Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭଦ୍ରକ ବରପଦା ନିକଟରେ ଦୁଇ ଅପରାଧୀଙ୍କୁ ଏନକାଉଣ୍ଟର
  • ||

ଆସନ୍ତାକାଲି ପରୀକ୍ଷାମୂଳକ ଭାବେ ଚାଲିବ ଟ୍ରେନ୍ ଟି-୧୮ ; ଜାଣନ୍ତୁ କେଉଁ କେଉଁ ସହର ମଧ୍ୟରେ ଚାଲିବ

16/11/2018 at 5:38 PM

ନୂଆଦିଲ୍ଲୀ ୧୬|୧୧: ଭାରତୀୟ ରେଳ ବିଭାଗର ସ୍ବେଦେଶୀ ଜ୍ଞାନକୌଶଳରେ ନିର୍ମିତ ହୋଇଥିବା ସେଟ୍ ଟି-୧୮ର ଶନିବାର ଦିନ ପରୀକ୍ଷାମୂଳକ ଭାବେ ଚାଲିବ । ଏହି ଟ୍ରେନକୁ ବରେଲିରୁ ମୁରାଦାବାଦ ମଧ୍ୟରେ ଚାଲିବ । ଦେଶର ପ୍ରଥମ ଆଧୁନିକ ଟ୍ରେନରେ ଯାତ୍ରୀମାନେ ନୂଆବର୍ଷରେ ଯାତାୟତ କରିବେ । ଚେନ୍ନାଇର ଇଣ୍ଟିଗର୍ଲ କୋଚ୍ କାରଖାନାରେ ରେକର୍ଡ ୧୮ମାସରେ ନିର୍ମିତ ହୋଇଛି ଟ୍ରେନ୍ ଟି-୧୮ । ପରୀକ୍ଷଣ ପାଇଁ ଏହାର ଦାୟିତ୍ବ ଉତ୍ତର ରେଲଓ୍ବେ ଏବଂ ରେଲଓ୍ବେର ଅନୁସନ୍ଧାନ ବିକାଶ ଏବଂ ମାନକ ସଂଗଠନ (ଆରଡିଏସଓ)କୁ ଦିଆଯାଇଛି ।

ପ୍ରଥମ ଥର ଏହି ଟ୍ରେନକୁ ଦିଲ୍ଲୀ-ଭୋପାଳ ମଧ୍ୟରେ ଚଳାଚଳ କରାଯିବାର ଚର୍ଚ୍ଚା ହେଉଥିଲା । ମାତ୍ର ଏବେ ଏହାକୁ ଭୋପାଳ ବଦଳରେ ମୁରାଦାବାଦକୁ ଯୋଗାଯୋଗ କରିବା ପାଇଁ ପ୍ରସ୍ତୁତି ଚାଲିଛି । ଏହା ଶତାବ୍ଦୀର ତର୍ଜମାରେ ନିର୍ମିତ କରାଯାଇଛି । ୧୬ଟି ବଗି ବିଶିଷ୍ଟ ଏହି ଟ୍ରେନ୍ ସେଟ୍ ବିଶ୍ବସ୍ତରୀୟ ମାନକର ଅନୁରୂପ ହୋଇଛି । ଏହା ସଂପୂର୍ଣ୍ଣ ଭାବେ ଭାରତୀୟ ଜ୍ଞାନକୌଶଳ ଏବଂ ଡିଜାଇନ୍ ରେ ନିର୍ମିତ ହୋଇଛି । ଏହାକୁ ନିର୍ମାଣ କରିବାରେ ଶହେ କୋଟିର ଖର୍ଚ୍ଚ ହୋଇଛି ।  ଏହା ଭାରତୀୟ ଇତିହାସରେ ବିରଳ । ଏହାକୁ ପରୀକ୍ଷାମୂଳକ ଭାବେ ଚଲାଯିବ । ଭାରତୀୟ ରେଳ ବିଭାଗକୁ ସାରା ବିଶ୍ବରେ ଏହାର ଆଧୁନିକ ଜ୍ଞାନକୌଶଳ ଏବଂ ମୂଲ୍ୟ ଆଧାରରେ ଅର୍ଡର ମିଳିବ । ରେଳ ମନ୍ତ୍ରଣାଳୟ ଏହାକୁ ବିଶ୍ବର ସବୁଠୁ ଶସ୍ତା ଏବଂ ଆଧୁନିକ ଟ୍ରେନ୍ ବୋଲି ଦାବି କରୁଛି । ଏହାକୁ ବିଶ୍ବ ରେଳ କୌଶଳ ବଜାରରେ ପହଞ୍ଚାଇବାକୁ ଯୋଜନା କରୁଛି । ରେଳ ଅଧିକାରୀ ଦାବି କରିଛନ୍ତି ଯେ, ଏହା ସଂପୂର୍ଣ୍ଣ ଭାବେ ଭାରତୀୟ ଜ୍ଞାନକୌଶଳ ଏବଂ ଡିଜାଇନ୍ ରେ ନିର୍ମିତ ହୋଇଛି । ବିଶ୍ବରେ ଏଭଳି ଟ୍ରେନ୍ ଶହେ କୋଟିରେ କେଉଁଠି ବି ନିର୍ମିତ ହୋଇପାରିବ ନାହିଁ । ଖୁବ୍ ଶୀଘ୍ର ଟି-୧୮ର ଦ୍ବିତୀୟ ର୍ୟାକ୍ ପ୍ରସ୍ତୁତ କରାଯିବ ପରେ ନିୟମିତ ଭାବେ ଏହାର ଉତ୍ପାଦନ କରାଯିବ ।

   Related Posts