Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମା’ ମାଣିକେଶ୍ଵରୀଙ୍କ ପ୍ରସିଦ୍ଧ ଛତର ଯାତ୍ରା ପାଇଁ ୧୪୪ ଧାରା ଜାରି
  • ||
  • ପ୍ରକାଶ ପାଇଲା ମାଟ୍ରିକ୍ ସପ୍ଲିମେଣ୍ଟାରୀ ପରୀକ୍ଷା ଫଳ
  • ||
  • ରାୟଗଡାରେ ବୋଲେରୋ-ବାଇକ୍ ମୁହାଁମୁହିଁ ଧକ୍କା, ୨ ଗୁରୁତର
  • ||
  • ବିନା ଅନୁମତିରେ ଦାଢ଼ି ରଖି ନିଲମ୍ବିତ ହେଲେ ପୋଲିସ ବାବୁ
  • ||
  • ପାଲଘର ମାମଲାରେ ଆଉ ୨୪ ଅଭିଯୁକ୍ତ ଗିରଫ
  • ||
  • ରାଜ୍ୟରେ ଆଉ ୧୫ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ବିହାର ନିର୍ବାଚନ ପାଇଁ ବିଜେପି ଜାରି କଲା ସଂକଳ୍ପ ପତ୍ର
  • ||
  • ରାଜ୍ୟରେ ୧୯୧୩ କରୋନା ସଂକ୍ରମିତ ଚିହ୍ନଟ
  • ||
  • ଭୀଷଣ ଅବପାତର ରୂପ ନେବ ଲଘୁଚାପ ! ଆଜି ଓ ଆସନ୍ତାକାଲି ପ୍ରବଳ ବର୍ଷା
  • ||
  • ଟ୍ରେଲର ପଛରେ ପିଟିହେଲା ସିମେଣ୍ଟ ବୋଝେଇ ଟ୍ରକ୍, ଡ୍ରାଇଭର ମୃତ
  • ||

ନିର୍ଭୟାଙ୍କୁ ଗୁରୁତର ଅବସ୍ଥାରେ ଦେଖିଥିବା ପ୍ରଥମ ବ୍ୟକ୍ତି କହିଲେ, ସେହି ରାତିର କଥା ଏବେ ବି ମନେ ପଡ଼ୁଛି…

21/03/2020 at 6:10 PM

ନୂଆଦିଲ୍ଲୀ୨୧/୩: ଗଣଦୁଷ୍କର୍ମ ପରେ ଗୁରୁତର ଅବସ୍ଥାରେ ନିର୍ଭୟାଙ୍କୁ ପ୍ରଥମେ ଦେଖିଥିବା ବ୍ୟକ୍ତି ରାଜ କୁମାର ବଖାଣିଲେ ସେହି କାଳ ରାତିର କଥା। ନିର୍ଭୟା ଗଣଦୁଷ୍କର୍ମ ଓ ହତ୍ୟା ମାମଲାର ୪ ଦୋଷୀଙ୍କୁ ମାର୍ଚ୍ଚ ୨୦ ତାରିଖ ସକାଳ ୫ଟା ୩୦ ମିନିଟ୍‌ରେ ତିହାର ଜେଲ୍‌ରେ ଫାଶୀ ଖୁଣ୍ଟରେ ଝୁଲାଇ ଦିଆଯାଇଛି। ୪ ଦୋଷୀ ଫାଶୀ ଖୁଣ୍ଟରେ ଝୁଲିବା ପରେ ବିଭିନ୍ନ ମହଲରେ ଭିନ୍ନ ଭିନ୍ନ ପ୍ରତିକ୍ରିୟା ଆସିବାରେ ଲାଗିଛି। ସେହିପରି ନିର୍ଭୟାଙ୍କୁ ଗୁରୁତର ଅବସ୍ଥାରେ ପ୍ରଥମେ ଦେଖିଥିବା ରାଜ କୁମାର ମଧ୍ୟ ନିଜର ଖୁସି ଜାହିର କରିଛନ୍ତି। ୨୦୧୨ ମସିହା ଡିସେମ୍ବର ୧୬ ତାରିଖ ରାତିରେ ଘଟିଥିବା ଘଟଣା ସଂପର୍କରେ ଗୋଟି ଗୋଟିକରି କହିଥିଲେ।

