Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୫ ହଜାରରୁ ଅଧିକ କରୋନା ପଜିଟିଭ୍, ୮୭୧ ମୃତ
  • ||
  • ବଜେଟ ପୂର୍ବରୁ ହେବନି ହାଲୁଆ ଉତ୍ସବ, ଏଥର ମୋବାଇଲ ଆପ୍ଲିକେସନରେ ମିଳିବ ସବୁ ତଥ୍ୟ
  • ||
  • ନୟାଗଡ : ଧାନବସ୍ତା ଚୋରି ପଡିଲା ମହଙ୍ଗା, ୨ ଯୁବକଙ୍କୁ ଗାଁ ଦାଣ୍ଡରେ ବାନ୍ଧିଦେଲେ ଲୋକେ
  • ||
  • ଭଦ୍ରକ : ଭିନ୍ନକ୍ଷମ ସାର୍ଟିଫିକେଟ୍‌ର ପୁନଃ ଯାଞ୍ଚ ପାଇଁ ଦାବି କଲା ଓଡିଶା ଭିନ୍ନକ୍ଷମ ମଞ୍ଚ
  • ||
  • ଘଟଗାଁ : ନାଳରୁ ମିଳିଲା ଅଜଣା ବ୍ୟକ୍ତିଙ୍କ ମୃତଦେହ, ହତ୍ୟା କରି ପାଣିରେ ଫିଙ୍ଗି ଦେଇଥିବା ସନ୍ଦେହ
  • ||
  • ରାଜ୍ୟରେ ଆଉ ୧୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୭୫କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୪୮୪୨ କୋଭିଡ୍ ପଜିଟିଭ୍, ୧୨୪୧୦୬୮ରେ ପହଞ୍ଚିଲା ସଂଖ୍ୟା
  • ||
  • ଭୁବନେଶ୍ବର : ଭୁବନେଶ୍ବର ଓ ବ୍ରହ୍ମପୁର ମେୟର ପଦବୀ ମହିଳାଙ୍କ ପାଇଁ ସଂରକ୍ଷିତ, କଟକ ପଦବୀ ଅଣସଂରକ୍ଷିତ
  • ||
  • ମୋରଡା : ଭାରସାମ୍ୟ ହରାଇ ପୋଲ ତଳକୁ ଖସିଲା ସ୍କର୍ପିଓ, ୪ ଗୁରୁତର ମେଡିକାଲରେ ଭର୍ତ୍ତି
  • ||
  • ଲମତାପୁଟ : ପୁଣି ଅପରେସନ୍ ଗ୍ରୀନ୍ କ୍ଲିନ୍ ଆରମ୍ଭ : ମାଓ ପ୍ରଭାବିତ ଅଞ୍ଚଳରେ ୮ଏକର ଗଞ୍ଜେଇ ଚାଷ ନଷ୍ଟ
  • ||

ଋଷିଆର ‘ଭିକ୍ଟରି ଡେ ପରେଡ୍’ରେ ପ୍ରଥମ ଥର ଦମ୍ ଦେଖାଇବେ ଭାରତର ୩ ସେନା, ଇର୍ଷାରେ ଜଳିବ ଚୀନ୍

15/06/2020 at 3:46 PM

ନୂଆଦିଲ୍ଲୀ ୧୫।୬:  ଋଷିଆ ରାଜଧାନୀ ମସ୍କୋର ରେଡ ସ୍କୋୟାରରେ ପ୍ରତିବର୍ଷ ଅନୁଷ୍ଠିତ ହେଉଥିବା ‘ଭିକ୍ଟରି ଡେ ପରେଡ’ରେ ଚଳିତବର୍ଷ ଭାରତର ୩ ସେନା ଅଂଶଗ୍ରହଣ କରିବେ।  ପୂର୍ବ ବର୍ଷମାନଙ୍କରେ କେବଳ ଭାରତୀୟ ସ୍ଥଳ ସେନା ଋଷିଆର ଏହି ସ୍ୱତନ୍ତ୍ର କାର୍ଯ୍ୟକ୍ରମରେ ଅଂଶଗ୍ରହଣ କରୁଥିଲା। ୨୪ ଜୁନ୍ ସ୍ୱତନ୍ତ୍ର କାର୍ଯ୍ୟକ୍ରମ ଲାଗି ଋଷିଆ ରାଷ୍ଟ୍ରପତି ଭ୍ଲାଦିମିର ପୁତିନ୍ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଆମନ୍ତ୍ରିତ କରିଛନ୍ତି। ତେବେ କୋଭିଡ-୧୯ ମହାମାରୀ ଯୋଗୁ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ଯୋଗଦେବା ସମ୍ଭବ ହେଉ ନଥିଲେ ମଧ୍ୟ ଭାରତୀୟ ମିଳିତ ସେନା ନିଶ୍ଚିତ ପରେଡରେ ଅଂଶଗ୍ରହଣ କରିବେ ବୋଲି ଭାରତ ପ୍ରତିଶ୍ରୁତି ଦେଇଛି।

