ମେରଟ ୧୫/୬ : ୟୁପି ମେରଟରେ ବର୍ତ୍ତମାନ ସରକାର ସିଗାରେଟ୍ ଏବଂ ବିଡି ବିକ୍ରି ପାଇଁ ଲାଇସେନ୍ସ ଫି ବାଧ୍ୟତାମୂଳକ କରିବାକୁ ଯାଉଛନ୍ତି । ଏହି ଲାଇସେନ୍ସ ପ୍ରଦାନ କରିବାର କ୍ଷମତା ମ୍ୟୁନିସିପାଲିଟି କର୍ପୋରେସନ୍ ସହିତ ରହିବ ଏବଂ ମ୍ୟୁନିସିପାଲିଟି କର୍ପୋରେସନ୍ ଏହି ଲାଇସେନ୍ସ ଦେୟରୁ ଏହାର ଆୟ ବୃଦ୍ଧି କରାଯିବ । ଏହି ପରିପ୍ରେକ୍ଷୀରେ ସୋମବାର ଏକ ଆଦେଶ ଜାରି କରି ଏହି ପ୍ରକ୍ରିୟାରେ କାର୍ଯ୍ୟ ଆରମ୍ଭ ହୋଇଛି ।
ମ୍ୟୁନିସିପାଲିଟି କର୍ପୋରେସନ ଖୁବ ଶୀଘ୍ର ବୋର୍ଡ ବୈଠକରେ ଏହି ପ୍ରସ୍ତାବକୁ ଅନୁମୋଦନ କରିବ । ଏହାସହ ଏକ ଗେଜେଟ୍ ପ୍ରଦାନ କରିବ । ଏହା ପରେ ମ୍ୟୁନିସିପାଲିଟି କର୍ପୋରେସନ୍ ବିନା ଲାଇସେନ୍ସରେ ସିଗାରେଟ୍ ଏବଂ ବିଡି ବିକ୍ରୟ କରୁଥିବା ଲୋକଙ୍କଠାରୁ ଜରିମାନା ସଂଗ୍ରହ କରିବ । ଏହି ପରିପ୍ରେକ୍ଷୀରେ ନଗର ଉନ୍ନୟନ ବିଭାଗ ସୋମବାର ଏକ ନିର୍ଦ୍ଦେଶ ଜାରି କରି ଏହାକୁ କାର୍ଯ୍ୟକାରୀ କରିବାକୁ ନିର୍ଦ୍ଦେଶ ଦେଇଛନ୍ତି ।
ଏହି ଆଦେଶରେ ମ୍ୟୁନିସିପାଲିଟି କର୍ପୋରେସନ୍ ଦ୍ୱାରା ସ୍ଥିର କରାଯାଇଥିବା ହାରରେ ସିଗାରେଟ୍ ଏବଂ ବିଡି ବିକ୍ରୟ କରୁଥିବା ଲୋକଙ୍କୁ ଲାଇସେନ୍ସ ପ୍ରଦାନ କରାଯିବ । କେବଳ ସେହି ବ୍ୟବସାୟୀ ଯେଉଁମାନେ ସେହି ଲାଇସେନ୍ସ ହାସଲ କରିଛନ୍ତି ସେମାନେ ସିଗାରେଟ୍ ଏବଂ ବିଡି ବିକ୍ରି କରିପାରିବେ । ଏହା ପରେ, ବିନା ଲାଇସେନ୍ସରେ ସିଗାରେଟ୍ ଏବଂ ବିଡି ବ୍ୟବସାୟ କରୁଥିବା ବ୍ୟକ୍ତିଙ୍କ ବିରୋଧରେ ନିଗମ ଏକ ଅଭିଯାନ ଚଳାଇବ ଏବଂ ସେମାନଙ୍କଠାରୁ ଜେରିମାନା ସଂଗ୍ରହ କରାଯିବ । ଆଦେଶ ଅନୁଯାୟୀ ଜୋରିମାନା ପାଇଁ ଫି ସ୍ଥିର କରିବାକୁ ବୋର୍ଡରେ ଏକ ପ୍ରସ୍ତାବ ରଖାଯିବ, ଯାହା ପରେ ସେହି ଫି ଏବଂ ଜୋରିମାନା କାର୍ଯ୍ୟକାରୀ ହେବ ।
