Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଡିସେମ୍ବର ୩୧ ଯାଏଁ ଅନ୍ତରାଷ୍ଟ୍ରୀୟ ବିମାନ ସେବା ବନ୍ଦ, କରୋନା ପ୍ରଭାବ
  • ||
  • କଟକ : ବସ୍‌ ଷ୍ଟାଣ୍ଡରେ ଠିଆ ହୋଇଥିବା ବସ୍‌ରେ ଲାଗିଗଲା ନିଆଁ, କେଇ ମିନିଟ୍‌ରେ ଜଳିଗଲା ସମ୍ପୂର୍ଣ୍ଣ ବସ୍
  • ||
  • କନ୍ଧମାଳ : ଜଗାକୁ ଏକା କରି ଚାଲିଗଲା କାଳିଆ, ମା’ ଆଖିରୁ ଶୁଖୁନି ଲୁହ : ମରଶରୀର ପହଞ୍ଚିବା ପରେ ଗାଁରେ ଶୋକାକୂଳ ପରିବେଶ
  • ||
  • କୋରାପୁର : କୋରାପୁର ବସ୍ ଷ୍ଟାଣ୍ଡରୁ ୩ଲକ୍ଷରୁ ଅଧିକ ଟଙ୍କାର ନକଲି ନୋଟ୍ ଜବତ, ଜଣେ ଗିରଫ
  • ||
  • କଟକ : ବାହା ବେଦୀରୁ ବ୍ୟାଙ୍କ୍ ମ୍ୟାନେଜରଙ୍କୁ ଉଠାଇନେଲା ପୋଲିସ, IIFL ଲୁଟ୍ ଘଟଣାରେ ରହିଛି ଲିଙ୍କ୍
  • ||
  • ସୋର : ପାଣିରୁ ଉଦ୍ଧାର ହେଲା ବୃଦ୍ଧଙ୍କ ମୃତଦେହ, ହତ୍ୟା ସନ୍ଦେହ
  • ||
  • ପୁରୀ : ପଞ୍ଚୁକର ଦ୍ବିତୀୟ ଦିନ, ବାଙ୍କଚୁଡା ବେଶରେ ବିଭୂଷିତ ମହାପ୍ରଭୁ
  • ||
  • ଚଣ୍ଡିଖୋଲ : ନିର୍ମାଣଧୀନ ପାଣି ଟାଙ୍କି ଉପରେ ଚଢି ଆତ୍ମହତ୍ୟା ଉଦ୍ୟମ କଲେ ଯୁବକ, ଉଦ୍ଧାର କଲେ ଅଗ୍ନିଶମ କର୍ମଚାରୀ
  • ||
  • କୋରାପୁଟ : କୋରାପୁଟ ଜିଲ୍ଲାରୁ ୮୫ଲକ୍ଷ ଟଙ୍କାର ଗଞ୍ଜେଇ ଜବତ, ଅଭିଯୁକ୍ତ ଫେରାର
  • ||
  • ଚାକିରୀଆଙ୍କ ପାଇଁ ବଡ ଖବର: ୮ଘଣ୍ଟା ବଦଳରେ ହୋଇପାରେ ୧୨ ଘଣ୍ଟା ସିଫ୍ଟ
  • ||

