ଜଗତସିଂହପୁର ୮/୧୧:  ଜଗତସିଂହପୁରରେ  ଜିଲ୍ଲା ସଦର ତହସିଲ ଚର୍ଚିକା ବଜାର ନିକଟରେ ଗତକାଲି ବିଳମ୍ବିତ ରାତିରେ ଅଗ୍ନିକାଣ୍ଡ ଘଟି ଏହି ଗାଁର ନିରୋଦ ନଳିନୀ ଦାସଙ୍କର ୪ ବଖରା ଘର ସମ୍ପୂର୍ଣ୍ଣ ପୋଡି ଯାଇଛି । ଅଗ୍ନିକାଣ୍ଡର ସଠିକ କାରଣ ଜଣା ପଡି ନଥିବାବେଳେ ବାଣ ନିଆଁ ପଡି ଘର ପୋଡି ଯାଇଥିବାର ସନ୍ଦେହ କରା ଯାଉଛି । ଖବର ପାଇ ଜଗତସିଂହପୁର ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁ କୁ ଆୟତ କରିଥିଲେ । ଏହି ଅଗ୍ନିକାଣ୍ଡ ରେ ପ୍ରାୟ ୧୦ ଲକ୍ଷ ଟଙ୍କାର ସମ୍ପତ୍ତି  ନଷ୍ଟ ହୋଇ ଥିବାର ଆକଳନ କରାଯାଇଛି । ସେହିପରି ଜିଲାର ରାହାମା ବଜାରରେ ଏକ ଡ୍ରେସ ଦୋକାନରେ ନିଆଁ ଲାଗି ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଥିବାର ଜଣା ଯାଇଛି ।