Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଚିହ୍ନଟ ହେଲେ ଆଉ ୫୪ କୋଭିଡ୍ ପଜିଟିଭ୍, ୩୩୭୬୭୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ବୌଦ୍ଧ : ବାପାଙ୍କ ଅନ୍ତିମ ସଂସ୍କାର ସାରି ଫେରୁଥିବା ବେଳେ ଅଧାବାଟରେ ଚାଲିଗଲା ପୁଅର ଜୀବନ
  • ||
  • ସୋର : ପୋଡିହୋଇ ମହିଳାଙ୍କ ମୁତ୍ୟୁ, ଘରଠାରୁ ୧୦୦ମି. ଦୂର କୁକୁଡା ଫାର୍ମ ପଛପଟୁ ଉଦ୍ଧାର ହେଲା ମୃତଦେହ
  • ||
  • ଲମତାପୁଟ : ନିଜକୁ ଗୁଳି କରି ବିଏସ୍‌ଏଫ୍‌ ଯବାନଙ୍କ ଆତ୍ମହତ୍ୟା !
  • ||
  • ଖଲ୍ଲିକୋଟ : ଧାନ କିଣା ଯାଉନଥିବା ପ୍ରତିବାଦରେ ରାସ୍ତାରୋକ କଲେ ଚାଷୀ, ପାନୀୟ ଜଳ ଯୋଗାଣ ବାଧାପ୍ରାପ୍ତ
  • ||
  • ପୁର : ଶ୍ରୀମନ୍ଦିରରେ ପଡିଲା ରକ୍ତ ଛିଟା, ମହାପ୍ରଭୁଙ୍କର ହେଲା ମହାସ୍ନାନ
  • ||
  • ଆଜିଠୁ ପୁରୀରେ ‘ମୋ ଧାମ ମୋ ଗର୍ବ’ କାର୍ଯ୍ୟକ୍ରମ, ପ୍ରତି ଶନିବାର ଚାଲିବ ବଡଦାଣ୍ଡ ସେବା
  • ||
  • ଧର୍ମଗଡ଼ : ବିବାହିତ ମହିଳାଙ୍କୁ ମାରି ପୋଡିଦେଲେ ! ଜଙ୍ଗଲରୁ ମିଳିଲା ଅର୍ଦ୍ଧଦଗ୍ଧ ମୃତଦେହ
  • ||
  • ଜଳେଶ୍ୱର : ପୂଜା ଭୋଜି ଓ ଭୋଗ ଖାଇ ୧୫୦ ଅସୁସ୍ଥ, ବିଭିନ୍ନ ମେଡିକାଲରେ ଚିକିତ୍ସା ଜାରି
  • ||
  • ଶେରଗଡ : ଭୟାବହ ଅଗ୍ନିକାଣ୍ଡ, ୯୦ ଛେଳି ଜୀଅନ୍ତା ଜଳିଗଲେ
  • ||

ପ୍ରଥମ ବ୍ୟାଚ୍‌ରେ ଦିଲ୍ଲୀ, ମହାରାଷ୍ଟ୍ର ସମେତ ୫ ରାଜ୍ୟ ପାଇବେ କୋଭିଡ-୧୯ ଔଷଧ, ଦ୍ୱିତୀୟ ପର୍ଯ୍ୟାୟରେ ଓଡିଶାକୁ ଔଷଧ ଆସିବ

25/06/2020 at 8:02 PM

ହାଇଦ୍ରାବାଦ, ୨୫|୦୬:   ଦେଶରେ ବୃଦ୍ଧି ପାଉଥିବା କରୋନା ସଂକ୍ରମଣ ମାମଲା ମଧ୍ୟରେ ଏକ ଭଲ ଖବର ସାମ୍ନାକୁ ଆସିଛି । କରୋନା ଭାଇରସର ଔଷଧକୁ ପାଞ୍ଚୋଟି ରାଜ୍ୟକୁ ପଠାଇ ଦିଆଯାଇଛି । ହାଇଦ୍ରାବାଦର କମ୍ପାନୀ ହେଟରୋ ରେମଡେସିଭିରର ଜେନେରିକ୍ ଭର୍ସନ୍ କୋଭିଫୋର୍ ନାମରେ ପ୍ରସ୍ତୁତ କରିଛି । କମ୍ପାନୀ ପ୍ରଥମ ପର୍ଯ୍ୟାୟରେ ୨୦ ହଜାର ଔଷଧ ଦିଲ୍ଲୀ, ମହାରାଷ୍ଟ୍ର, ଗୁଜୁରାଟ ଓ ତମିଲନାଡୁକୁ ପଠାଇଛି । ଏହି ରାଜ୍ୟ ସବୁଠାରୁ ଅଧିକ କରୋନା ପ୍ରଭାବିତ । ସେହିପରି ଏହି ଔଷଧ ପ୍ରସ୍ତୁତ କରିଥିବାରୁ ହାଇଦ୍ରାବାଦ କମ୍ପାନୀ ତେଲେଙ୍ଗାନାକୁ ମଧ୍ୟ ପଠାଇଛି ।

