ରାଉରକେଲା ୬|୮: ରାଉରକେଲା ଆଇଜିଏଚ (ଇସ୍ପାତ ଜେନେରାଲ ହସ୍ପିଟାଲ)ରେ ଅଗ୍ନିକାଣ୍ଡ ହୋଇଛି । ଦିନ ୨ଟା ୩୦ ମିନିଟରେ ହଠାତ୍ ହସ୍ପିଟାଲରେ ନିଆଁ ଲାଗିଯାଇଥିଲା । ଖବର ପାଇ ଆରଏସପିର ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିଛି । ସମସ୍ତ ରୋଗୀ ସୁରକ୍ଷିତ ଥିବା ଜଣାପଡିଛି । କାହାର କୌଣସି କ୍ଷୟକ୍ଷତି ହୋଇନଥିବା ସୂଚନା ମିଳିଛି ।
{"id":141496}ସୂଚନାଯୋଗ୍ୟ ଯେ, ଓଜି ଓ୍ବାର୍ଡର ଏସିରେ ସର୍ଟ ସର୍କିଟ୍ ଯୋଗୁଁ ନିଆଁ ଲାଗିଥିଲା । ଅଗ୍ନିକାଣ୍ଡ ଫଳରେ ହସସ୍ପିଟାଲରେ ରୋଗୀମାନଙ୍କ ମଧ୍ୟ ଭୟର ବାତାବରଣ ଖେଳିଯାଇଥିଲା । ଫଳରେ ରୋଗୀମାନଙ୍କୁ ନିକଟସ୍ଥ ଓ୍ବାର୍ଡକୁ ସ୍ଥାନାନ୍ତର କରାଯାଇଛି । କେଉଁ ପରିସ୍ଥିତିରେ ସର୍ଟ ସର୍କିଟ୍ ହେଲା ତାର ତଦନ୍ତ ଆରମ୍ଭ ହୋଇଛି ।