କୋଲକାତା, ୦୪|୦୭: ଶନିବାର ଅପରାହ୍ନରେ କୋଲକାତାର ବେହେଲାରେ ଏକ ଅଭାବନୀୟ ଘଟଣା ଘଟିଯାଇଛି । ଏଠାରେ ସର୍ଟସର୍କିଟ୍ ନିଆଁରେ ପୋଡି ହୋଇ ମାଆ ଓ ଝିଅ ପ୍ରାଣ ହରାଇଛନ୍ତି ।
ସ୍ଥାନୀୟ ଲୋକଙ୍କ କହିବାନୁସାରେ, ଶନିବାର ଦିନ ୧୨ଟା ୩୦ରେ ମାଆ ଓ ଝିଅ ରହୁଥିବା ଘରେ ହଠାତ ନିଆଁ ଲାଗିଯାଇଥିଲେ । ସେମାନେ ଘର ଭିତରୁ ବାହାରି ପାରି ନଥିଲେ । ଦମକଲ ବାହିନୀ ଆସି ନିଆଁ ଲିଭାଇଲା ବେଳକୁ ବିଳମ୍ବ ହୋଇଯାଇଥିଲା । ତେବେ ସେତେବେଳକୁ ମାଆ ଓ ଝିଅ ସମ୍ପୂର୍ଣ୍ଣ ଭାବେ ଜଳିଯାଇଥିଲେ । କିନ୍ତୁ ପରିବାରର ଆଉ ୩ ସଦସ୍ୟ ଖସି ଆସିବାରେ ସକ୍ଷମ ହୋଇଥିଲେ ।
ଜଳିଯାଇଥିବା ମହିଳା ହେଲେ ୬୮ ବର୍ଷୀୟା ସୋମା ମିତ୍ର ଓ ତାଙ୍କ ଝିଅ କକାଳି ମିତ୍ର । ପୋଲିସ ଉଭୟଙ୍କ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି ।
