Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୩୯ କୋଭିଡ୍ ପଜିଟିଭ୍
  • ||
  • ବିଜେପି ନେତା ଫଡନାଭୀସଙ୍କ ଶରଣରେ କଂଗ୍ରେସ ନେତା, କହିଲେ- ‘ଆମ ପ୍ରାର୍ଥୀଙ୍କୁ ଜିତିବାରେ ସାହାଯ୍ୟ କର’
  • ||
  • ଆସୁଛି ବଡ ବର୍ଷା : ସନ୍ଧ୍ୟାରେ ଲଘୁଚାପରେ ପରିଣତ ହେବ ଘୂର୍ଣ୍ଣିବଳୟ
  • ||
  • ଉପରମୁଣ୍ଡରେ ବର୍ଷା, ବଢୁଛି ହୀରାକୁଦର ଜଳସ୍ତର
  • ||
  • ମହାନଦୀରେ ଭାସିଗଲେ ହାତୀପଲ : ମୁଣ୍ଡଳି ବ୍ରିଜରେ ଲାଖି ରହିଛି ହାତୀ ଛୁଆ
  • ||

ପ୍ରୟାଗରାଜ କୁମ୍ଭ ମେଳାରେ ପୁଣି ଅଗ୍ନିକାଣ୍ଡ, ଅଳ୍ପକେ ବର୍ତ୍ତିଲେ ବିହାର ରାଜ୍ୟପାଳ ଲାଲଜି ଟଣ୍ଡନ

13/02/2019 at 11:44 AM

ପ୍ରୟାଗରାଜ ୧୩|୨:  ପ୍ରୟାଗରାଜ କୁମ୍ଭ ମେଳାରେ ବାରମ୍ବାର ଅଗ୍ନିକାଣ୍ଡ ହେଉଥିବା ଦେଖିବାକୁ ମିଳିଛି  । ମଙ୍ଗଳବାର ବିଳମ୍ବିତ ରାତିରେ କୁମ୍ଭ ମେଳାରେ ପୁଣି ଭୀଷଣ ଅଗ୍ନିକାଣ୍ଡ ହୋଇଛି । ବିହାରର ରାଜ୍ୟପାଳ ଲାଲଜି ଟଣ୍ଡନଙ୍କ କ୍ୟାମ୍ପ୍ ରେ ନିଆଁ ଲାଗିଥିଲା । ସେକ୍ଟର ୨୦ ଅରେଲ ଅଞ୍ଚଳ ତ୍ରିବେଣୀ ଟେଣ୍ଟ ସିଟ୍ ରେ ଅଗ୍ନିକାଣ୍ଡ ହୋଇଥିଲା । ଅଗ୍ନିକାଣ୍ଡରେ ଅଳ୍ପକେ ବର୍ତ୍ତିଯାଇଛନ୍ତି ରାଜ୍ୟପାଳ ଲାଲଜି ଟଣ୍ଡନ । ଟେଣ୍ଟ ଭିତରୁ ତାଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି । ଅଗ୍ନିକାଣ୍ଡ ଘଟିବା ସମୟରେ ଗଭୀର ନିଦରେ ଶୋଇଥିଲେ ଲାଲଜି । ନିଆଁରେ ତାଙ୍କ ମୋବାଇଲ, ଚଷମା, ଘଣ୍ଟା ସହ ଅନ୍ୟ ସାମଗ୍ରୀ ପୋଡିଯାଇଛି । ଅଗ୍ନିକାଣ୍ଡ ପରେ ରାଜ୍ୟପାଳଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇ ସର୍କିଟ୍ ହାଉସ୍ କୁ ନିଆଯାଇଥିଲା ।

ସୂଚନା ଅନୁସାରେ ରାତି ପ୍ରାୟ ୨ଟା ୩୦ରେ ନିଆଁ ଲାଗିଥିଲା । ବିଦ୍ୟୁତ୍ ସର୍ଟ ସର୍କିଟ୍ ଯୋଗୁଁ ଅଗ୍ନିକାଣ୍ଡ ଘଟିଥିବା ଜଣାପଡିଛି । ଅଗ୍ନିକାଣ୍ଡରେ ଟେଣ୍ଟ ମଧ୍ୟରେ ଥିବା ଅନ୍ୟ ଜିନିଷ ସବୁ ମଧ୍ୟ ପୋଡି ପାଉଁଶ ହୋଇଯାଇଛି ।

ଏହା ପୂର୍ବରୁ ୫ଫେବୃଆରୀରେ ମଧ୍ୟ ସେକ୍ଟର ୧୫ସ୍ଥିତ ନାଥ ସଂପ୍ରଦାୟର ଯୋଗୀ ମହାସଭାରେ ମଧ୍ୟ ନିଆଁ ଲାଗିଥିଲା । ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏବଂ ଉପାଧ୍ୟକ୍ଷ ବାଲକ ନାଥଙ୍କ ପାଇଁ ବିଶେଷ ଭାବେ ଆୟୋଜନ ହୋଇଥିବା ଟେଣ୍ଟ୍ ନିଆଁରେ ସଂପୂର୍ଣ୍ଣ ଭାବେ ଜଳିଯାଇଥିଲା ।

   Related Posts