ନୀଳଗିରି ୨୭।୨: ୧୧ କେଭି ବିଦ୍ୟୁତ ତାର ଛିଣ୍ଡି ଜଳିଯାଇଛି । ନୀଳଗିରି ବ୍ଲକ ଅଧିନ ମହିସାପଟ୍ଟା ପଞ୍ଚାୟତ କୁଆନାଳୀ ଗାଁରେ ଘଟିଛି ଏଭଳି ଅଭାବନୀୟ ଘଟଣା ।
ସୂଚନାଯୋଗ୍ୟ ଯେ, କୁଆନାଳୀ ଗାଁ ଉପର ଦେଇ ୧୧ କେଭି ବିଦ୍ୟୁତ ତାର ଯାଇଛି । ଶୁକ୍ରବାର ହଠାତ୍ ସନ୍ଧ୍ୟା ୭ଟା ସମୟରେ ତାରଟି ଛିଣ୍ଡି ଯାଇଥିଲା । ଫଳରେ ଗଛ, ପତ୍ର ସହ ପାଖରେ ଥିବା କିଛି ପରିବାରର ବାଡ ମଧ୍ୟ ପୋଡିଯାଇଥିବା ଜଣାପଡିଛି । କିଛି ଗ୍ରାମବାସୀ ସେଠାରେ ଛିଡା ହୋଇଥିଲେ ମଧ୍ୟ ସେମାନେ ଅଳ୍ପକେ ବର୍ତ୍ତି ଯାଇଥିବା ଜଣାପଡିଛି । ଗ୍ରାମବାସୀଙ୍କ ସହାୟତାରେ ନିଆଁକୁ ଆୟତ୍ତ କରାଯାଇଥିଲା । ଗାଁର କିଛି ଘର ପାଖରେ ଥିବା ସତ୍ତ୍ବେ ନିଆଁ ଦାଉରୁ ଅଳ୍ପକେ ରକ୍ଷା ପାଇଯାଇଛି ।
