ଢେଙ୍କାନାଳ ୦୬।୦୯: ନିଆଁରେ ଜଳି ଜଣେ ଗର୍ଭବତୀ ମହିଳା ଜୀବନ୍ତ ଦଗ୍ଧ ହୋଇଯାଇଛନ୍ତି । ରୋଷେଇ ଘରୁ ଅର୍ଦ୍ଧ ଦଗ୍ଧ ଅବସ୍ଥାରେ ପୁଲିସ ମୃତଦେହକୁ ଜବତ କରିଛି । ଢେଙ୍କାନାଳ ସହରର ଜୟଗୋପାଳସାହିରେ ଘଟିଛି ଏହି ଅଘଟଣ । ମୃତ ମହିଳା ଜଣଙ୍କ 22ବର୍ଷୀୟ ବିଦୁଲତା ଦେହୁରୀ ଓ ସେ ମୁକେଶ ଦଳେଇଙ୍କ ପତ୍ନୀ ବୋଲି ଜଣାପଡିଛି । ଟାଉନ ପୁଲିସ ପହଂଚି ପୁଲିସ ଫରେନ୍ସିକ ଟିମ ମାଧ୍ୟମରେ ତଦନ୍ତ ଜାରି ରଖିଛି ।
ଗତ ଡିସେମ୍ବର ୨୦୧୯ରେ ମୁକେଶ ଦଳେଇଙ୍କୁ ବିବାହ କରିଥିବା ବେଳେ ସେ ପାଞ୍ଚ ମାସର ଗର୍ଭବତୀ ଥିଲେ ବୋଲି ଜଣାପଡିଛି । ରୋଷେଇ ଗ୍ୟାସରୁ ଲୁଗାରେ ନିଆଁ ଯୋଗୁଁ ପୋଡିହୋଇ ତାଙ୍କର ମୃତ୍ୟୁ ଘଟିଥିବା ଅନୁମାନ କରାଯାଇଛି । ଘରେ କେହି ନଥିବାବେଳେ ଏପରି ଅଘଟଣ ଘଟିଥିବା ମୃତ ମହିଳାଙ୍କ ସ୍ୱାମୀ ପ୍ରକାଶ କରୁଛନ୍ତି । ତେବେ ଘଟଣାସ୍ଥଳରେ ଟାଉନ ଥାନା ପୋଲିସ ଓ ଏସଡ଼ିପିଓ ପ୍ରମୁଖ ଆସି ତଦନ୍ତ ଜାରି ରଖିଥିବା ଜଣାପଡିଛି ।