ଭଦ୍ରକ ୨୯।୦୮: ଦେବଦୂତ ସାଜିଲେ ଅଗ୍ନିଶମ ବାହିନୀ । ବନ୍ୟା ଘେରରେ ରହି ଜନନୀ ଯନ୍ତ୍ରଣାରେ ଛଟପଟ ହେଉଥିଲେ ଜଣେ ମହିଳା । ଠିକ୍ ଏହି ସମୟରେ ଅଗ୍ନିଶମ ବାହିନୀର କର୍ମଚାରୀ ପହଞ୍ଚି , ତାଙ୍କୁ ଉଦ୍ଧାର କରିଛନ୍ତି । ଭଦ୍ରକ ଜିଲ୍ଲା ଧାମନଗର ବ୍ଲକ ବୟାଙ୍ଗଡିହ ପଞ୍ଚାୟତ ଗୋଠିଣା ଗାଁର ଘଟଣା ।
{"id":321971,"sizeSlug":"large"}
ସୂଚନାଯୋଗ୍ୟ ଯେ, ଗୋଠିଣା ଗାଁଟି ଏବେ ପୁରା ବନ୍ୟା ପାଣି ଘେରରେ ରହିଛି । ବନ୍ୟାପାଣି ଲୋକଙ୍କ ଘରକୁ ପାଣି ପଶିଯିବାରୁ, କେହି ଘରୁ ବାହାରି ପାରୁନାହାନ୍ତି । ତେବେ ଜଳ ଘେରା ବନ୍ଦୀରେ ଗାଁର ଜଣେ ମହିଳାଙ୍କ ପ୍ରସବ ଯନ୍ତ୍ରଣା ହୋଇଥିଲା । ପ୍ରସବ ଯନ୍ତ୍ରଣାରେ ସେ ଛଟପଟ ହେଉଥିବା ବେଳେ, ଦେବଦୂତ ସାଜିଲେ ଅଗ୍ନିଶମ ବାହିନୀର କର୍ମଚାରୀ । ଅକାତ କାତ ପାଣିରେ ପହଞ୍ଚି ଅଗ୍ନିଶମ କର୍ମଚାରୀମାନେ ମହିଳାଙ୍କୁ ଉଦ୍ଧାର କରି ଏକ ଆମ୍ବୁଲାନ୍ସ ଯୋଗେ ଧାମନଗର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଛନ୍ତି ।
