Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୟାଗଡ଼ : ରେଳ ଷ୍ଟେସନରେ ଲଙ୍କାକାଣ୍ଡ : ବ୍ୟାପକ ପୋଡାଜଳା ଓ ଭଙ୍ଗାରୁଜା, ବିରୋଧ କରିବାରୁ ମ୍ୟାନେଜର ଓ କର୍ମଚାରୀଙ୍କୁ ଆକ୍ରମଣ
  • ||
  • ଆଜି ୧୧ ଜିଲ୍ଲାରେ କାଳବୈଶାଖି ବର୍ଷା ! ୧୫ ଯାଏଁ ତାତିରୁ ମିଳିବ ତ୍ରାହି
  • ||

ବାଣ କାରଖାନାରେ ଭୟଙ୍କର ବିସ୍ଫୋରଣ: ଘଟଣାସ୍ଥଳରେ ୬ଜଣଙ୍କ ମୃତ୍ୟୁ

4/09/2020 at 12:54 PM

ଚେନ୍ନାଇ ୦୪/୦୯ : ତାମିଲନାଡୁ କୁଡ୍ଡାଲୋରର ଏକ ବାଣ କାରଖାନାରେ ଜୋରଦାର ବିସ୍ଫୋରଣ ହୋଇଛି | ସୂଚନା ଅନୁଯାୟୀ, ଦୁର୍ଘଟଣାରେ ୬ଜଣଙ୍କ ମୃତ୍ୟୁ ହୋଇଛି | ୩ ଜଣ ଗୁରୁତର ଆହତ ହୋଇଛନ୍ତି | ଆହତଙ୍କୁ ଚିକିତ୍ସା ପାଇଁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି | ସୂଚନାଯୋଗ୍ୟ ଯେ, ତାମିଲନାଡୁ କୁଡ୍ଡାଲୋରରେ ଶୁକ୍ରବାର ସକାଳେ ଲୋକେ ନିଜ ନିଜ କାମରେ ବ୍ୟସ୍ତ ଥିବାବେଳେ ସେହି ସମୟରେ ସେଠାରେ ଏକ ଭୟଙ୍କର ବିସ୍ଫୋରଣ ହୋଇଥିଲା | କିଛି କିଲୋମିଟର ଯାଏଁ ବିସ୍ଫୋରଣ ଶବ୍ଦ ଶୁଭାଯାଇଥିଲା | ଏଥିରୁ ଅନୁମାନ କରାଯାଇପାରିବ ଯେ ବିସ୍ଫୋରଣ କେତେ ଭୟଙ୍କର ଥିଲା | ଘଟଣା ସମ୍ପର୍କରେ ସୂଚନା ପାଇ ପୋଲିସ ପହଞ୍ଚି ତଦନ୍ତ କରୁଛି | ଏହି ଜାଗା ରାଜଧାନୀ ଚେନ୍ନାଇରୁ ୧୯୦ କିମି ଦୂରରେ ରହିଛି |

ବିସ୍ଫୋରଣ ସୂଚନା ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବାକୁ ଚେଷ୍ଟା କରୁଛନ୍ତି | କାରଖାନାରୁ ଏବେ ସୁଦ୍ଧା ୬ଜଣଙ୍କ ଶବ ଉଦ୍ଧାର କରାଯାଇଛି | ଟ୍ୱେଭେ ମୃତକଙ୍କ ସଂଖ୍ୟା ବଢିପାରେ ବୋଲି ଆଶଙ୍କା କରାଯାଉଛି | ଦୁର୍ଘଟଣାରେ ଅନେକ ଲୋକ ଗମ୍ଭୀର ଆହତ ହୋଇଛନ୍ତି | ଉଦ୍ଧାର କାର୍ଯ୍ୟ ଜାରି ରହିଛି |

   Related Posts