Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟନା AIIMSର ୩୮୪ ଡାକ୍ତର ଏବଂ ନର୍ସିଂ ଷ୍ଟାଫ୍‌ କୋଭିଡ୍‌ ପଜିଟିଭ୍‌ ଚିହ୍ନଟ
  • ||
  • ବିଧାୟକ ନରସିଂହ ମିଶ୍ରଙ୍କୁ କରୋନା, ଟ୍ୱିଟ୍‌ କରି ଦେଲେ ସୂଚନା
  • ||
  • କରୋନାକୁ ମାତ୍‌ ଦେଲେ ୨୦୦୯ ଆକ୍ରାନ୍ତ
  • ||
  • ସୁଧୁରୁନି କରୋନା ସ୍ଥିତି, ଆଜି ଭୁବନେଶ୍ଵରରୁ ଚିହ୍ନଟ ହେଲେ ୪୭୬ ପଜିଟିଭ୍
  • ||
  • ବ୍ରହ୍ମପୁର : ଗଞ୍ଜାମ ଜିଲ୍ଲାର ସବୁ ଧର୍ମାନୁଷ୍ଠାନରେ କଟକଣା, କେବଳ ପୂଜକ ହିଁ କରିପାରିବେ ପୂଜାର୍ଚ୍ଚନା
  • ||
  • ସମ୍ବଲପୁର : ସମ୍ବଲପୁର ବିଶ୍ବବିଦ୍ୟାଳୟରେ ଠିକା କର୍ମଚାରୀଙ୍କ ଆତ୍ମହତ୍ୟା ଘଟଣା, କ୍ଷତିପୂରଣ ଦାବିରେ ମୃତଦେହ ରଖି ଧାରଣା
  • ||
  • ବଲାଙ୍ଗୀର : କରୋନା ସଂକ୍ରମଣ ରୋକିବାରେ ପୋଲିସ-ଜନତାଙ୍କ ସହଭାଗିତା ରହୁ : ଡିଜି ଅଭୟ
  • ||
  • ମାଲକାନଗିରି : ନାରାୟଣପୁରରେ ପୁଣି ମାଓ ହିଂସା, ଲ୍ୟାଣ୍ଡମାଇନ ବିସ୍ଫୋରଣରେ ଜଣେ ଯବାନ ଗୁରୁତର
  • ||
  • ପୁରୀ : ଗଠନ ହେଲା ୭ଜଣିଆ ସେବାୟତ କମିଟି, କିଏ ଟିକା ନେଇଛି, କିଏ ନେବ, କାହାର ସ୍ବାସ୍ଥ୍ୟ କିପରି ଅଛି ହେବ ତଦାରଖ
  • ||
  • କେନ୍ଦୁଝର : ବାଇକ୍ ଆରୋହୀଙ୍କ ଉପରେ ମାଡିଗଲା ହାଇୱା, ଘଟଣାସ୍ଥଳରେ ମୃତ୍ୟୁ
  • ||

ଲୁଧିଆନା ଜେଲରେ ୨ ଗୋଷ୍ଠୀ ବନ୍ଦୀଙ୍କ ମଧ୍ୟରେ ଝଗଡା ବେଳେ ଲାଗିଲା ନିଆଁ, ଫେରାର ୪ ବନ୍ଦୀ ଗିରଫ

27/06/2019 at 3:30 PM

ଲୁଧିଆନା ୨୭।୬ : ପଞ୍ଜାବର ଲୁଧିଆନା ଜେଲରେ ଗୁରୁବାର ୨ ଗୋଷ୍ଠୀ କଏଦୀଙ୍କ ମଧ୍ୟରେ ସଂଘର୍ଷ ଘଟିଛି।  ତେବେ କୈଦୀଙ୍କ ମଧ୍ୟରେ ସଂଘର୍ଷର କାରଣ ଜଣାପଡିନଥିବା ବେଳେ କାରଗାର ବିଭାଗ କର୍ତ୍ତୃପକ୍ଷ ଜେଲରେ ଅତିରିକ୍ତ ସୁରକ୍ଷା କର୍ମୀ ମୁତୟନ କରିଛନ୍ତି। କୈଦୀଙ୍କ ମଧ୍ୟରେ ସଂଘର୍ଷ ବେଳେ ଜେଲରେ ଅଗ୍ନିକାଣ୍ଡ ଘଟିବା ପରିସ୍ଥିତିକୁ  ଅଧିକ ଜଟିଳ କରିଦେଇଥିଲା। ତେବେ ଦମକଳ ବିଭାଗ କର୍ମଚାରୀ ପହଞ୍ଚି ପରିସ୍ଥିତିକୁ ଆୟତ୍ତ କରିଛନ୍ତି।

ଲୁଧିଆନା ଜେଲେ କୈଦୀଙ୍କ ମଧ୍ୟରେ ସଂଘର୍ଷ ଓ ଅଗ୍ନିକାଣ୍ଡ ଉଭୟ ପୃଥକ ଘଟଣା। ତେବେ ଉଭୟ ଘଟଣାର କାରଣ ସ୍ପଷ୍ଟ ହୋଇପାରିନଥିବା ବେଳେ କାରାଗାର ସୁରକ୍ଷା କଡାକଡି କରାଯାଇଛି। ଅନ୍ୟପକ୍ଷରେ ପରିସ୍ଥିତିର ସୁଯୋଗ ନେଇ ଜେଲରୁ ଖସି ପଳାଇବାରେ ସକ୍ଷମ ହୋଇଥିବା ୪ ଜଣ କୈଦୀଙ୍କୁ ପୋଲିସ ଗିରଫ କରିବାରେ ସଫଳ ହୋଇଛି। ସେମାନଙ୍କୁ ଖୁବ୍ ଶୀଘ୍ର ଜେଲକୁ ପଠାଇ ଦିଆଯିବ ବୋଲି କହିଛି ଲୁଧିଆନା ପୋଲିସ।

ନିକଟରେ ପାଟିଆଲାରେ ସ୍ଥାପିତ ନୂଆ ନାଭା ଜେଲରେ ବନ୍ଦୀ ଜଣେ କୈଦୀଙ୍କୁ ଅନ୍ୟ କୈଦୀମାନେ ମିଶି ହତ୍ୟା କରିଥିଲେ। ମୃତ ବନ୍ଦୀ ମହିନ୍ଦରପାଲ ବିଟ୍ଟୁଙ୍କୁ ଡେରା ସଚ୍ଚା ସୌଦାର ଅନୁଗାମୀ ଜେଲରେ ହତ୍ୟା କରିଥିଲେ। ମୃତ ବିଟ୍ଟୁ ବରଗାଡୀ ଗୁରୁ ଗ୍ରନ୍ଥ ସାହିବଙ୍କୁ ଅବମାନନା ଅଭିଯୋଗରେ ଗିରଫ ହୋଇ ଜେଲରେ ଥିବା ବେଳେ ବନ୍ଦୀଙ୍କ ସଡଯନ୍ତ୍ର ଓ ହତ୍ୟାର ଶିକାର ହୋଇଥିଲେ । ଘଟଣାକୁ ନେଇ ପଞ୍ଜାବ ଜେଲ ବିଭାଗ ଏବେ କାଠଗଡାରେ ଛିଡା ହୋଇଥିବା ବେଳେ ଗୁରୁବାରର ଘଟଣା ନୂଆ ସମସ୍ୟା ସୃଷ୍ଟି କରିଛି।

   Related Posts