ନୂଆଦିଲ୍ଲୀ ୨୭/୦୪ : ପାଣିପାଗ ପୂର୍ବାନୁମାନ କରୁଥିବା ଘରୋଇ କମ୍ପାନୀ ସ୍କାଇମେଟ ୱେଦର ୨୦୨୦ ର ପ୍ରଥମ ବାତ୍ୟା ବଙ୍ଗୋପ ସାଗରରେ ହେବାକୁଥିବା ନେଇ ଅନୁମାନ କରିଛନ୍ତି | ସ୍କାଇମେଟ ଅନୁଯାୟୀ, ଆଣ୍ଡାମାନ ସାଗରରେ ଏପ୍ରିଲ ୨୭ ତାରିଖରେ ଏକ ଘୁର୍ଣ୍ଣିଝଡ ହେବାର ସମ୍ଭାବନା ରହିଛି | ୨୯ ତାରିଖରେ ଏହା ଲଘୁଚାପର ରୂପ ନେଇ ୩୦ ତାରିଖରେ ଦୀପ ଡିପ୍ରେସନରେ ପରିଣତ ହେବ | ଏହାପରେ ମେ ୧ ତାରିଖରେ ଆଣ୍ଡାମାନର ଉତ୍ତର ଭାଗରେ ଚକ୍ରବାତ ସୃଷ୍ଟି କରିପାରେ |
ଲଘୁଚାପ ପ୍ରଭାବରେ ଆସନ୍ତା ୨୪ ଘଣ୍ଟାରେ ଜାମ୍ମୁ କାଶ୍ମୀର ଲଦାଖ, ଦିଲ୍ଲୀ ପଞ୍ଜାବ, ଉତ୍ତର ପ୍ରଦେଶ, କେରଳ, ତାମିଲନାଡୁ, ଦକ୍ଷିଣ କର୍ଣ୍ଣାଟକରେ ହାଲୁକା ମଧ୍ୟମ ଧରଣର ଝଡ ବର୍ଷାର ହେବାର ସମ୍ଭାବନା ରହିଛି ବୋଲି ସ୍କାଇମେଟ ପୂର୍ବାନୁମାନ କରିଛି | ଅନେକ ରାଜ୍ୟରେ ଝଡତୋଫାନ ସହ ବର୍ଷା ହେବାର ସମ୍ଭାବନା ରହିଛି |