ନୂଆଦିଲ୍ଲୀ ୩୦।୧୨: ରାଜଧାନୀ ଦିଲ୍ଲୀର ୯-ଲୋକକଲ୍ୟାଣ ମାର୍ଗସ୍ଥିତ ବାସଭବନ ପରିସରରେ ସୋମବାର ସନ୍ଧ୍ୟାରେ ଘଟିଥିବା ଅଗ୍ନିକାଣ୍ଡକୁ ଦମକଳ ବାହିନୀ ଆୟତ୍ତ କରିଛନ୍ତି। ପ୍ରଧାନମନ୍ତ୍ରୀଙ୍କ ସରକାରୀ ବାସଭବନ ପରିସରରେ ଥିବା ଏସ୍ପିଜି ରିସେପସନ୍ ଅଞ୍ଚଳରେ ଏହି ଅଗ୍ନିକାଣ୍ଡ ଘଟିଥିଲା। ସୂଚନା ପାଇ ଦମକଳ ବିଭାଗର ୭ଟି ଦମକଳ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛନ୍ତି।
wp:html/wp:htmlThere was a minor fire at 9, Lok Kalyan Marg caused by a short circuit. This was not in PM’s residential or office area but in the SPG reception area of the LKM complex.
— PMO India (@PMOIndia) December 30, 2019
The fire is very much under control now.
ପ୍ରାରମ୍ଭିକ ପର୍ଯ୍ୟାୟରେ ବିଦ୍ୟୁତ୍ ସର୍ଟସର୍କିଟ୍ ଯୋଗୁ ଅଗ୍ନିକାଣ୍ଡ ଘଟିଥିବା ଜଣାପଡିଛି। ତେବେ ସକ୍ରିୟତାର ସହ ନିଆଁକୁ ତୁରନ୍ତ ଆୟତ୍ତ କରାଯାଇଥିଲା। ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ଅଥବା ବାସଭବନରେ ଅଗ୍ନିକାଣ୍ଡ ଘଟିନାହିଁ । ଏଲକେଏମ କମ୍ପ୍ଲେକ୍ସରେ ଥିବା ଏସ୍ପିଜି ରିସେପସନ ଅଞ୍ଚଳରେ ଏହି ଅଗ୍ନିକାଣ୍ଡ ଘଟିଥିଲା ବୋଲି ପିଏମଓଙ୍କ କାର୍ଯ୍ୟାଳୟ ସୂଚିତ କରିଛନ୍ତି।
{"id":204790,"sizeSlug":"large"}ପ୍ରଧାନମନ୍ତ୍ରୀଙ୍କ ଆବାସ ରାଜଧାନୀର ଅତ୍ୟନ୍ତ ସୁରକ୍ଷିତ ସ୍ଥାନମାନଙ୍କ ମଧ୍ୟରେ ଅନ୍ୟତମ। ଏଣୁ ଅଗ୍ନିକାଣ୍ଡ ସୂଚନା ପାଇବାମାତ୍ରେ ବହୁ ସଂଖ୍ୟାରେ ସୁରକ୍ଷା କର୍ମୀ ଘଟଣାସ୍ଥଳରେ ପହଞ୍ଚିଯାଇଥିଲେ। ସ୍ଥିତି ଏବେ ସମ୍ପୂର୍ଣ୍ଣ ନିୟନ୍ତ୍ରଣାଧୀନ ଥିବା ପିଏମଓଙ୍କ କାର୍ଯ୍ୟାଳୟ ସୂଚିତ କରିଛନ୍ତି।