ହେଟରୋର କହିବାନୁସାରେ, କୋଭିଫୋରର ୧୦୦ ମିଲିଗ୍ରାମର ଇଞ୍ଜେକ୍ସନ ୫୪୦୦ ଟଙ୍କାରେ ମିଳିବ । କମ୍ପାନୀ ଆସନ୍ତା ୩ରୁ ୪ ସପ୍ତାହରେ ଏକ ଲକ୍ଷ ଇଞ୍ଜେକ୍ସନ ପ୍ରସ୍ତୁତ କରିବ ।

ଏବେ ଏହି ଇଞ୍ଜେକ୍ସନ ହାଇଦ୍ରାବଦର ପର୍ମ୍ୟୁଲେସନ୍ ଫାସିଲିଟିରେ ତିଆରି ହେଉଛି । ଦ୍ୱିତୀୟ ପର୍ଯ୍ୟାୟରେ ଏହାକୁ ଭୋପାଳ, ଇନ୍ଦୋର, କୋଲକାତା, ପାଟନା, ଲକ୍ଷ୍ନୌ, ରାଞ୍ଚୀ, ଭୁବନେଶ୍ୱର, କୋଚି, ବିଜୟଓ୍ୱାଡା, ଗୋଆ ଓ ତ୍ରିବେନ୍ଦ୍ରମକୁ ପଠାଯିବ । ଏବେ ଏହି ଔଷଧ କେବଳ ସରକାର ଓ ହସ୍ପିଟାଲ ଜରିଆରେ ମିଳୁଛି ।

ଔଷଧ କମ୍ପାନୀ ସିପ୍ଲା ରେମଡେସିଭିର ପ୍ରସ୍ତୁତ କରୁଥିବା ଆମେରିକୀୟ କମ୍ପାନୀ ଗିଲେଡ୍ ସାଇନ୍ସ ସହ ଏଗ୍ରିମେଣ୍ଟ ସ୍ୱାକ୍ଷର କରିଛି । ଏହି ଔଷଧ ୫୦୦୦ରୁ କମ୍ ଟଙ୍କାରେ ମିଳିବ । ଭାରତରେ ଏଲୋପାଥି ଔଷଧର ରେଗ୍ୟୁଲେଟର୍, ଡ୍ରଗ୍ କଣ୍ଡ୍ରୋଲର୍ ଜେନେରାଲ ଅଫ୍ ଇଣ୍ଡିଆ ସିପ୍ଲା ଓ ହେଟରୋକୁ ଔଷଧ ବିକ୍ରୟ ଓ ପ୍ରସ୍ତୁତ ପାଇଁ ଅନୁମତି ଦେଇଛି ।

ଡିଜିସିଆଇ ଏହା ପୂର୍ବରୁ ଆଣ୍ଟି ଭାଇରାଲ ମେଡିସିନ୍ ଫାଭିପିରାଭିରର ଜେନେରିକ୍ ଭର୍ସନ ପ୍ରସ୍ତୁତ କରିବା ପାଇଁ ଗ୍ଲେନମାର୍କ ଫାର୍ମାସିଟିକାଲକୁ ଅନୁମତି ଦେଇଥିଲା । କମ୍ପାନୀ ଫାଭିଫ୍ଲୁ ନାମରେ ଏହାକୁ ପ୍ରସ୍ତୁତ କରିଥିଲା । ଏହାର ଦାମ୍ ୩୪ଟି ଟାବଲେଟକୁ ୩୫୦୦ ଟଙ୍କା । ଅର୍ଥାତ ଗୋଟିଏ ଟାବଲେଟ୍ ପାଇଁ ଆପଣଙ୍କୁ ୧୦୩ ଟଙ୍କା ଦେବାକୁ ପଡିବ ।

   Related Posts