Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୦୫ କରୋନା ସଂକ୍ରମିତ, ୧୦୫୦୩୫୪ରେ ପହଞ୍ଚିଲା ସଂଖ୍ୟା
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୩କୁ ବୃଦ୍ଧି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୧୧ ମୃତ
  • ||
  • ଗୁଜୁରାଟରେ ଓମିକ୍ରନ ଗଞ୍ଜାମକୁ ବିପଦ : ବଢିବ ସଂକ୍ରମଣ ! ସତର୍କ କଲା ପ୍ରଶାସନ
  • ||
  • ଡ୍ରାଇଭରଙ୍କୁ ମାଗିଲେ ଲାଞ୍ଚ, ନଦେବାରୁ ଆକ୍ରମଣ କରି କଲେ ଲହୁଲୁହାଣ
  • ||
  • ଆଉ ବର୍ଷା ନାହିଁ, ବଦଳିବ ପାଗ : ୧୧ରୁ କମିଯିବ ଶୀତ
  • ||
  • ଆସୁଛନ୍ତି ପୁଟିନ : ମୋଦୀଙ୍କୁ ଭେଟିବେ, ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହେବ ଆଲୋଚନା
  • ||

ଜଳିଗଲା ଓରିଏଣ୍ଟାଲ ବ୍ୟାଙ୍କ୍ ଅଫ୍ କମର୍ସ ରାଜ୍ୟ ମୁଖ୍ୟ ଶାଖା ; ବହୁ ମୂଲ୍ୟବାନ ନଥିପତ୍ର ପୋଡି ଭସ୍ମ, ନିଆଁ ପଛରେ ଷଡଯନ୍ତ୍ର ଥିବା ସନ୍ଦେହ

8/12/2018 at 9:23 AM

ଭୁବନେଶ୍ବର ୦୮|୧୨: ଭୁବନେଶ୍ବର ଗଣ୍ଡମୁଣ୍ଡା ଅଞ୍ଚଳରେ ଥିବା ଓରିଏଣ୍ଟାଲ୍ ବ୍ୟାଙ୍କ୍ ଅଫ୍ କମର୍ସର ରାଜ୍ୟ ମୁଖ୍ୟ ଶାଖାରେ ଭୟାବହ ଅଗ୍ନିକାଣ୍ଡର ଛାନଭିନ୍ ଆରମ୍ଭ ହୋଇଛି । ଅଗ୍ନିକାଣ୍ଡରେ ବ୍ୟାଙ୍କର ପ୍ରଥମ ମହଲା ସଂପୂର୍ଣ୍ଣ ଜଳିପୋଡ଼ି ପାଉଁଶ ହୋଇଯାଇଛି । ଅନେକ ମୂଲ୍ୟବାନ ନଥିପତ୍ର ଭସ୍ମ ହୋଇ ଯାଇଛି । ଜଳି ପୋଡ଼ି ପାଉଁଶ ହୋଇଯାଇଛି ଗ୍ରାହକଙ୍କ ସଂପର୍କିତ ବ୍ୟାଙ୍କର ବହୁ ଗୁରୁତ୍ବପୂର୍ଣ୍ଣ ନଥିପତ୍ର । ଏହି ମହଲାରେ ଥିବା କମ୍ପ୍ୟୁଟର ଗୁଡ଼ିକ ବି ପାଉଁଶ ହୋଇଯାଇଛି । କାଗଜପତ୍ର ସହ ପ୍ଲାଏ, କାଠ ଆଦି ଏହି ଫ୍ଲୋରରେ ଅଧିକ ଥିବାରୁ ନିଆଁଲିଭା ସହଜ ହୋଇ ନ ଥିଲା । ଦ୍ବିତୀୟ ମହଲାର କିଛି ଅଂଶ ମଧ୍ୟ ଅଗ୍ନିକାଣ୍ଡରେ ପ୍ରଭାବିତ ହୋଇଛି । କ୍ୟାସ୍ ରହୁଥିବା ଜୋନ୍ ଅଗ୍ନିକାଣ୍ଡରୁ ଅଳ୍ପକେ ବର୍ତ୍ତି ଯାଇଥିଲେ ବି ନିଆଁ ଲିଭା ବେଳେ ଅନେକ ନୋଟ୍ନଷ୍ଟ ହୋଇଥିବା ଜଣାପଡ଼ିଛି ।

ରାତି ପ୍ରାୟ ସାଢେ ୧୧ରେ ବ୍ୟାଙ୍କର ପ୍ରଥମ ମହଲାରୁ ଧୂଆଁ ବାହାରୁଥିବା ଦେଖିଥିଲେ ସିକ୍ୟୁରିଟି ଗାର୍ଡ । ପରେ ଦମକଳ ବାହିନୀଙ୍କୁ ଖବର ଦିଆଯାଇଥିଲା । ପ୍ରଥମେ ନିଆଁର ତୀବ୍ରତା ଖୁବ୍ କମ୍ ଥିଲା । ହେଲେ ନିଆଁ ଲାଗିଥିବା ସ୍ଥାନକୁ ପାଣି ଠିକ୍ ଭାବେ ନ ପହଞ୍ଚି ପାରିବାରୁ ଏହାନିୟନ୍ତ୍ରଣକୁ ଆସି ନ ଥିଲା ।  ପରେ ଏହା ବ୍ୟାପକ ରୂପ ନେଇଥିଲା । ନିଆଁ ଲିଭା କାର୍ଯ୍ୟରେ ୭ଟି ଦମକଳ ୟୁନିଟକୁ ନିୟୋଜିତ କରାଯାଇଥିଲା । ରାତି ପ୍ରାୟ ସାଢେ ୩ଟାରେ ନିୟନ୍ତ୍ରଣକୁ ଆସିଥିଲା ନିଆଁ ।  ଏହି ଅଗ୍ନିକାଣ୍ଡ ସର୍ଟ ସର୍କିଟ ଯୋଗୁଁ ହୋଇଥିବା ଆଶଙ୍କା କରାଯାଉଛି । ତେବେ ବ୍ୟାଙ୍କରେ ନିଆଁ ଲଗିବା ପଛରେ କୌଣସି ଷଡ଼ଯନ୍ତ୍ର ବି ଥାଇପାରେ  ବୋଲି ଅନେକ ସନ୍ଦେହ କରିଛନ୍ତି। ଅଗ୍ନିକାଣ୍ଡରେ କ୍ଷୟକ୍ଷତି ଆକଳନ ସହ ନିଆଁ ଲାଗିବାର କାରଣ ନେଇ ତନାଘନା କରିବାକୁ ଘଟଣାସ୍ଥଳରେ ବ୍ୟାଙ୍କର ଉଚ୍ଚ ଅଧିକାରୀମାନେ ପହଞ୍ଚିଛନ୍ତି ।

   Related Posts