Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶବ୍ୟାପୀ ତ୍ରିରଙ୍ଗା ରାଲି ବାହାର କରିବେ କୃଷକ, ଅଗଷ୍ଟ ୧୫ରେ ପାଳନ କରିବେ ଏହି ଦିବସ
  • ||
  • ଟୋକିଓ ଅଲିମ୍ପିକ୍ସ: ଆଜି ଇତିହାସ ରଚିବାକୁ ଓହ୍ଲାଇବେ ରବି ଦାହିଆ, ପୁରୁଷ ହକି ଉପରେ ବି ରହିବ ନଜର
  • ||
  • ତୃତୀୟ ଲହରକୁ ନେଇ ସତର୍କ କରାଇଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ଭକ୍ତଙ୍କ ପାଇଁ ବଡ଼ ଘୋଷଣା, ୧୬ ତାରିଖରୁ ଖୋଲିବ ଶ୍ରୀମନ୍ଦିର
  • ||
  • ଅଗଷ୍ଟ ୧୬ରୁ ଶ୍ରୀମନ୍ଦିର ଖୋଲିବ
  • ||
  • ଟୋକିଓ ଅଲିମ୍ପିକ୍ସ ହକି ସେମିଫାଇନାଲ୍‌ରେ ହାରିଲା ମହିଳା ଦଳ, ଫାଇନାଲ୍‌କୁ ଉନ୍ନିତ ହେଲା ଆର୍ଜେଣ୍ଟିନା
  • ||
  • ଦେବଗଡ : ହନୁମାନ ପଇସା ରାକେଟ୍ ଠାବ : ୩ ଗିରଫ, ୨ଟି ହନୁମାନ ପଇସା ଜବତ
  • ||
  • ସାଲେପୁର : ସାଲେପୁର ଅଞ୍ଚଳରୁ ବିରଳ ଏଣ୍ଡୁଅ ଉଦ୍ଧାର, ବଦଳାଉଛି ରଙ୍ଗ
  • ||
  • ଢେଙ୍କାନାଳ : ବିକ୍ରି କରୁଥିଲେ ବାରହା ମାଂସ, ୩ ଶିକାରୀଙ୍କୁ ବାନ୍ଧିଲା ବନ ବିଭାଗ
  • ||
  • ଅନୁଗୋଳ : ରେଙ୍ଗାଳି ଡ୍ୟାମ୍‌ରୁ ଛଡାଗଲା ଚଳିତ ବର୍ଷର ପ୍ରଥମ ବନ୍ୟାଜଳ, ୭ ନମ୍ବର ଗେଟ୍ ଦେଇ ଜଳ ନିଷ୍କାସିତ
  • ||

ଔଷଧର ଭଣ୍ଡାର ଗଧ ଖୀର ! ହିସାରରେ ସ୍ଥାପିତ ହେବାକୁ ଯାଉଛି ଦେଶର ପ୍ରଥମ ଡାୟେରି ଫାର୍ମ

8/08/2020 at 3:50 PM

ହିସାର ୮।୮: ହୁଏତ ଆପଣ ବିଶ୍ୱାସ କରିନପାରନ୍ତି ହେଲେ ଗଧ ଖୀର ଔଷଧର ଭଣ୍ଡାର । ଗୁଜରାଟରେ ମିଳୁଥିବା ହିଲାରୀ ପ୍ରଜାତି ଗଧର ଖୀରରେ ଏପରି ଔଷଧିୟ ଗୁଣ ରହିଛି ଯାହା କର୍କଟ, ପୃଥୁଳତା  ଓ ଏଲାର୍ଜୀ ଭଳି ଶାରୀରିକ ସମସ୍ୟା ଲାଗି ମଣିଷ ଦେହରେ ରୋଗ ପ୍ରତିରୋଧକ ଶକ୍ତି ସୃଷ୍ଟି କରିପାରୁଛି। ଖାସ ଏଥିଲାଗି ଏହି ଗଧ ଖୀର ଲିଟର ପିଛା ୨ରୁ ୭ ହଜାର ଟଙ୍କା ମୂଲ୍ୟରେ ବିକ୍ରି ହେଉଛି। ଏଣୁ ହିସାରସ୍ଥିତ ଜାତୀୟ ଅଶ୍ୱ ଗବେଷଣା କେନ୍ଦ୍ର (ଏନଏଚ୍ଆରସି) ପ୍ରଥମ କରି ଗଧ ଡାୟରି ଫାର୍ମ ସ୍ଥାପନା କରିବାକୁ ଯାଉଛନ୍ତି।

