Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଲୋକସଭାରେ ପାରିତ ହେଲା କୃଷି ଆଇନ ଉଚ୍ଛେଦ ବିଲ୍‌
  • ||
  • କୃଷକଙ୍କୁ ଦଳି ମାରିଲେ ୭ ଦନ୍ତା, ଖଣ୍ଡ ଖଣ୍ଡ କରିଦେଲେ ଶରୀର
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ, ୨୩୬ ମୃତ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୯କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୭ କରୋନା ସଂକ୍ରମିତ, ୧୦୪୮୮୮୦ରେ ପହଞ୍ଚିଲା ସଂଖ୍ୟା
  • ||
  • ୧୨ ଘଣ୍ଟିଆ ମୟୂରଭଞ୍ଜ ବନ୍ଦ : ବିଭିନ୍ନ ଭାଷାକୁ ଦ୍ୱିତୀୟ ରାଜ୍ୟଭାଷା ମାନ୍ୟତା ପ୍ରଦାନ ଦାବି
  • ||
  • ୧୨ ଘଣ୍ଟିଆ ମୟୂରଭଞ୍ଜ ବନ୍ଦ : ବିଭିନ୍ନ ଭାଷାକୁ ଦ୍ୱିତୀୟ ରାଜ୍ୟଭାଷା ମାନ୍ୟତା ପ୍ରଦାନ ଦାବି
  • ||
  • ଭିଜିଲାନ୍ସ ଜାଲରେ କନଷ୍ଟେବଳ, ଜବତ ହେଲାଣି ଲକ୍ଷ ଲକ୍ଷ ଟଙ୍କା
  • ||
  • ଭିଜିଲାନ୍ସ ଜାଲରେ କନଷ୍ଟେବଳ, ଜବତ ହେଲାଣି ଲକ୍ଷ ଲକ୍ଷ ଟଙ୍କା
  • ||
  • ଓମିକ୍ରନ୍ ନେଇ AIIMS ମୁଖ୍ୟ ଗୁଲେରିଆ ଦେଲେ ଚେତାବନୀ, କହିଲେ ନୂଆ ଭାରିଆଣ୍ଟ ଭାକସିନକୁ ଦେଇପାରେ ଚକମା
  • ||

ବାଂଲାଦେଶର ପ୍ରଥମ ହିନ୍ଦୁ ମୁଖ୍ୟ ବିଚାରପତିଙ୍କୁ ୧୧ ବର୍ଷ ଜେଲ , ଭ୍ରଷ୍ଟାଚାର ମାମଲାରେ ଥିଲେ ଜଡିତ

10/11/2021 at 11:54 AM

ଢାକା ୧୦/୧୧ : ବାଂଲାଦେଶର ଏକ ଅଦାଲତ ଟଙ୍କା ହେରଫେର ଓ ବିଶ୍ୱାସ ଭଙ୍ଗ ମାମଲାରେ ମଙ୍ଗଳବାର ଦିନ ପୂର୍ବ ଓ ପ୍ରଥମ ହିନ୍ଦୁ ବିଚାରପତି ସୁରେନ୍ଦ୍ର ସିହ୍ନାଙ୍କୁ ତାଙ୍କ ଅନୁପସ୍ଥିତିରେ ୧୧ ବର୍ଷ କାରାଦଣ୍ଡ ଶୁଣାଇଛନ୍ତି । ଢାକାର ସ୍ୱତନ୍ତ୍ର ନ୍ୟାୟାଧୀଷ ମଜୂବୁଲ ଆଲାମ ପୂର୍ବ ବିଚାରପତିଙ୍କୁ ଟଙ୍କା ହେରଫେର ଅପରାଧରେ ୭ ବର୍ଷ ଓ ବିଶ୍ୱାସ ଭଙ୍ଗ ମାମଲାରେ ୪ ବର୍ଷ କାରାଦଣ୍ଡ ଶୁଣାଇଛନ୍ତି ।

