ନୂଆଦିଲ୍ଲୀ୧୩|୭: ଦିଲ୍ଲୀ ଝିଲମିଲ ଇଣ୍ଡଷ୍ଟ୍ରିଆଲ ଏରିଆରେ ଥିବା ଏକ ରବର କମ୍ପାନୀରେ ଭୟାବହ ଅଗ୍ନିକାଣ୍ଡ। ଏହି ଅଗ୍ନିକାଣ୍ଡରେ ତିନିଜଣଙ୍କ ମୃତ୍ୟୁ ହୋଇଥିବା ବେଳେ କିଛି ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି ହୋଇଛନ୍ତି।ଘଟଣାସ୍ଥଳରେ ୨୪ ଟି ଦମକଳ ବାହିନୀ ଓ ଅଗ୍ନିଶମ ବିଭାଗର କର୍ମଚାରୀ ପହଞ୍ଚି ନିଆଁକୁ ଆୟତ କରିଛନ୍ତି। ଏହି କମ୍ପାନୀରେ ରବରର ସମସ୍ତ ଜିନିଷ ଉତ୍ପାଦନ କରାଯାଏ। ସାନିଟାରୀ ଭଳି ଜିନିଷ ମଧ୍ୟ ଏହି କମ୍ପାନିରେ ଉତ୍ପାନ କରିଥାଏ।
ଅଗ୍ନିକାଣ୍ଡରେ କମ୍ପାନୀର ପ୍ରଥମ ମହଲା ଓ ଦ୍ବିତୀୟ ମହଲାରେ ଥିବା ଲକ୍ଷାଧିକ ଟଙ୍କାର ସାମଗ୍ରୀ ପୋଡ଼ି ପାଉଁଶ ହୋଇଯାଇଛି। ଅଗ୍ନିକାଣ୍ଡ କିପରି ଘଟିଲା ତାହା ବର୍ତ୍ତମାନ ସୁଦ୍ଧା ଅସ୍ପଷ୍ଟ ରହିଛି। ଘଟଣା ସ୍ଥଳରେ ଅଗ୍ନିଶମ ବିଭାଗର ବରିଷ୍ଠ ଅଧିକାରୀମାନେ ନିଆଁ କିପରି ଲଗିଲା,ଏନେଇ ତଦନ୍ତ ଜାରି ରଖିଛନ୍ତି।
