କଲିକତା ୩|୧୦: କଲିକତା ମେଡିକାଲ କଲେଜରେ ଭୟଙ୍କର ଅଗ୍ନିକାଣ୍ଡ ହୋଇଛି । ଅଗ୍ନିକାଣ୍ଡରେ ମୃତାହତଙ୍କ ସଂଖ୍ୟା ଜଣାପଡିନାହିଁ । ମେଡିକାଲରୁ ୨୫୦ଜଣ ରୋଗୀଙ୍କୁ ଉଦ୍ଧାର କରାଯାଇଛି । ନିଆଁଲିଭା କାର୍ଯ୍ୟରେ ଦମକଳବାହିନୀର ୧୦ଟି ଲାଗିଛି । ସକାଳୁ ମେଡିକାଲର ଫାର୍ମାସି ବିଭାଗରେ ପ୍ରଥମେ ନିଆଁ ଲାଗିଥିଲା । ନିଆଁ ଓ ଧୂଆଁ ଯୋଗୁଁ ରୋଗୀ ଅଣନିସ୍ବାସୀ ହୋଇପଡିଥିଲେ । କେତେକ ରୋଗୀ ଏବଂ ସଂପର୍କୀୟ ଛାତରୁ ଡେଇଁ ମଧ୍ୟ ପଡିଥିଲେ । ଘଟଣାସ୍ଥଳରେ ଉଦ୍ଧାରକାର୍ଯ୍ୟ ଜାରି ରହିଛି । ମେଡିକାଲକୁ ଖାଲି କରାଯାଉଛି । ୧୯୪୮ରେ ନିର୍ମିତ ହୋଇଥିବା ଏହି ମେଡିକାଲ କଲିକତାର ସବୁଠୁ ପୁରୁଣା ହସ୍ପିଟାଲ । ଏହା କଲିକତା ବିଶ୍ବବିଦ୍ୟାଳୟ ଓ ପ୍ରେସିଡେନ୍ସି  କଲେଜ ନିକଟରେ ଅବସ୍ଥିତ ।