ଉତ୍ତର ଭାରତକୁ ଆସୁଛି ବର୍ଷର ପ୍ରଥମ ଶୀତ ଲହର, ହ୍ରାସ ହେବ ଦିନର ତାପମାତ୍ରା

22/11/2020 at 4:28 PM

ନୂଆଦିଲ୍ଲୀ ୨୨।୧୧: ଦେଶକୁ ଅନେକ ସମୟରୁ ଶୀତ ଋତୁର ଆଗମନ ହେଲାଣି। ତେବେ ଏପର୍ଯ୍ୟନ୍ତ ଶୀତ ଲହରୀ ଆରମ୍ଭ ହୋଇନଥିଲା। ପାର୍ବତ୍ୟାଞ୍ଚଳରେ ହୀମପାତ ଯୋଗୁ ଏବେ ଏହାର ପ୍ରଭାବ ସମତଳ ଅଞ୍ଚଳ ଉପରେ ଅନୁଭୂତ ହେଲାଣି। ଉତ୍ତର ଭାରତରେ ତାପମାତ୍ରା କ୍ରମଶଃ ହ୍ରାସ ହେଉଥିବା ବେଳେ କେତେକ ସ୍ଥାନରେ ଶୀତ ଲହରୀ ଅନୁଭୂତ ହେଉଥିବାର ସୂଚନା ମିଳିଛି।

ରବିବାର ରାଜଧାନୀ ଦିଲ୍ଲୀର ସର୍ବ ନିମ୍ନ ତାପମାତ୍ରା ୬.୯ ଡିଗ୍ରି ସେଲସିୟସ୍ ରେକର୍ଡ କରାଯାଇଛି। ୨୦୦୩ ମସିହା ନଭେମ୍ବର ମାସର ତାପମାତ୍ରା ଠାରୁ ମଧ୍ୟ ପାରଦ ତଳକୁ ଖସିଛି। ଭାରତୀୟ ପାଣିପାଗ ବିଭାଗ(ଆଇଏମଡି) ସମତଳ ଅଞ୍ଚଳ ଲାଗି ଶୀତ ଲହରୀ ସତର୍କତା ଜାରି କରିଛନ୍ତି। ଆଗାମୀ କିଛି ଦିନ ପର୍ଯ୍ୟନ୍ତ ତାପମାତ୍ରା ସାଧାରଣରୁ ସାଢେ ୪ ଡିଗ୍ରି ପର୍ଯ୍ୟନ୍ତ ହ୍ରାସ ହୋଇପାରେ ବୋଲି ଆଇଏମଡି ସୂଚିତ କରିଛନ୍ତି।

ମାଉଣ୍ଟ ଆବୁରେ ତାପମାତ୍ରା ଏବେ ୧ ଡିଗ୍ରି ସେଲସିୟସ୍‌କୁ ପହଞ୍ଚିଛି। ଯାହା ସର୍ବନିମ୍ନ ତାପମାତ୍ରା ବୋଲି କୁହାଯାଇଛି। ଶ୍ରୀନଗରରେ ଶନିବାର ରାତି ସବୁଠୁ ଥଣ୍ଡାରାତି ଥିଲା ବୋଲି ଆଇଏମଡିଙ୍କ ସୂଚନାରୁ ଜଣାପଡିଛି। ଏଠାରେ ପାରା ଶୁନ୍ୟରୁ ବିଯୁକ୍ତ ୩ ଡିଗ୍ରି ସେଲସିୟସ୍‌କୁ ହ୍ରାସ ହୋଇଛି। ଶୀତ ବଢିବା ସାଙ୍ଗକୁ ସଞ୍ଜ ନଇଁଲେ ରାସ୍ତାଘାଟରେ ଲୋକଙ୍କ ଗହଳଚହଳ ହ୍ରାସ ହୋଇଛି। ଶୀତରୁ ରକ୍ଷା ପାଇବା ଲାଗି ଲୋକେ ଏବେ ଘରେ ରହିବାକୁ ପସନ୍ଦ କରୁଛନ୍ତି। ବରଫାବୃତ୍ତ ପାହାଡରୁ ଥଣ୍ଡା ପବନ ବହୁଥିବାରୁ କ୍ରମଶଃ ଶୀତ ବଢିବ ବୋଲି ଆଶଙ୍କା କରାଯାଉଥିବା ବେଳେ ନିକଟ ଭବିଷ୍ୟତରେ ପାଗରେ ସେଭଳି କୌଣସି ପରିବର୍ତ୍ତନର ଆଶଙ୍କା ନଥିବା ଆଇଏମଡି କହିଛନ୍ତି।  

   Related Posts