Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

ସ୍ପଷ୍ଟ ଦିବାଲୋକରେ ଜୟପୁରରେ ଫୁଟିଲା ଗୁଳି : ବାପା ପୁଅ ଗୁରୁତର, ମଦ ବ୍ୟବସାୟ ମୁଖ୍ୟ କାରଣ !

25/09/2018 at 3:40 PM

ଜୟପୁର ୨୫/୯ : କୋରାପୁଟ ଜିଲ୍ଲା ଜୟପୁର ଠାରେ ସ୍ପଷ୍ଟ ଦିବାଲୋକରେ ଫୁଟିଛି ଗୁଳି | ସହରର ସବୁଠୁ ଜନଗହଳିପୁର୍ଣ ଅଂଚଳ ରଜା ନଗର ଠାରେ ଅପରାହ୍ନ ପ୍ରାୟ ସାଢେ ୨ ଟା ବେଳକୁ ବାଇକରେ ଆସିଥିବା ୮ ଜଣ ଦୁର୍ବୁର୍ତ୍ତ ଗୁଳିମାଡ କରିଥିଲେ | ଗୁଳିମାଡରେ ନରେନ୍ଦ୍ର ନାଥ ନାଏକ ଏବଂ ସନ୍ତୋଷ ନାଏକ ବାପା-ପୁଅ ଗୁରୁତର ଭାବେ ଆହତ ହୋଇଛନ୍ତି | ଆହତଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି | ଉଭୟଙ୍କ ଅବସ୍ଥା ସଙ୍କଟାପନ୍ନ ରହିଛି | ଖବର ପାଇ ଉଚ୍ଚ ପଦସ୍ଥ ପୋଲିସ ଅଧିକାରୀ ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରିଛନ୍ତି | ଘଟଣାସ୍ଥଳରୁ ୨ଟି ଖୋକା ଜବତ ହୋଇଛି | ପୂର୍ବ ଶତ୍ରୁତାରୁ ଏହି ଗୁଳିକାଣ୍ଡ ଘଟିଥିବା କୁହାଯାଇଛି | ତେବେ ପୂର୍ବ ଶତ୍ରୁତାର କାରଣ ରାଜନୀତି ନା ଜମିଜମା ପ୍ରସଙ୍ଗ ତାହା ଜଣାପଡିନାହିଁ |

ତେବେ ମଦ ବ୍ୟବସାୟକୁ କେନ୍ଦ୍ର କରି ହୋଇଥିବା ପୂର୍ବ ଶତ୍ରୁତା କାରଣରୁ ଏହି ଗୁଳିମାଡ ହୋଇଥିବା ସାଧାରଣରେ ଆଲୋଚନା ହେଉଛି | ଗୁଳିମାଡରେ ଆହତ ଗଡିଆ ଧୋବାସାହି ନରେନ୍ଦ୍ର ନାଏକ ଏବଂ ପୁଅ ସନ୍ତୋଷ ନାଏକ ମଦ ବେପାର କରିଆସୁଥିଲେ | ଏହାକୁ ଯୁବ ବିଜେଡିର ସ୍ଥାନୀୟ ନେତା ବିକାଶ ପାତ୍ର ବିରୋଧ କରୁଥିଲେ | ସେଥିପାଇଁ ୨ ଦିନ ତଳେ ବିକାଶ ପାତ୍ରଙ୍କ ଘର ଉପରେ ଆକ୍ରମଣ ହୋଇଥିଲା ଏବଂ ବିକାଶ ପାତ୍ର କାରରେ ଫେରୁଥିବା ବେଳେ ତାଙ୍କ ଉପରେ ଆକ୍ରମଣ ହୋଇଥିଲା | ଏହି ଆକ୍ରମଣରେ ବିକାଶ ଆହତ ହୋଇ ଚିକିତ୍ସିତ ହେଉଛନ୍ତି | ଅପରପକ୍ଷରେ ଆଜି ଗୁଳିମାଡରେ ଆହତ ହୋଇଥିବା ନରେନ୍ଦ୍ର ନାଥ ନାଏକ ଏବଂ ସନ୍ତୋଷ ନାଏକ ବିକାଶ ପାତ୍ରଙ୍କ ଲୋକମାନେ ଏହି ଗୁଳିକାଣ୍ଡ ଘଟାଇଥିବା ଅଭିଯୋଗ କରିଛନ୍ତି | ପୋଲିସ ସମ୍ପୂର୍ଣ ଘଟଣାର ତଦନ୍ତ କରୁଛି |

   Related Posts