Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭିସା ଉପରେ ଲାଗିଥିବା କଟକଣା ହଟାଇଲେ ସରକାର
  • ||
  • ଟ୍ୱିଟରରେ ପ୍ରଧାନମନ୍ତ୍ରୀ ମୋଦିଙ୍କ ପାଇଁ କବିତା ଲେଖିଲେ ରାହୁଲ
  • ||
  • ମା’ ମାଣିକେଶ୍ଵରୀଙ୍କ ପ୍ରସିଦ୍ଧ ଛତର ଯାତ୍ରା ପାଇଁ ୧୪୪ ଧାରା ଜାରି
  • ||
  • ପ୍ରକାଶ ପାଇଲା ମାଟ୍ରିକ୍ ସପ୍ଲିମେଣ୍ଟାରୀ ପରୀକ୍ଷା ଫଳ
  • ||
  • ରାୟଗଡାରେ ବୋଲେରୋ-ବାଇକ୍ ମୁହାଁମୁହିଁ ଧକ୍କା, ୨ ଗୁରୁତର
  • ||
  • ବିନା ଅନୁମତିରେ ଦାଢ଼ି ରଖି ନିଲମ୍ବିତ ହେଲେ ପୋଲିସ ବାବୁ
  • ||
  • ପାଲଘର ମାମଲାରେ ଆଉ ୨୪ ଅଭିଯୁକ୍ତ ଗିରଫ
  • ||
  • ରାଜ୍ୟରେ ଆଉ ୧୫ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ବିହାର ନିର୍ବାଚନ ପାଇଁ ବିଜେପି ଜାରି କଲା ସଂକଳ୍ପ ପତ୍ର
  • ||
  • ରାଜ୍ୟରେ ୧୯୧୩ କରୋନା ସଂକ୍ରମିତ ଚିହ୍ନଟ
  • ||

ଏମ୍‌ସରେ କୋଭିଡ଼-୧୯ ‘କୋଭାକ୍ସିନ’ର ମାନବୀୟ ପରୀକ୍ଷଣ, ୩୦ବର୍ଷୀୟ ସଂକ୍ରମିତଙ୍କୁ ଦିଆଗଲା ପ୍ରଥମ ଡୋଜ୍

25/07/2020 at 8:46 AM

ନୂଆଦିଲ୍ଲୀ ୨୫।୦୭: ସାରା ବିଶ୍ୱରେ କରୋନା ମହାମାରୀ ଦିନକୁ ଦିନ ବଢିବାରେ ଲାଗିଛି । ଏଦିଗରେ ବିଶ୍ୱର ଅଧିକାଂଶ ଦେଶ କରୋନା ଭ୍ୟାକ୍‌ସିନ ଦୌଡରେ ଲଗାପଡିଛନ୍ତି । କିଛି ଦେଶ ଭ୍ୟାକ୍‌ସିନ ଟେଷ୍ଟର କିଛି ପର୍ଯ୍ୟାୟ ସାମିଲ ଥିବା ବେଳେ ଭାରତ ମଧ୍ୟ ଏହି ତାଲିକାରେ ଆସିଯାଇଛି । ଭାରତ ତାର ସ୍ୱଦେଶୀ ଟୀକାର ପ୍ରଥମ ହ୍ୟାମାନ ଟ୍ରାଏଲ୍‌ ଆରମ୍ଭ କରିଛି । ଦିଲ୍ଲୀ ଏମ୍ସରେ ପ୍ରଥମ ସ୍ବଦେଶୀ କରୋନା ଟୀକା କୋଭାକ୍ସିନର ହ୍ୟୁମାନ ଟ୍ରାଏଲ ଆରମ୍ଭ ହୋଇଛି ।

ଦିଲ୍ଲୀ ଏମ୍‌ସରେ ଗତକାଲି ଅପରାହ୍ନରେ ପ୍ରଥମ ଟୀକା ଜଣେ ୩୦ ବର୍ଷର ଯୁବକଙ୍କୁ ଦିଆଯାଇଛି । ତାଙ୍କୁ ୦.୫ ମିଲିମିଟର ପ୍ରଥମ ଡ଼ୋଜ ଦିଆଯାଇଛି । ଟୀକା ଦେବା ପରେ ତାଙ୍କୁ ପ୍ରାୟ ୨ ଘଣ୍ଟା ଡ଼ାକ୍ତରଖାନାରେ ସର୍ବେକ୍ଷଣରେ ରଖାଯାଇଥିଲା । କିନ୍ତୁ ତାଙ୍କ ଠାରେ ୨କୌଣସି ସାଇଡ ଇଫେକ୍ଟ ଦେଖିବାକୁ ମିଳିନାହିଁ । ଆଗାମୀ ୭ ଦିନ ପର୍ଯ୍ୟନ୍ତ ତାଙ୍କୁ ଡ଼ାକ୍ତରୀ ତତ୍ତ୍ୱାବଧାନରେ ରଖାଯିବ ବୋଲି ଜଣାପଡିଛି । ତେବେ  ଆଜି ଆଉ ୬ ଜଣଙ୍କଠାରେ ପରୀକ୍ଷାମୂଳକ ଟୀକା ପ୍ରଦାନ କରାଯିବ ବୋଲି ଏମ୍ସ ଭେକସିନ ବିଭାଗ ମୁଖ୍ୟ ଡ଼ା. ସଞ୍ଜୟ ରାୟ ସୂଚନା ଦେଇଛନ୍ତି।

କୋଭାକ୍ସିନର ପ୍ରଥମ ଓ ଦ୍ବିତୀୟ ପର୍ଯ୍ୟାୟ କ୍ଲିନିକାଲ ଟ୍ରାଏଲ ନିମନ୍ତେ ଏମ୍‌ସ ସମେତ ଦେଶର ୧୨ ସଂସ୍ଥାକୁ ମନୋନୀତ କରାଯାଇଛି । ପ୍ରଥମ ପର୍ଯ୍ୟାୟରେ ୩୭୫ ଲୋକଙ୍କୁ ଟୀକା ଦିଆଯିବ ଏବଂ ସେମାନଙ୍କ ମଧ୍ୟରୁ ୧୦୦ ଜଣଙ୍କୁ କେବଳ ଏମ୍‌ସ ଟୀକା ଦିଆଯିବ । ଦ୍ୱିତୀୟ ପର୍ଯ୍ୟାୟରେ ୧୨ ସଂସ୍ଥା ୭୫୦ ଲୋକଙ୍କୁ ଟୀକା ଦେବେ । ପ୍ରଥମ ପର୍ଯ୍ୟାୟରେ ଟୀକା ଦାନ ସମୟରେ ୧୮ରୁ ୫୫ ବର୍ଷର ବ୍ୟକ୍ତିମାନଙ୍କୁ ବଛାଯାଇଛି । ଯେଉଁମାନଙ୍କଠାରେ ଅନ୍ୟ କୌଣସି ରୋଗ ନାହିଁ । ଦ୍ୱିତୀୟ ପର୍ଯ୍ୟାୟରେ ୧୨ରୁ ୬୫ ବର୍ଷର ୭୫୦ ସୁସ୍ଥ ଲୋକଙ୍କୁ ଟୀକା ଦିଆଯିବ ।

   Related Posts