Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୁକୁଡାକୁ ଖାଇଗଲେ ବୁଲା କୁକୁର, ରାଗି ଯାଇ ଗୁଳି କରିଦେଲା ମାଲିକ : ଥାନାରେ ମାମଲା
  • ||
  • ଗୋଆରେ ଏନସିପି-ଶିବସେନାର ହାତ ଛାଡିଦେଲା କଂଗ୍ରେସ, କହିଲା-‘ଆମର ଏକାକି ଜିତିବା କ୍ଷମତା ଅଛି’
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୧୭ ହଜାରରୁ ଅଧିକ କରୋନା ପଜିଟିଭ୍, ୪୯୧ ମୃତ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୦୧କୁ ବୃଦ୍ଧି
  • ||
  • ରାଜ୍ୟରେ ପୁଣି ୧୦ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୦୩୬୮ କୋଭିଡ୍ ପଜିଟିଭ୍, ୧୧୭୭୪୬୨ରେ ପହଞ୍ଚିଲା ସଂଖ୍ୟା
  • ||
  • କ୍ୟାପ୍ଟେନ୍ ନୁହେଁ କିନ୍ତୁ ଜୋଶ୍ ଏବେବି ଅଛି : ଦକ୍ଷିଣ ଆଫ୍ରିକା ଅଧିନାୟକଙ୍କ ସହ ମୁହାଁମୁହିଁ ହେଲେ କୋହଲି
  • ||
  • ପ୍ରଚାର ବେଳେ ବିଜେପି ପ୍ରାର୍ଥୀ ହଟହଟା, ତଡିଦେଲେ ଗାଁ ଲୋକେ
  • ||
  • ଚୌଦ୍ୱାର ସୁନା ବ୍ୟବସାୟୀଙ୍କୁ ଗୁଳିମାଡ ଓ ଲୁଟ୍ ଘଟଣା : ଉଚ୍ଚସ୍ତରୀୟ ତଦନ୍ତ ନିର୍ଦ୍ଦେଶ ଦେଲେ ଡିସିପି
  • ||

ଅତ୍ୟନ୍ତ ଦୁଃଖଦ ଓ ଅଭାବନୀୟ ଘଟଣା -ପାଳ ନିଆଁ ଗିଳିଦେଲା ୩ କଅଁଳ ଶିଶୁଙ୍କ ଜୀବନ

23/02/2020 at 8:00 PM

ଭୁବନେଶ୍ୱର ୨୩।୦୨ -ଅତ୍ୟନ୍ତ ଦୁଃଖଦ ଓ ଅଭାବନୀୟ ଘଟଣା । ପାଳ ନିଆଁରେ ଜଳିଗଲେ ୪ ଶିଶୁ । ତିନି ଜଣ ପ୍ରାଣ ହରାଇଥିବା ବେଳେ ଜଣେ ସଙ୍କଟାପନ୍ନ ଅବସ୍ଥାରେ ଏମକେସିଜିରେ ଚିକିତ୍ସିତ ହେଉଛନ୍ତି । ଏହି ଦୁଃଖଦ ଘଟଣା ଘଟିଛି ଗଞ୍ଜାମ ଜିଲ୍ଲା ଖଇରଛଟା ଗାଁରେ । ଆଜି ସକାଳେ ପିଲାମାନେ ଘରକରି ଖେଳୁଥିବା ବେଳେ ନିଆଁ ଲାଗିଯାଇଥିଲା, ଫଳରେ ୪ ଜଣ ଶିଶୁଙ୍କର ୮୦ ପ୍ରତିଶତ ଜଳିଯାଇଥିଲା । ମୃତକଙ୍କ ପରିବାରକୁ ୪ ଲକ୍ଷ ଲେଖାଏଁ ସହାୟତା ଏବଂ ଗୁରୁତରଙ୍କ ଚିକିତ୍ସା ଖର୍ଚ୍ଚ ସରକାର ବହନ କରିବାକୁ ମୁଖ୍ୟମନ୍ତ୍ରୀ ଘୋଷଣା କରିଛନ୍ତି ।…

