ ପ୍ରତିଶତ ମଧ୍ୟରେ ରହିବ ବୋଲି ଆକଳନ କରିଥିଲେ।

ଦେଶକରେ କରୋନା ଭାଇରସ ସଂକ୍ରମଣ ବ୍ୟାପିବାରୁ ସରକାର ମାର୍ଚ୍ଚ ୨୫ ତାରିଖରେ ଦେଶବ୍ୟାପୀ ଲକଡାଉନ୍‌ ଜାରି କରିଥିଲେ। ମେ ମାସ ପରେ ଏଥିରେ ଧିରେ ଧିରେ କୋହଳ କରାଯାଇଛି। ତେବେ ଲକଡାଉନ୍‌ ଘୋଷଣା ଯୋଗୁ ଦେଶର ସମସ୍ତ ଆର୍ଥିକ ଗତିବିଧି ଥମିଯାଇଛି। ମାର୍ଚ୍ଚରେ ବର୍ଷ ଶେଷ ହେବା ପୂର୍ବରୁ ରାଜସ୍ୱ ପ୍ରପ୍ତି ଦୁର୍ବଳ ହେବା ସହ ବନ୍ଦ ହୋଇଯାଇଥିଲା। ଫଳରେ ୨୦୧୯-୨୦ ଆର୍ଥିକ ବର୍ଷରେ ଦେଶର ରାଜସ୍ୱ ନିଅଣ୍ଟ ପରିମାଣ ଜିଡିପିର ୪.୬ ପ୍ରତିଶତକୁ ଛୁଇଁଛି।

ସିଏଜିଙ୍କ ତଥ୍ୟ ଅନୁସାରେ ଆର୍ଥିକ ବର୍ଷର ପ୍ରଥମ ୪ ମାସରେ ରାଜସ୍ୱ ପ୍ରାପ୍ତି ୨,୨୭,୪୦୨ କୋଟି ଟଙ୍କା ଥିଲା। ଯାହା ବାର୍ଷିକ ବଜେଟ ଲକ୍ଷ୍ୟର ୧୧.୩ ପ୍ରତିଶତ। ଏହା ପୂର୍ବବର୍ତ୍ତି ବର୍ଷ ଏହି ସମୟରେ ମୋଟ ରାଜସ୍ୱ ପ୍ରାପ୍ତି ଅନୁମାନର ୧୯.୫ ପ୍ରତିଶତ ଥିଲା। ଏପ୍ରିଲରୁ ଜୁଲାଇ ମଧ୍ୟରେ କର ରାଜସ୍ୱ ୨,୦୨,୭୮୮ କୋଟି ଟଙ୍କା ଅର୍ଥାତ ବଜେଟ ଅନୁମାନର ୧୨.୪ ପ୍ରତିଶତ ଆଦାୟ ହୋଇଛି। ତେବେ ଗତ ଆର୍ଥିକ ବର୍,ର ଏହି ସମୟରେ କର ରାଜସ୍ୱ ଆୟ ମୋଟ ବଜେଟ୍ ଅନୁମାର ୨୦.୫ ପ୍ରତିଶତ ଥିଲା।

   Related Posts