Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥ ହେଲେ ଆଉ ୨୪୫୨ ଆକ୍ରାନ୍ତ, କିନ୍ତୁ ସଂକ୍ରମଣ ବୃଦ୍ଧିରେ ଲାଗୁନି ରୋକ୍‌
  • ||
  • କମ୍ବିଂ ବେଳେ ଏସ୍‌ଓଜି ଯବାନ-ମାଓବାଦୀ ମୁହାଁମୁହିଁ, ଗୁଳି ବିନିମୟରେ ମାଓବାଦୀ ମୃତ !
  • ||
  • ସାଲେପୁର : ଡାକ ଘରେ ଚାଲିଥିଲା ଭୋଜି ଭାତର ଆୟୋଜନ, ୩ ହଜାର ଟଙ୍କା ତଣ୍ଡ ଗଣିଲେ କର୍ମଚାରୀ
  • ||
  • ନୀଳଗିରି : ପୋଖରୀରେ ଗାଧୋଇବା ବେଳେ ଖସିଗଲା ଗୋଡ, ଚାଲିଗଲା ନାବାଳିକାଙ୍କ ଜୀବନ
  • ||
  • ସାନଖେମୁଣ୍ଡି : ବେଆଇନ ମଦ ବିକ୍ରିକୁ ନେଇ ଜନ ଅସନ୍ତୋଷ, ଥାନା ସମ୍ମୁଖରେ ବିକ୍ଷୋଭ ପ୍ରଦର୍ଶନ
  • ||
  • କର୍ଲାମୁଣ୍ଡା : ୨ ହଜାର ଟଙ୍କା ଲାଞ୍ଚ ନେବା ବେଳେ ଧରାପଡିଲେ ରାଜସ୍ବ ନିରୀକ୍ଷକ
  • ||
  • ଆନନ୍ଦପୁର : ଯୁକ୍ତ ୨ ପରୀକ୍ଷା ବାତିଲ ଦାବିରେ ୨ଟି ମହାବିଦ୍ୟାଳୟ ଛାତ୍ରଙ୍କ ରାସ୍ତାରୋକ
  • ||
  • ଭୁବନେଶ୍ବର : ଦୈନିକ ଲକ୍ଷେ ଟେଷ୍ଟ କରନ୍ତୁ ରାଜ୍ୟ ସରକାର – ବିଜୟ ମହାପାତ୍ର
  • ||
  • ଭୁବନେଶ୍ବର : ଓଡିଶାର ଚିହ୍ନଟ ହୋଇନି କରୋନାର ଟ୍ରିପଲ ମ୍ୟୁଣ୍ଟାଣ୍ଟ – ସ୍ବାସ୍ଥ୍ୟ ଓ ପରିବାର କଲ୍ୟାଣ ନିର୍ଦ୍ଦେଶକ
  • ||
  • ଖୋର୍ଦ୍ଧା : ଅନଲାଇନ୍‌ରେ ପରୀକ୍ଷା ଅଥବା ବାତିଲ୍ ଦାବିରେ ଯୁକ୍ତ ୨ ଛାତ୍ରଛାତ୍ରୀଙ୍କ ବିକ୍ଷୋଭ
  • ||

ଜଙ୍ଗଲରେ ନିଆଁ ପାଇଁ ଅକଳରେ ବନବିଭାଗ, ଡକାଗଲା ଜରୁରୀ ବୈଠକ

8/03/2021 at 9:52 PM

ଆଠଗଡ, ୦୮/୦୩: ଆଠଗଡ଼ ବନଖଣ୍ଡ ଅଧୀନରେ ଥିବା ଖୁଣ୍ଟୁଣୀ, ଆଠଗଡ଼, ବଡ଼ମ୍ବା, ନରସିଂହପୁର ପୂର୍ବ ଏବଂ ନରସିଂହପୁର ପଶ୍ଚିମ ଭଳି ପାଞ୍ଚଟି ବନାଞ୍ଚଳରେ ନିଆଁ କ୍ରମଶଃ ଅଣାୟତ୍ତ ହେବାରେ ଲାଗିଛି । ଆଠଗଡ଼ ବନଖଣ୍ଡ ଅଧିକାରୀ ସୁଦର୍ଶନ ଗୋପୀନାଥ ଜାଦବଙ୍କ ସୂତ୍ରରୁ ମିଳିଥିବା ସୂଚନା ଅନୁଯାୟୀ ଆଜିର ଦିନରେ ବନଖଣ୍ଡର ୪୫ଟି ଜାଗାରେ ନିଆଁ ଲାଗିଛି।

