Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମଙ୍ଗଳବାର ପୃଥିବୀର ନିକଟତର ହେବ ବିରାଟ ଗ୍ରହାଣୁ : ମାଡ ହେଲେ ଘଟାଇବ ବିନାଶ !
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୮ ହଜାରରୁ ଅଧିକ କରୋନା ପଜିଟିଭ୍, ୩୧୦ ମୃତ
  • ||
  • ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୮କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୦୮୬ କୋଭିଡ୍ ପଜିଟିଭ୍, ୧୧୫୫୪୮୭ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ ଖସୁନି କରୋନା ଗ୍ରାଫ୍, ଆଉ ୬ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ସରିଲା ହାସ୍ୟ ଅଭିନେତା ପ୍ରଜ୍ଞାଙ୍କ ନିର୍ବନ୍ଧ, ସୋସିଆଲ ମିଡିଆରେ ରିଙ୍ଗ୍ ସେରିମନି ଫଟୋ ଭାଇରାଲ
  • ||
  • ଗାଡି ପାର୍ଟସ ଦୋକାନରୁ ଲୁଟ୍, ବନ୍ଧୁକ ଦେଖାଇ ନେଇଗଲେ ଟଙ୍କା
  • ||
  • ଅଜଗରକୁ ଗିଳିଲା ଅହିରାଜ, ସାତକୋଶିଆରେ ବିରଳ ଘଟଣା !
  • ||
  • ଭାରସାମ୍ୟ ହରାଇ ବାଇକ ଦୁର୍ଘଟଣାଗ୍ରସ୍ତ, ୨ ଆରୋହୀ ମୃତ
  • ||
  • ଜାନୁଆରୀ ୨୦ରୁ ହଜିଯିବ ଶୀତ, ୨୩ରୁ ବର୍ଷା !
  • ||

ପୁଣି ଆସନ୍ତା ରାଜଧାନୀ : କଲ୍ୟାଣ ମଣ୍ଡପ ମାଲିକଙ୍କ ସମ୍ପର୍କରେ ପଚରାଉଚୁରା କରି ସିକ୍ୟୁରିଡି ଗାର୍ଡଙ୍କ ଉପରକୁ ଗୁଳିମାଡ

16/03/2019 at 7:15 PM

ଭୁବନେଶ୍ୱର ୧୬/୩ : ପୁଣି ଅଶାନ୍ତ ରାଜଧାନୀ । ପ୍ରତିଦିନ ଲୁଟପାଟର ଖବର ତ ଆସୁଥିଲା । ଆଉ ଆଜି ଆସିଛି ଗୁଳିମାଡ ଖବର । କିଛି ଦିନର ବ୍ୟବଧାନ ପରେ ରାଜଧାନୀରେ ପୁଣି ଫୁଟିଛି ଗୁଳି । ଶନିବାର ଭୋରରୁ ସହିଦନଗର ଥାନା ବାଙ୍କୁଆଳ ରାସ୍ତାର ଏମଏନ୍ କଲ୍ୟାଣ ମଣ୍ଡପ ସମ୍ମୁଖରେ ଗୁଳିମାଡ ହୋଇଛି । ଗୁଳିମାଡରେ ମଣ୍ଡପ ସିକ୍ୟୁରିଟି ଗାର୍ଡ ଗୁରୁତର ହୋଇଛନ୍ତି । …


ସମୟ ଭୋର ୫ଟା । ରାଜଧାନୀରେ ଫୁଟିଲା ଗୁଳି । ବାଙ୍କୁଆଳ ଏମଏନ୍ କଲ୍ୟାଣ ମଣ୍ଡପ ସିକ୍ୟୁରିଟି ଗାର୍ଡଙ୍କୁ ଗୁଳିମାଡ କରିଛନ୍ତି ଦୁର୍ବୃତ୍ତ । ସିକ୍ୟୁରିଟି ଗାର୍ଡ ଜ୍ଞାନେନ୍ଦ୍ର ମଲ୍ଲିକ ମଣ୍ଡପ ଗେଟ୍ ନିକଟରେ ଡ୍ୟୁଟି କରୁଥିଲେ । ସେହି ସମୟରେ ଗୋଟିଏ ବାଇକରେ ଦୁଇ ଜଣ ଯୁବକ ଆସି ମଣ୍ଡପ ମାଲିକଙ୍କ ସମ୍ପର୍କରେ ତାଙ୍କୁ ପଚାରିଥିଲେ ।

ଏହା ପରେ ପିଇବା ପାଇଁ ପାଣି ମାଗିଥିଲେ । ଜ୍ଞାନେନ୍ଦ୍ର ପାଣି ପାଇଁ ଭିତରକୁ ଗଲାବେଳେ ତାଙ୍କ ଉପରକୁ ଗୋଟେ ରାଉଣ୍ଡ ଗୁଳି ଫୁଟାଇ ଦୁର୍ବୃତ୍ତମାନେ ଫେରାର ହୋଇଯାଇଥିଲେ । ତାଙ୍କ କାନ୍ଧରେ ଗୁଳି ବାଜିଛି ।

ଗୁରୁତର ସିକ୍ୟୁରିଟି ଗାର୍ଡଙ୍କୁ ପିସିଆର ଭ୍ୟାନ୍ ଉଦ୍ଧାର କ୍ୟାପିଟାଲ୍ ହସ୍ପିଟାଲରେ ଭର୍ତ୍ତି କରିଥିଲା । ଅବସ୍ଥା ଗୁରୁତର ହେବାରୁ ତାଙ୍କୁ SCB ସ୍ଥାନାନ୍ତର କରାଯାଇଛି । କମିଶନରେଟ ପୋଲିସ ଘଟଣାସ୍ଥଳରୁ ଗୋଟିଏ ଖୋକା ଜବତ କରି ତଦନ୍ତ କରୁଛି ।


ଦୁଇ ଜଣ ପିଲା ମଣ୍ଡପରୁ ହେଲମେଟ୍ ଚୋରି କରିଥିଲେ । ସିକ୍ୟୁରିଟି ଗାର୍ଡ ଜ୍ଞାନେନ୍ଦ୍ର ଚୋରି ଘଟଣାର ସିସିଟିଭି ଫୁଟେଜ ପୋଲିସକୁ ଦେଇଥିଲେ । ପୋଲିସ ସେମାନଙ୍କୁ ପଚରା ଉଚରା କରି ଛାଡି ଦେଇଥିଲା । ତେବେ ରାଗରେ ସେହି ଦୁଇ ପିଲା ଏଭଲି କାଣ୍ଡ ଘଟାଇଥିବା ମଣ୍ଡପ ମାଲିକ ସନ୍ଦେହ କରୁଛନ୍ତି ।


ଦୁଇ ଦୁର୍ବୃତ୍ତଙ୍କ ମଧ୍ୟରୁ ଜଣେ ପୁରା ହେଲମେଟ୍ ପିନ୍ଧିଥିବା ବେଳେ ଅନ୍ୟ ଜଣେ ହାଫ୍ ହେଲମେଟ୍ ପିନ୍ଧିଥିଲେ । ମଣ୍ଡପରେ ଲାଗିଥିବା ସିସିଟିଭି ଫୁଟେଜ ଯାଞ୍ଚ କରି ଘଟଣାର ତଦନ୍ତ ଚଳାଇଛି ସହିଦ ନଗର ଥାନା ପୋଲିସ ।

   Related Posts