ଏଥିଲାଗି ଏନଏଚଆରସି କିଛି ହିଲାରୀ ପ୍ରଜାତିର ଗଧ ଆଣି ରଖିଥିଲେ। ଏବେ ସେମାନଙ୍କର ବ୍ରିଡିଂ କରାଯାଇଥିବା ବେଳେ ଡାୟରି ଫାର୍ମ ସ୍ଥାପନା ଲାଗି ପଦକ୍ଷେପ ନିଆଯାଉଛି। ଏପରି ଗଧଙ୍କ ଖୀର କେବଳ ଖାଦ୍ୟ ନୁହେଁ ବ୍ୟୁଟି ପ୍ରଡକ୍ଟ ଉତ୍ପାଦନ ଲାଗି ମଧ୍ୟ ବ୍ୟବହାର ହେଉଛି। ଏଣୁ  ଏହି ଖୀରର ମୂଲ୍ୟ ଯଥେଷ୍ଟ ଅଧିକ।

ଏହି ପ୍ରକଳ୍ପରେ କାର୍ଯ୍ୟ କରୁଥିବା ବରିଷ୍ଠ ବୈଜ୍ଞାନିକ ଡା.ଅନୁରାଧା ଭରଦ୍ୱାଜଙ୍କ ଅନୁସାରେ କେବେ କେବେ ଗାଈ ଅଥବା ମଇଁଷି ଖୀର ପିଲାଙ୍କ ଠାରେ ଏଲର୍ଜୀ ସୃଷ୍ଟି କରିଥାଏ। ତେବେ ଗଧ ଖୀର କେବେବି ଏଲର୍ଜୀ କରେ ନାହିଁ। ଶିଶୁଙ୍କ ଲାଗି ଏହା ଏକ ପୈଷ୍ଟିକ ଆହର ହୋଇଥିବା ବେଳେ ରୋଗ ପ୍ରତିଷେଧକ ଶକ୍ତି ବୃଦ୍ଧିରେ ସହାୟକ ହୋଇଥାଏ। ଏହି ଖୀରରେ ପ୍ରଚୁର ଆଣ୍ଟି ଅକ୍ସିଡେଣ୍ଟ ଓ ଆଣ୍ଟି ଏଜିନ୍‌ ଭରି ରହିଛି। ଯାହା ମଣିଷ ଶରୀରକୁ ଅନେକ ଗୁରୁତର ରୋଗ ବିରୋଧରେ ଲଢିବାକୁ କ୍ଷମତା ପ୍ରଦାନ କରିଥାଏ। 

ଗଧ ଖୀରକୁ ନେଇ ଏବେ ଅଧିକ ଗବେଷଣା କରାଯାଉଛି। ଏହି ଖୀରରେ ନାମକୁ ମାତ୍ର ଫ୍ୟାଟ୍ ରହୁଥିବା ଗବେଷଣା କେନ୍ଦ୍ରର ନିର୍ଦ୍ଦେଶକ ଡା. ୟଶପାଲ କହିଛନ୍ତି। ତେବେ ଗଧ ଖୀରରୁ ଡା. ଅନୁରାଧା ପ୍ରଥମ କରି ବ୍ୟୁଟି ପ୍ରଡକ୍ଟର ପରିକଳ୍ପନା କରିଥିଲେ। ତାଙ୍କ ପ୍ରଦତ୍ତ ବୈଷୟିକ ଜ୍ଞାନକୌଶଳରେ କେରଳର ଏକ ଫାର୍ମ ବିଭିନ୍ନ ପ୍ରକାର ବ୍ୟୁଟି ପ୍ରଡକ୍ଟ ଉତ୍ପାଦନ କରୁଥିବା ବେଳେ ଏଥିରେ ସାବୁନ, ଲିପ୍ ବାମ୍‌ ଓ ବଡି ଲୋସନ ଆଦି ପ୍ରସ୍ତୁତ କରାଯାଉଛି।  

   Related Posts