ଦୁଇଟି ମାମଲା ଏକାସହ ଚାଲିବ। ୭୦ ବର୍ଷିୟ ସିହ୍ନା ଏବେ ଆମେରିକାରେ ଅଛନ୍ତି। ଅଦାଲତ ତାଙ୍କ ଫୈସଲାରେ କହିଛନ୍ତି ସିହ୍ନା ଟଙ୍କା ହେରଫେର ମାମଲାରେ ମୁଖ୍ୟ ଲାଭାର୍ଥି । ସିହ୍ନା ପଦ୍ମ ବ୍ୟାଙ୍କରୁ ୪,୭୦,୦୦୦ ଆମରିକିୟ ଡଲାର ଋଣ ନେଇ ଟଙ୍କା ହେରଫେର କରିଥିବାରୁ ତାଙ୍କୁ ୧୧ ବର୍ଷ ଜେଲ ଦଣ୍ଡାଦେଶ ଶୁଣାଇଛନ୍ତି । ଚାରି ବର୍ଷ ପୂର୍ବରୁ ବିଦେଶ ଯିବା ପାଇଁ ସିହ୍ନା ତାଙ୍କ ପଦରୁ ଇସ୍ତଫା ଦେଇଥିଲେ।

ସରକାର ତାଙ୍କ ଉପରେ ଭ୍ରଷ୍ଟାଚାର ଅଭିଯୋଗ ମଧ୍ୟ କରିଛନ୍ତି । ସିହ୍ନା ଜାନୁଆରି ୨୦୧୫ ରୁ ନଭେମ୍ବର ୨୦୧୭ ପର୍ଯ୍ୟନ୍ତ ଦେଶର ମୁଖ୍ୟ ବିଚାରପତି ଥିଲେ । ବାଂଲାଦେଶର ଅଗଣତାନ୍ତ୍ରିକ ଶାସନକୁ ବିରୋଧ କରିବାରୁ ତାଙ୍କୁ ଇସ୍ତଫା ଦେବାକୁ ବାଧ୍ୟ କରାଯାଇଥିବା ସିହ୍ନା କହିଛନ୍ତି । ଏହି ମାମଲାରେ ଦଶ ଜଣଙ୍କ ମଧ୍ୟରୁ ମହମ୍ମଦ ଶାହାଜାଂ ଓ ନିରଞ୍ଜନ ଚନ୍ଦ୍ର ଶାହାଙ୍କୁ ନିର୍ଦୋଷ ସାବିତ କରାଯାଇଛି ।

ମାମଲାର ବୟାନ ଅନୁସାରେ ଅନ୍ୟ ଅଭିଯୁକ୍ତ ମାନେ ନକଲି ଦସ୍ତାବିଜ ଦ୍ୱାରା ୪,୭୦,୦୦୦ ଟଙ୍କା ଋଣ ନେଇଥିଲେ ଓ ଏହି ଟଙ୍କାକୁ ପେ ଅର୍ଡର ମାଧ୍ୟମରେ ସିହ୍ନାଙ୍କ ବେଙ୍କ ଏକାଉଣ୍ଟକୁ ପଠାଇଦେଇଥିଲେ। ତାପରେ ସିହ୍ନା ଏହି ଟଙ୍କା ଚେକ୍ ଓ ପେ ଅର୍ଡର ମାଧ୍ୟମରେ ଅନ୍ୟ ଏକାଉଣ୍ଟକୁ ପଠାଇଦେଇଥିଲେ। ଏହା ଭ୍ରଷ୍ଟାଚାର ପ୍ରତିରୋଧ ଅଧିନିୟମ ଓ ଟଙ୍କା ହେରଫେର ପ୍ରତିରୋଧ ଅଧିନିୟମରେ ଦଣ୍ଡନୀୟ ଅପରାଧ ଅଟେ ।

   Related Posts