Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟିକା ବଣ୍ଟନ ପାଇଁ ୨୧ ଜଣିଆ ପରିଚାଳନା କମିଟି ଗଠନ, ସ୍ଵାସ୍ଥ୍ୟ ବିଭାଗର ନିର୍ଦ୍ଦେଶକ ହେଲେ ଅଧ୍ୟକ୍ଷ
  • ||
  • ୯୦ ପ୍ରତିଶତ ନଷ୍ଟ ହୋଇ ସାରିଥିଲା କରୋନା ସଂକ୍ରମିତ ବ୍ୟକ୍ତିଙ୍କ ଫୁସ୍‌ଫୁସ୍, ଇକମୋ ପଦ୍ଧତିରେ ସୁସ୍ଥ କଲେ ସମ୍ ଡାକ୍ତର
  • ||
  • ଦ୍ଵିତୀୟ ଲହର ସଂକ୍ରମଣର ଆଶଙ୍କା ନାହିଁ, ସୁସ୍ଥ ହୋଇ ଘରକୁ ଫେରିଲେ ୬୦୫ ଆକ୍ରାନ୍ତ
  • ||
  • ଡିସେମ୍ବର ୮ରେ କୃଷକଙ୍କ ଭାରତ ବନ୍ଦ ଡାକରା, ରାଜ୍ୟ କଂଗ୍ରେସର ସମର୍ଥନ ଘୋଷଣା
  • ||
  • ପଞ୍ଚମ ପର୍ଯ୍ୟାୟ କୃଷକ-ସରକାରଙ୍କ ଆଲୋଚନା ବିଫଳ, ଡିସେମ୍ବର ୯’ରେ ପୁଣି ବୈଠକ
  • ||
  • ସାଲେପୁର : ଷଣ୍ଢକୁ ଧକ୍କା ଦେବା ପରେ ହୁତୁ ହୁତୁ ହୋଇ ଜଳିଲା କାର୍, ଅଳ୍ପକେ ବର୍ତ୍ତିଲେ ୪ ଜଣ
  • ||
  • ଭୁବନେଶ୍ବର : ‘ପରୀ’ ହତ୍ୟାକାରୀକୁ ଧରାଇଦେଲେ ମିଳିବ ଲକ୍ଷେ ଟଙ୍କା
  • ||
  • ନୟାଗଡ : ଘର ବାଡିପଟୁ ମିଳିଲା ବୃଦ୍ଧଙ୍କ ମୃତଦେହ, ମୁଣ୍ଡ ଏବଂ ମୁହଁରେ ରହିଛି କ୍ଷତଚିହ୍ନ, ହତ୍ୟା ସନ୍ଦେହ
  • ||
  • ଯାଜପୁର : ଭୟାବହ ଅଗ୍ନିକାଣ୍ଡ, ୧୨ ବଖରା ଘର ସହ ଜଳିଗଲା ଲକ୍ଷାଧିକ ଟଙ୍କାର ସୁନା ଗହଣା
  • ||
  • ଢେଙ୍କାନାଳ : ବାଇକ୍‌କୁ ଧକ୍କା ଦେଲା କାର୍, ଆରୋହୀ ପିଟିହେଲେ ଟ୍ରକ୍‌ରେ, ଚାଲିଗଲା ଜୀବନ
  • ||

ଦେଶରେ ୨୪ ଘଣ୍ଟାରେ ଚତୁର୍ଥ ଦୁର୍ଘଟଣା: ଏବେ ନାସିକ ଫ୍ୟାକ୍ଟ୍ରିରେ ଭୟାବହ ଅଗ୍ନିକାଣ୍ଡ, ଘଟଣାସ୍ଥଳରେ ୧୦ ଦମକଳ ଗାଡି