ପୂର୍ବରୁ ଲାଗିଥିବା ନିଆଁ ଆୟତ୍ତ ହୋଇସାରିଛି । ବିଶେଷ କରି ଖୁଣ୍ଟୁଣୀ ଏବଂ ଆଠଗଡ଼ ରେଞ୍ଜରେ ଲାଗିଥିବା ନିଆଁ ଆଉ ପ୍ରାୟତଃ ନାହିଁ । କିନ୍ତୁ ବଡ଼ମ୍ବା ସହିତ ନରସିଂହପୁରରେ ଥିବା ଦୁଇଟି ଯାକ ରେଞ୍ଜରେ ନିଆଁ ଆୟତକୁ ଆସିପାରି ନାହିଁ । ଏଥିପାଇଁ ବନବିଭାଗ ସଜାଗ ଅଛି ବୋଲି କୁହାଯାଇଛି । ଆଠଗଡ଼ ବନଖଣ୍ଡର ପାଞ୍ଚଟି ଯାକ ରେଞ୍ଜରେ ଦଶଜଣ ଲେଖାଏଁ ନିଆଁ ଲିଭାଇବାକୁ କର୍ମଚାରୀଙ୍କ ସହିତ ଗୋଟିଏ ଲେଖାଏଁ ଗାଡି ଦିଆଯାଇଛି ।

ଏଥିସହିତ ହାତୀ ଜଗୁଆଳୀ ଏବଂ ଅନ୍ୟାନ୍ୟ ଅର୍ଦ୍ଧ ଜଙ୍ଗଲ ବିଭାଗ (ପାରା ଫରେଷ୍ଟ) କର୍ମଚାରୀମାନଙ୍କୁ ନିୟୋଜିତ କରାଯାଇଛି । ନିଆଁ ଲିଭାଇବାକୁ ଯଥା ସମ୍ଭବ ଆବଶ୍ୟକୀୟ ପାଣି ଯେଉଁଠାରେ ରହିଛି ତାକୁ ମଧ୍ୟ ବିନିଯୋଗ କରିବାକୁ କୁହାଯାଇଛି । ଏଥିସହିତ କର୍ମଚାରୀମାନଙ୍କୁ ଫାୟାର ଷ୍ଟିକ୍, ଫାୟାର ଵ୍ଲୋୟର ଆଦି ଆଧୁନିକ ଯନ୍ତ୍ର ପାତି ଦିଆଯାଇଛି ବୋଲି ବନଖଣ୍ଡ ଅଧିକାରୀ ସୂଚନା ଦେଇଛନ୍ତି ।

ଜଙ୍ଗଲ ମଝିରେ ପ୍ରାକୃତିକ ଭାବେ ଲାଗୁଥିବା ନିଆଁକୁ ଆୟତ କରିବା କଷ୍ଟକର ହୋଇପଡୁଛି । କିନ୍ତୁ କିଛି ଦୁବୃର୍ତ୍ତମାନଙ୍କ ଦ୍ଵାରା ଲଗାଯାଉଥିବା ନିଆଁ ଅନେକ ସମୟରେ ସମସ୍ୟା ସୃଷ୍ଟି କରିଛି । ଏ ସମ୍ପର୍କରେ ଏକ ପ୍ରସ୍ତୁତି ବୈଠକ ଆଜି ବନଖଣ୍ଡ ଅଧିକାରୀଙ୍କ କାର୍ଯ୍ୟାଳୟରେ ଅନୁଷ୍ଠିତ ହୋଇଥିଲା । ଏଥିରେ ପାଞ୍ଚଟି ଯାକ ବନାଞ୍ଚଳର ରେଞ୍ଜରମାନେ ଯୋଗ ଦେଇ ଜଙ୍ଗଲରେ ଲାଗୁଥିବା ନିଆଁକୁ ନେଇ ସେମାନଙ୍କ ଅଭିଜ୍ଞତା ଏବଂ ଉପଲବ୍ଧି ସମ୍ପର୍କରେ ଆଲୋଚନା କରିଥିଲେ । ତେବେ ସେହି ଭଳି ଦୁବୃର୍ତ୍ତମାନଙ୍କୁ ଚିହ୍ନଟ କରିବା ସହିତ ସେମାନଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଆଠଗଡ଼ ବନଖଣ୍ଡ ଅଧିକାରୀ କହିଛନ୍ତି ।

   Related Posts