୨୦୧୨ ମସିହା ଡିସେମ୍ବର ୧୬ ତାରିଖ ରାତିରେ ୬ ଦୋଷୀ ମିଶି ନିର୍ଭୟାଙ୍କ ସହ ଗଣଦୁଷ୍କର୍ମ କରିଥିଲେ। ଗୁରୁତର ଅବସ୍ଥାରେ ଗୁରୁଗ୍ରାମ ଟୋଲ ପ୍ଲାଜା ନିକଟରେ ପଡ଼ି ରହିଥିବା ନିର୍ଭୟାଙ୍କୁ ପ୍ରଥମେ ରାଜକୁମାର ଦେଖିଥିଲେ। ଚାରି ଦୋଷୀ ଫାଶୀ ଖୁଣ୍ଟରେ ଝୁଲିବା ପରେ ଜେଲ୍‌ ବାହାରେ ରାଜକୁ ମାର ଓ ତାଙ୍କ ପତ୍ନୀ ବହୁତ ଖୁସି ହୋଇଥିଲେ। ଉପସ୍ଥିତ ଥିବା ଲୋକମାନଙ୍କୁ ସେହି କାଳରାତିର ଘଟିଥିବା ଘଟଣା ସଂପର୍କରେ କହିଥିଲେ। ଏଭଳି ବ୍ୟକ୍ତିଙ୍କୁ ଫାଶୀର ଆବଶ୍ୟକତା ରହିଛି। ଯାହାଫଳରେ ଦେଶରେ ଦୁଷ୍କର୍ମ ମାତ୍ରାର କମ୍‌ ହୋଇଯିବ। ଭାରତର ନ୍ୟାୟିକା ବ୍ୟବସ୍ଥା ସମ୍ପୂର୍ଣ୍ଣ ଠିକ ରହିଛି ବୋଲି ରାଜ କୁମାର କହିଛନ୍ତି।

ମାର୍ଚ୍ଚ ୨୦ ତାରିଖ ସକାଳ ୫ଟା ୩୦ ମିନିଟ୍‌ରେ ନିର୍ଭୟା ଦୋଷୀଙ୍କୁ ଫାଶୀ ଦିଆଯିବ। ଏହି କଥା ଶୁଣିବା ମାତ୍ରେ ସକାଳ ୫ଟାରେ ତିହାର ଜେଲ୍‌ ଫାଟକରେ ପହଞ୍ଚିଥିଲେ ରାଜ କୁମାର। ସେ କହିଥିଲେ,  ସେହିଦିନର କଥା ମନେ ପଡୁଛି, ମହିପାଲପୁର ଦେଇ ଫେରିବା ସମୟରେ ବଞ୍ଚାଅ, ବଞ୍ଚାଅ  ବୋଲି କିଏ ଜଣେ ଚିତ୍କାର କରୁଥିଲେ। ଏହି ଆଓ୍ବାଜ ଶୁଣିବା ପରେ ରାଜ କୁମାର ସେଠାରେ ନିଜ ବାଇକ ରଖି ଦେଇଥିଲେ। ଅଚାନକ ଜଣେ ଯୁବତୀ ଗୁରୁତର ଅବସ୍ଥାରେ ସେହି ସ୍ଥାନରେ ଚିତ୍କାର କରୁଥିଲେ। ଏହା ପରେ ରାଜକୁମାର ସ୍ଥାନୀୟ ଲୋକଙ୍କୁ ଜଣାଇଥିଲେ। ତା ପରଦିନ ନିର୍ଭୟା ଘଟଣା ସାରା ଦେଶରେ ଆନ୍ଦୋଳ ସୃଷ୍ଟି କରିଥିଲା। ସେ ଯେତେ ଚାହିଁଲେ ବି ନିର୍ଭୟାଙ୍କୁ ବଞ୍ଚାଇ ପାରିଲେ ନାହିଁ। ସେଥିପାଇଁ ରାଜ କୁମାର ଦୁଃଖ ପ୍ରକାଶ କରିଥିଲେ। ସେହି ଦିନର ଘଟଣା ତାଙ୍କ ଆଖି ସାମ୍ନାରେ ଜଳଜଳ କରି ଦେଖାଯାଉଥିବା ପ୍ରେମକୁମାର କହିଥିଲେ।

   Related Posts