7/05/2020 at 9:31 PM

ନାସିକ ୦୭।୦୫: ଗୁରୁବାର ଦିନଟି ଦେଶ ପାଇଁ ଦୁର୍ଭାଗ୍ୟଭରା ସାବ୍ୟସ୍ତ ହୋଇଛି। ୨୪ ଘଣ୍ଟା ଭିତରେ ଦେଶରେ ୪ଟି ବଡ ଦୁର୍ଘଟଣା ଘଟିଛି। ସଦ୍ୟତମ ଦୁର୍ଘଟଣା ମହାରାଷ୍ଟ୍ରର ନାସିକରେ ଘଟିଛି।  ନାସିକ ଜିଲ୍ଲାର ସାଟନପୁର ଅଞ୍ଚଳରେ ଏକ ଫ୍ୟାକ୍ଟ୍ରିରେ ଭୟାବହ ଅଗ୍ନିକାଣ୍ଡ ଘଟିଛି। ଏହା ପୂର୍ବରୁ ଆନ୍ଧ୍ର ପ୍ରଦେଶର ବିଶାଖାପାଟଣା, ଛତିଶଗଡର ରାୟଗଢ ଓ ତାମିଲନାଡୁର ନେଭେଲିରେ ଦୁର୍ଘଟଣା ଘଟିଛି।

ନାସିକର ଏହି ଫ୍ୟାକ୍ଟ୍ରିରେ ଅଗ୍ନିକାଣ୍ଡ ଏତେ ଭୟାନକ  ହୋଇଛି ଯେ, ନିଆଁକୁ ଆୟତ୍ତ କରିବା ପାଇଁ ଫାୟର ବ୍ରିଗେଡ୍‌ର ୧୦ ଗାଡି ଘଟଣାସ୍ଥଳରେ ପହଞ୍ଚିଛନ୍ତି। ସଂପ୍ରତି ରିଲିଫ୍ ଓ ଉଦ୍ଧାର କାର୍ଯ୍ୟ ଜାରି ରହିଛି। ଏହି ଘଟଣାରେ କେତେ ମୃତାହତ ଓ କ୍ଷୟକ୍ଷତି କେତେ ଘଟିଛି ଏହାର ସୂଚନା ମିଳିନାହିଁ।

ଏହା ପୂର୍ବରୁ ଆଜି ଦେଶରେ ତିନୋଟି ବଡ ଦୁର୍ଘଟଣା ଘଟି ସାରିଛି। ସକାଳେ ଆନ୍ଧ୍ର ପ୍ରଦେଶର ବିଶାଖାପାଟଣାରେ ଗ୍ୟାସ୍‌ ଲିକ୍‌ ଦୁର୍ଘଟଣା ପରେ ଅପରାହ୍ନରେ ଛତିଶଗଡର ରାୟଗଢରେ ପେପର ମିଲ୍‌ରେ ଦୁର୍ଘଟଣା ଘଟିଥିଲା। ବିଶାଖାପାଟଣାରେ ଏକ ପଲିମର ଫ୍ୟାକ୍ଟ୍ରିରେ  ବିଷାକ୍ତ ଗ୍ୟାସ୍ ନିର୍ଗତ ହେବା ପରେ ୧୧ ଜଣଙ୍କ ମୃତ୍ୟୁ ଘଟିବା ସହିତ ଶତାଧିକ ଲୋକଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ଅନ୍ୟପଟେ ଛତିଶଗଡର ରାୟଗଢରେ ଏକ ପେପର ମିଲ୍‌ରେ ଗ୍ୟାସ୍‌ ଲିକ୍ ହେବା ଫଳରେ ସାତ ଜଣ ଆହତ ହୋଇଥିଲେ। ସେମାନଙ୍କ ମଧ୍ୟରୁ ତିନି ଜଣଙ୍କ ଅବସ୍ଥା ଗୁରୁତର ହେବାରୁ ରାୟପୁର ସ୍ଥାନାନ୍ତର କରାଯାଇଛି।

ସେହି ପରି ତାମିଲନାଡୁର ତାମିଲନାଡୁର ନେଭେଲିରେ ବୟଲର ଫାଟିବାରୁ ସାତ ଜଣ ଆହତ ହୋଇଛନ୍ତି। ରାଜ୍ୟର କୁଡ୍ଡାଲୋର  ଜିଲ୍ଲାର ନେଭେଲି ଲିଗ୍‌ନାଇଟ୍‌ କର୍ପୋରେସନ ଲିମିଟେଡ୍‌ର ପ୍ଲାଣ୍ଟରେ ଏହି ଦୁର୍ଘଟଣା ଘଟିଛି। ବିସ୍ଫୋରଣରେ ୭ ଜଣ ଆହତ ହୋଇଛନ୍ତି। ଆହତଙ୍କ ମଧ୍ୟରୁ ୪ ଜଣଙ୍କ ଅବସ୍ଥା ଗୁରୁତର ରହିଛି।

   Related Posts