ଭୁବନେଶ୍ୱର ୭/୯ : ରାଜଧାନୀ ଭୁବନେଶ୍ୱରରେ ପୁଣି ଗୁଳିକାଣ୍ଡ ଘଟିଛି | ଲିଂଗିପୁର ପେଟ୍ରୋଲ ପମ୍ପରେ ଗୁଳିକାଣ୍ଡ ହୋଇଛି | ଦୁର୍ବୁର୍ତ୍ତମାନେ ଗୋଟିଏ ବୋଲେରୋରେ ଆସି ପେଟ୍ରୋଲ ପମ୍ପ ଆଗରେ ରବୀନ୍ଦ୍ର ପାତ୍ର ନାମକ ଜଣେ ବିଜେଡି କର୍ମୀଙ୍କ ଉପରକୁ ଗୁଳି ମାଡ କରିଥିଲେ | ତେବେ ଗୁଳିକାଣ୍ଡରେ ଅଳ୍ପକେ ବର୍ତ୍ତୀ ଯାଇଛନ୍ତି ରବୀନ୍ଦ୍ର ପାତ୍ର | ଗୁଳିମାଡ ପରେ ଶିଶୁପାଳଗଡ଼ ଅଂଚଳର ଲୋକେ ରାସ୍ତାରୋକ କରିଥିଲେ | ଭୁବନେଶ୍ୱର ପୁରୀ ଜାତୀୟ ରାଜପଥରେ ଟାୟାର ଜାଳି ରାସ୍ତା ଅବରୋଧ କରିଛନ୍ତି | ଫଳରେ ସେହି ରାସ୍ତାରେ ଗାଡି ଚଳାଚଳ ବାଧାପ୍ରାପ୍ତ ହୋଇଛି | ତେବେ ପୂର୍ବ ଶତ୍ରୁତାକୁ କେନ୍ଦ୍ର କରି ଗୁଳିମାଡ ହୋଇଥିବା ସୂଚନା ମିଳିଛି |