Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ରେ ବଙ୍ଗୋପସାଗରରେ ଲଘୁଚାପ, ନେଇପାରେ ଅବପାତର ରୂପ
  • ||
  • ସଂକ୍ରମଣ ସାମାନ୍ୟ କମିଲା : ଦେଶରେ ୨୪ ଘଣ୍ଟାରେ ୩ ଲକ୍ଷ ୧୧ ହଜାରରୁ ଅଧିକ ପଜିଟିଭ୍, ୪୦୭୭ ମୃତ
  • ||
  • ୧୧ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୧୭୩୨ ପଜିଟିଭ୍
  • ||
  • ରାଜ୍ୟରେ କରୋନା ନେଲା ଆଉ ୧୯ଜଣଙ୍କ ଜୀବନ, ୨୩୧୩ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ଟ୍ରାନ୍ସଫର୍ମର ଉପରେ ଚଢିଗଲେ ଯୁବକ, ଜଳି ଯାଉଥିବା ବେଳେ ଉଦ୍ଧାର କଲା ଅଗ୍ନିଶମ ବାହିନୀ
  • ||
  • ସ୍ୱାମୀ ନା ସଇତାନ ? ସ୍ତ୍ରୀକୁ ପିଟିପିଟି କଲା ହତ୍ୟା
  • ||
  • ପାରା ଧରିବା ବେଳେ ଲାଗିଗଲା ବିଦ୍ୟୁତ ତାର, ପୋଡିଗଲା ଶରୀରର ୯୦%
  • ||

ପାରିବାରିକ କଳହକୁ ନେଇ ଘର ପୋଡିଦେଲେ ମା’ ଓ ବଡ ଭାଇ ! ଝିଅ ବିବାହ ପାଇଁ ରଖିଥିବା ଲକ୍ଷାଧିକ ଟଙ୍କାର ଜିନିଷପତ୍ର ପୋଡି ଭସ୍ମୀଭୂତ

11/11/2020 at 9:32 AM

ଭୁବନ ୧୧।୧୧: ପାରିବାରିକ କଳହର କରୁଣ ପରିଣତି । ଜଳିଗଲା ତିନି ବଖରା ଘର । ଘର ପୋଡିରେ ଜଳି ପାଉଁସ ହୋଇଗଲା ଝିଅ ବିବାହ ପାଇଁ ରଖିଥିବା ଜାନିଯୌତୁକ । ଖବର ପାଇ ଭୁବନ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିବା ପୂର୍ବରୁ ସବୁ କିଛି ଜଳି ପାଉଁଶ ହୋଇଯାଇଥିଲା । ଏପରି ଦୃଶ୍ୟ ଦେଖିବାକୁ ମିଳିଛି ଢେଙ୍କାନାଳ ଜିଲ୍ଲା ଭୁବନ ବ୍ଲକ୍ ଭୁଷଳ ଗ୍ରାମରେ ।

ଭୁଷଳ ଗ୍ରାମର ୫୦ ବର୍ଷ ବୟସ୍କ ବାବାଜୀ ମଳିକ ଦିନ ମଜୁରିଆ ଭାବେ କାମ କରନ୍ତି । ମଜୁରୀ କଲେ ଘର ଚଳେ । ଘରେ ସ୍ତ୍ରୀ ଓ ତିନି ଝିଅଙ୍କୁ ନେଇ ତେଲ ଲୁଣର ସଂସାର । ଝିଅ ସସ୍ମିତାର ବିବାହ ପାଇଁ ବହୁ ଦୁଃଖ କଷ୍ଟ କରି ଲକ୍ଷାଧିକ ଟଙ୍କାର ଜାନିଯୌତୁକ ଘରେ ରଖିଥିଲେ । କିଛି ଦିନ ହେବ ପୈତୃକ ସମ୍ପତ୍ତିକୁ ନେଇ ଭାଇମାନଙ୍କ ସହିତ ଝଗଡା ହୋଇଥିଲା ।

କିନ୍ତୁ ଗତକାଲି ରାତି ୧୧ଟା ସମୟରେ ଘରେ ନିଆଁ ଲାଗିଯାଇଥିଲା । ନିଆଁ ଜଳିବାର କାରଣ ଅସ୍ପଷ୍ଟ ରହିଛି । ଖବର ପାଇ ଭୁବନ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ କରିବା ପୂର୍ବରୁ ସବୁ ଜଳିପୋଡି ପାଉଁଶ ହୋଇଯାଇଥିଲା । ପୈତୃକ ସମ୍ପତ୍ତି ବିବାଦର କଳହରୁ ଶାଶୁ ବିଲେଇ ମଳିକ ଓ ଦେଢଶୁର ଡାକ୍ତର ମଳିକ ଘରେ ନିଆଁ ଲଗାଇ ଦେଇଥିବା ଅଭିଯୋଗ କରିଛନ୍ତି ବାବାଜୀ ମଳିକଙ୍କ ପତ୍ନୀ ଭାନୁ ମଳିକ ।

   Related Posts