ଆଠଗଡ ୩।୩: ରାସ୍ତା ପାର୍ଶ୍ବରେ ଲାଗିଲା ନିଆଁ । ଜଳିଗଲା ମନରେଗା ଯୋଜନାର ଗଛ । ରାସ୍ତା ପାର୍ଶ୍ବରେ ଲାଗିଥିବା ଗଛସବୁ ଜଳିଯାଇଥିବା ଜଣାପଡିଛି । ଆଠଗଡ଼ ବ୍ଲକ ବେଣ୍ଟପଦା ପଞ୍ଚାୟତର ବାଲିପଦାଠାରୁ ବେଣ୍ଟପଦା ଯାଏଁ ରାସ୍ତାର ଉଭୟ ପାର୍ଶ୍ବରେ ଲାଗିଥିବା ଗଛ ସବୁ ପୋଡ଼ି ଯାଇଥିବା ଜଣାପଡିଛି ।
ମନରେଗା ଯୋଜନାରେ ଏହି ରାସ୍ତାର ବନୀକରଣ ମୃତ୍ତିକା ସଂରକ୍ଷଣ ବିଭାଗ ପକ୍ଷରୁ କରାଯାଇଥିବା ବେଳେ ମଙ୍ଗଳବାର କେହି ଦୁର୍ବୃତ୍ତ ଏଠାରେ ନିଆଁ ଲଗାଇ ଦେବାରୁ ପ୍ରାୟ ୨୦୦ ଗଛ ପୋଡି ଯାଇଥିବା ଅଭିଯୋଗ ହୋଇଛି । ରାଉଳ ସାହିଠାରୁ ସାପୁଆ କେନାଲ ବନ୍ଧଠାରୁ ଜେନାମଣି ଠାକୁରାଣୀ ମନ୍ଦିର ପାଖାପାଖି ଏହି ଅଗ୍ନିକାଣ୍ଡ ଘଟିଥିବା ସୂଚନା ମିଳିଛି ।