୯ମେ ୧୯୪୫ରେ ଜର୍ମାନ ନାଜି ସେନାଙ୍କ ଆତ୍ମସମର୍ପଣ ଦିନକୁ ଋଷିଆ ଭିକ୍ଟୋରୀ ଡେ ଭାବେ ପାଳନ କରିଆସୁଛି। ହେଲେ ଚଳିତବର୍ଷ କରୋନା ଭାଇରସ ସଂକ୍ରମଣ ଯୋଗୁ ୯ ଜୁନରେ ଭିକ୍ଟୋରୀ ଡେ ପରେଡ ଆୟୋଜନ ଟଳିଥିଲା। ଗତବର୍ଷ ପ୍ରଧାନମନ୍ତ୍ରୀଙ୍କ ବ୍ଲାଡିଭୋସ୍ତକ ଗସ୍ତକାଳରେ ଋଷିଆ ରାଷ୍ଟ୍ରପତି ତାଙ୍କୁ କାର୍ଯ୍ୟକ୍ରମକୁ ଆମନ୍ତ୍ରିତ କରିଥିଲେ। ତେବେ ପ୍ରଧାନମନ୍ତ୍ରୀ ଯାଇ ପାରୁନଥିବାରୁ ଭାରତର ୩ ସେନାରୁ ୭୫ରୁ ୮୦ ଜଣ ଜବାନ ପରେଡରେ ଅଂଶଗ୍ରହଣ କରିବାକୁ ଯିବେ। ଏଥିପାଇଁ ସେମାନଙ୍କୁ ଜୁନ ୧୯ ତାରିଖରେ ମସ୍କୋ ପଠାଯିବ।

ଋଷ ଚଳିତ ବର୍ଷ ନାଜିଙ୍କ ଉପରେ ବିଜୟର ୭୫ତମ ବାର୍ଷିକ ପାଳନ କରୁଛି। ଏଣୁ ଅନେକ ଦେଶର ମୁଖ୍ୟମାନଙ୍କୁ ଏହି ସ୍ୱତନ୍ତ୍ର କାର୍ଯ୍ୟକ୍ରମ ଲାଗି ଆମନ୍ତ୍ରଣ କରାଯାଇଥିଲା। ତେବେ ଭାରତୀୟ କୂଟନୈତିକ ସୂତ୍ରରୁ ମିଳିଥିବା ସୂଚନା ଅନୁସାରେ ୟୁନିଟ୍ ପରେଡରେ ଭାରତୀୟ ସେନା ଗ୍ରେଟ୍ ପାଟ୍ରିୟୋଟିକ୍ ୱାରରେ ଭାରତର ଯୋଗଦାନ ପ୍ରଦର୍ଶନ କରିପାରନ୍ତି।  ତେବେ ଋଷିଆ କାର୍ଯ୍ୟକ୍ରମରେ ଭାରତର ଉପସ୍ଥିତି ଚୀନ ଲାଗି ଅସହ୍ୟ ହୋଇପାରେ ବୋଲି ଏବେ ଅନୁମାନ କରାଯାଉଛି।

ଚୀନ ଓ ଋଷିଆ ସମ୍ପର୍କ ବେଶ ଗଭୀର। ଏଥିରେ ଭାରତ ଋଷିଆର ପୂର୍ବ ସହଯୋଗୀ ହୋଇଥିବା ବେଳେ ଏବେ ଆମେରିକାର ନିକଟତର ହୋଇପାରିଛି। ଚୀନ ଆମେରିକା ମୁହାଁ ମୁହିଁ ଛିଡା ହୋଇଥିବାରୁ ଭାରତ ନୂଆ ସମୀକରଣ ସୃଷ୍ଟି କରିଛି। ଏଥିରେ ଭିକ୍ଟୋରୀ ଡେ ପରେଡରେ ଭାରତର ଯୋଗଦାନ ଚୀନ ଆଖିରେ କଣ୍ଟା ହେବ ବୋଲି କୁହାଯାଉଛି।

   Related Posts