Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଶବଯାତ୍ରାରେ ଯୋଗ ଦେଇ ୧୫୦ଗିରଫ : ଗାଈର ମୃତ୍ୟୁ ପରେ ବାହାରିଥିଲା ଶେଷଯାତ୍ରା

23/05/2020 at 7:16 PM

ଅଲିଗଡ଼ ୨୩/୫: କରୋନା ଭାଇରସ୍ ଯୋଗୁଁ ଦେଶବ୍ୟାପି ଲାଗିଥିବା ଲକଡାଉନ୍ ମଧ୍ୟରେ ଉତ୍ତରପ୍ରଦେଶର ଅଲିଗଡ଼ରେ ଚାଞ୍ଜଲ୍ୟକର ଘଟଣା ସାମନାକୁ ଆସିଛି। ଅଲିଗଡ଼ର ଜବାଂରେ ଗୁରୁବାର ଗାଈର ଶବଯାତ୍ରା ବାହାରିଥିବାବେଳେ ଲୋକେ ସୋସିଆଲ୍ ଡିସଟ୍ୟାନସିଂର ଅବମାନନା କରିଛନ୍ତି। ଏଥିରେ ପୋଲିସ୍ ୧୫୦ଜଣଙ୍କ ବିରୋଧରେ ମହାମାରୀ ଅଧିନିୟମ ଅନୁସାରେ ମାମଲା ରୁଜୁ କରିଛି।

ମୈମଡ଼ି ଗାଁ ବାସିନ୍ଦା ଦିନେଶ ଚନ୍ଦ୍ର ଶର୍ମାଙ୍କ ଗାଁରେ ଏକ ଦୋକାନ ରହିଛି। ତାଙ୍କ ଦୋକାନ ସାମନାରେ ଗୁରୁବାର ସକା​‌ଳେ ଏକ ଅସୁସ୍ଥ ଗାଈର ମୃତ୍ୟୁ ହୋଇଯାଇଥିଲା। ଗାଁଲୋକେ ନିଷ୍ପତ୍ତି ନେଇଥିଲେ ଯେ ଗାଈର ଶବଯାତ୍ରା ବାହାର କରାଯାଉ। ଏଥିରେ ପାଖାପାଖି ୧୦୦ମହିଳା ଏବଂ ୫୦ଜଣ ପୁରୁଷ ସାମିଲ ହୋଇଥିଲେ।

ସୂଚନା ପାଇ ଜବାଂର ଏସଓ ଏବଂ ଏସଆଇ ଗାଁକୁ ପହଞ୍ଚିଥିଲେ। ପୋଲିସ୍ ଗାଈର ଶବ ଜେସିବି ମେସିନ୍ ମଗାଇ ପୋତିଥିଲା। ପୋଲିସ୍ ୧୫୦ଜଣଙ୍କ ବିରୁଦ୍ଧରେ ଲକଡାଉନ୍ ନିୟମ ଉଲ୍ଲଙ୍ଘନ କରିଥିବାରୁ ମାମଲା ରୁଜୁ କରିଛି।

   Related Posts