ବ୍ରଜରାଜ ନଗର ୦୫।୧୧ - ବ୍ରଜରାଜନଗର ରେ ପୁଣି ଫୁଟିଲା ଗୁଳି।ସହର ଭିତରେ ଥିବା ଲକ୍ଷ୍ମୀ କେଫ ହୋଟେଲରେ ବସିଥିବା ବେଳେ ମଣ୍ଟୁ ଘୋଷ ଉପରକୁ ଅଜଣା ବ୍ୟକ୍ତି ଗୁଳିମାଡ କରି ଫେରାର। ମଣ୍ଟୁ ମୁଣ୍ଡରେ ବାଜିଛି ଗୁଳି।ଗୁରୁତର ଅବସ୍ଥାରେ ମଣ୍ଟୁକୁ ମଣ୍ଡଳିଆ ସ୍ଥିତ କେନ୍ଦ୍ରୀୟ ଚିକିତ୍ସାଳୟରେ ଭର୍ତ୍ତି କରାଯିବା ପରେ ସେଠାରେ ଡାକ୍ତର ମୃତ ଘୋଷଣା କରିଥିଲେ।
ଘଟଣାସ୍ଥଳରେ ୪ ରାଉଣ୍ଡ ଗୁଳି ଫୁଟିଥିବା ଜଣା ପଡ଼ିଛି । ମଣ୍ଟୁ ଦୁର୍ଦ୍ଦାନ୍ତ ଅପରାଧୀ ସୋନୁ ଘୋଷ ର ଭାଇ।ଦୁଇମାସ ତଳେ ବ୍ରଜରାଜନଗର ରେ ହୋଇଥିବା ଅମିତ ଧଳ ହତ୍ୟାକାଣ୍ଡ ରେ ମୁଖ୍ୟ ଅଭିଯୁକ୍ତ ଭାବେ ସୋନୁ ଜେଲରେ ଅଛି ।ଆଜି ବ୍ରଜରାଜନଗର ରେ ଗୁଳି କାଣ୍ଡ ପରେ ଲୋକଙ୍କ ଭିତରେ ଭୟର ବାତାବରଣ ସୃଷ୍ଟି ହୋଇଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।