କାନ୍ଦ ବୋବାଳିରେ ଫାଟିପଡୁଛି ପୂରା ପରିବେଶ। ଯିଏ ଶୁଣୁଛି ସ୍ତବ୍ଧ ହୋଇଯାଉଛି। ହତବାକ ହୋଇଯାଉଛି। କୁନି କୁନି ପିଲାଙ୍କ ଖେଳ ଯେ ସବୁକିଛି ଛାରଖାର କରିଦେବ କିଏ ଜାଣିଥିଲା। ପାଳ ନିଆଁ ଗିଳିଦେଲା ୩ କଅଁଳ ଶିଶୁଙ୍କ ଜୀବନ। ସମସ୍ତଙ୍କ ବୟସ ୫ରୁ ୭ ବର୍ଷ। ଅନ୍ୟଜଣେ ଶିଶୁ ଜୀବନ ସହ ସଂଗର୍ଷ କରୁଛି। ଏ ହେଉଛି ସେହି ସ୍ଥାନ। ପୋଲସରା ଖଇରଛଟା ଗାଆଁ ମନ୍ଦିର ନିକଟ ଅଧାକାନ୍ଥି ଘର। ଯେଉଁଠି ଖେଳୁଥିଲେ ୪ ଶିଶୁ । ଏଠାରେ ଥିଲା ପାଳ, ଶୁଖିଲା କାଠିକୁଟା । ଖେଳୁଥିବା ସମୟରେ ହଠାତ୍ ପାଳରେ ନିଆଁ ଲାଗି ଯାଇଥିଲା । ହୁହୁ ହୋଇ ଜଳିଥିଲା ପାଳ, ଆଉ ସେଇ ପାଳ ନିଆଁ ଭିତରେ ରହିଗଲେ କଅଁଳ ପିଲାମାନେ । ଗୁରୁତର ଅବସ୍ଥାରେ ସେମାନଙ୍କୁ ଉଦ୍ଧାର କରିଥିଲେ ଗାଁ ଲୋକେ । ପ୍ରଥମେ ପୋଲସରା ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା। ୨ ଜଣଙ୍କୁ ବ୍ରହ୍ମପୁର ବଡ ମେଡିକାଲକୁ ସ୍ଥାନାନ୍ତର କରାଯାଇଥିଲା । ଇତିଶ୍ରୀ ଜେନା, ଦୀପକ ଗୌଡ ଏବଂ ସାଇରାମ ଜାନୀର ମୃତ୍ୟୁ ହୋଇଥିବା ବେଳେ ଗୁରୁତର ଅବସ୍ଥାରେ ଆଲୋକ ଜେନାର ଚିକିତ୍ସା ଚାଲିଛି ।


ଏହି ଅଭାବନୀୟ ଘଟଣାକୁ ନେଇ ପୂରା ଗାଁ ସ୍ତବ୍ଧ ହୋଇଯାଇଛି । ପୋଲସରା ବିଧାୟକ ଶ୍ରୀକାନ୍ତ ସାହୁ ମେଡିକାଲରେ ପହଞ୍ଚି ମୃତକଙ୍କ ପରିବାରବର୍ଗଙ୍କୁ ସାନ୍ତ୍ବନା ଦେଇଛନ୍ତି। ଏହି ଘଟଣାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗଭୀର ଶୋକ ପ୍ରକାଶ କରିଛନ୍ତି । ମୃତକଙ୍କ ପରିବାରକୁ ୪ ଲକ୍ଷ ଟଙ୍କା ଲେଖାଏଁ ସହାୟତା ସହ ଗୁରୁତରଙ୍କ ଚିକିତ୍ସା ଖର୍ଚ୍ଚ ସରକାର ବହନ କରିବେ ବୋଲି ଘୋଷଣା କରିଛନ୍ତି। ସେହିପରି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ଟ୍ବିଟ କରି ଦୁଃଖ ପ୍ରକାଶ କରିଛନ୍ତି।…

ଦୁଇ ତିନିମାସ ତଳର କଥା କଳାହାଣ୍ଡି ଘଟିଥିଲା ସମାନ ଘଟଣା । କଳାହାଣ୍ଡିରେ କୋରାପୁଟରେ ସମାନ ଘଟଣାରେ ୩ ଜଣଶିଶୁ ପୋଡ଼ି ହୋଇଯାଇଥିବା ବେଳେ ୨ ଜଣଙ୍କ ମୃତ୍ୟୁ ହୋଇତିଲା। କର୍ଣ୍ଣାଟକରେ ମଧ୍ୟ ପାଳଗଦାରେ ଲୁଚକାଳି ଖେଳିବା ବେଳେ ପୋଡ଼ି ହୋଇ ୩ ଶିଶୁ ପ୍ରାଣ ହରାଇଥିଲା । ବଡ଼କଥା ହେଉଛି ପିଲାମାନଙ୍କ ଉପରେ ବାପା ମା ବଡ଼ମାନେ ନଜର ରଖିବା ହିଁ ଜରୁରୀ।

   Related Posts