ଭଣ୍ଡାରିପୋଖରୀ ୧୪|୪: ଗୁରୁବାର ଦିନ ଘର ଜଳୁଛି । ରାତି ଅଧରେ ଗାଁର କୌଣସି ନା କୌଣସି ଘରର ପୂର୍ବପାଖରୁ ଅଚାନକ ନିଆଁ ଲାଗିଯାଉଛି । ଏମିତି ପରିସ୍ଥିତିରେ ଏହାକୁ କୌଣସି ଗୁଣିଆ କିମ୍ବା ଭୌତିକ କାଣ୍ଡ ବୋଲି ଗାଁ ଲୋକେ ସନ୍ଦେହ କରୁଛନ୍ତି । ଗାଁର ଯୁବକମାନେ ରାତି ସାରା ଗାଁରେ ବୁଲୁଛନ୍ତି । ଏମିତି ଘଟଣା ଦେଖିବାକୁ ମିଳିଛି ଭଦ୍ରକ ଜିଲ୍ଲା ଭଣ୍ଡାରୀପୋଖରୀ ବ୍ଲକ୍ ଆଖୁଆପଦା ଗାଁରେ ।
{"id":103293}ଭଦ୍ରକ ଜିଲ୍ଲା ଭଣ୍ଡାରୀପୋଖରୀ ବ୍ଲକ୍ ଆଖୁଆପଦା ଗାଁରେ ଏବେ କୋକୁଆ ଭୟ ଖେଳିଯାଇଛି । କାରଣ ଆପେ ଆପେ ଘର ଗୁଡିକ ଜଳିଯାଉଛି । ପୂର୍ବରୁ ମଙ୍ଗଳବାର ଦିନ ଅଗ୍ନିକାଣ୍ଡ ହେଉଥିଲା । କିନ୍ତୁ ଏବେ ଗୁରୁବାର ଦିନ ନିଆଁ ଲାଗୁଛି । ମଧ୍ୟରାତ୍ରିରେ ସମସ୍ତେ ଶୋଇଥିବା ବେଳେ ଘରର ପୂର୍ବଦିଗରୁ ନିଆଁ ଲାଗୁଛି ।
{"id":103294}କେହି କିଛି ଜାଣିବା ପୂର୍ବରୁ ଘର ଗୁଡିକ ସମ୍ପୂର୍ଣ୍ଣ ଜଳିଯାଉଥିବା କହିଛନ୍ତି ଗାଁ ଲୋକେ । ପ୍ରଥମେ ନମିତା ଜେନାଙ୍କ ଘରେ ଗୁରୁବାର ରାତି ପ୍ରାୟ ୩ଟାରେ ନିଆଁ ଲାଗିଯାଇଥିଲା । ତା ପର ଗୁରୁବାର ପୀତବାସ ଜେନାଙ୍କ ଘର ଜଳିଯାଇଛି । ଏହି ଗୁରୁବାର ଦିନ ମୁକ୍ତିକାନ୍ତ ପୃଷ୍ଟିଙ୍କ ଦୋକାନ ମଧ୍ୟ ଜଳିଯାଇଛି ।
{"id":103295}ରାତି ଅଧରେ ଘର ଜଳିଯାଉଥିବାରୁ ଗାଁ ଲୋକେ ଭୟଭୀତ ଅଛନ୍ତି । ଏହାକୁ ଭୌତିକ କାଣ୍ଡ ବୋଲି ମଧ୍ୟ ସନ୍ଦେହ କରୁଛନ୍ତି ଗାଁ ଲୋକେ । ଗାଁର ଯୁବକ ମାନେ ରାତିସାରା ଅନିଦ୍ରା ରହି ଗାଁ ସାରା ଘୂରିବୁଲୁଛନ୍ତି । ଏନେଇ କୌଣସି ପ୍ରତିକାର କରିବା ପାଇଁ ପୂଜକଙ୍କ ସହ ଯୋଗାଯୋଗ କରୁଥିବା ନେଇ କହିଛନ୍ତି ଗାଁ ଲୋକେ ।