Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁଶୁଡିଯିବ ଘାଘରା ପୋଲ ! ବିପଦରେ ଶହଶହ ଯାତ୍ରୀଙ୍କ ଜୀବନ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୦କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୫୨୦ କୋଭିଡ୍ ପଜିଟିଭ୍, ୧୨୦୪୬୬୦ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ କରୋନା ବେଲଗାମ୍ : ଆଉ ୧୩ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ଚର୍ଚ୍ଚାରେ ବଡପୋଖରୀଆ ପଞ୍ଚାୟତ : ପ୍ରତିଦ୍ୱନ୍ଦ୍ୱିତା ହେଲାନି, ନିର୍ଦ୍ୱନ୍ଦ୍ୱରେ ଚୟନ ହେଲେ ସରପଞ୍ଚ ଏବଂ ଓ୍ୱାର୍ଡ ମେମ୍ବର
  • ||
  • ରବିବାରଠୁ ବଢିବ ବର୍ଷା, ଏହି ସବୁ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ
  • ||
  • ପରିବା ମାର୍କେଟରେ ଅଗ୍ନିକାଣ୍ଡ, ଜଳିଗଲା ସବୁ ଦୋକାନ
  • ||

୪ ବର୍ଷର ଶିଶୁ କରୋନା ପଜିଟିଭ୍, ବାପା-ମା’ଙ୍କ ବିରୋଧରେ FIR… ଜାଣନ୍ତୁ ପୂରା ଘଟଣା

12/04/2020 at 4:54 PM

ଗାନ୍ଧୀନଗର ୧୨।୪: ଗୁଜୁରାଟର ଭାବନଗର ଜିଲ୍ଲାରେ କରୋନା ସଂକ୍ରମିତ ହୋଇଥିବା ୪ ବର୍ଷର ଶିଶୁର ପରିବାରଲୋକଙ୍କ ବିରୋଧରେ ପୋଲିସ ଏଫଆଇଆର ରୁଜୁ କରିଛି । ପୋଲିସର ସୂଚନା ଅନୁସାରେ, ଶିଶୁଟିର ପରିବାର ଲୋକେ ଲକ୍ ଡାଉନ୍ କୁ ଉଲଂଘନ କରି ସମ୍ପର୍କୀୟଙ୍କ ଘରକୁ ଯାଇଥିବାରୁ ଏମିତି ଘଟିଲା, ତେଣୁ ଏଭଳି କାର୍ଯ୍ୟାନୁଷ୍ଠାନ ନିଆଯାଇଛି ।

ଘୋଘା ପୋଲିସ ଷ୍ଟେସନର ଜଣେ ଅଧିକାରୀ କହିଛନ୍ତି ଯେ, ଶିଶୁଟିର ବାପା ଯିଏକି ଜମନାକୁଣ୍ଡ କରୋନା ନିୟନ୍ତ୍ରଣ ଅଞ୍ଚଳର ବାସିନ୍ଦା ଶୁକ୍ରବାର ଦିନ ପୋଲିସ ନିକଟରେ ନିଜକୁ ସରକାରୀ କର୍ମଚାରୀ ବୋଲି କହିଥିଲେ । ଏହାସହ ପୋଲିସକୁ ଏକ ସ୍ଲିପ୍ ଦେଇ ତାଙ୍କ ପତ୍ନୀ ଏବଂ ଶିଶୁଙ୍କୁ ୧୮ କି.ମି. ଦୂର ତାଙ୍କ ସମ୍ପର୍କୀୟଙ୍କ ଘରେ ପହଞ୍ଚିଥିଲେ ।

ଶନିବାର ଦିନ ସ୍ବାସ୍ଥ୍ୟ ବିଭାଗର ଅଧିକାରୀଙ୍କ ଦ୍ବାରା କରୋନା ଭାଇରସ୍ ସଂକ୍ରମିତ ହୋଇଥିଲେ ୪ ବର୍ଷର ଶିଶୁ । ଏହା ପରେ ତାଙ୍କୁ ଭବନଗରର ଏକ ଡାକ୍ତରଖାନାର ଏକ ଆଇସୋଲେସ ଓ୍ବାର୍ଡରେ ଭର୍ତ୍ତି କରାଯାଇଥିଲା ।

ଶିଶୁ ସହ ଆସିଥିବା ତାଙ୍କ ବାପା-ମା ଏବଂ ତାଙ୍କ ସମ୍ପର୍କରେ ଆସିଥିବା ଅନ୍ୟ ଦୁଇଜଣଙ୍କୁ ଡାକ୍ତରଖାନାରେ ଅଲଗା ରଖାଯାଇଛି । ରବିବାର ଦିନ, ଭାରତୀୟ ଦଣ୍ଡବିଧି ସଂହିତା (ଆଇପିସି) ର ଧାରା ୧୭୦, ଧାରା ୨୬୯, ଧାରା ୨୭୦ ଏବଂ ଧାରା ୧୮୮ ଅନୁଯାୟୀ ଶିଶୁର ବାପା-ମାଙ୍କ ବିରୋଧରେ ଏକ ଏଫଆଇଆର ରୁଜୁ ହୋଇଛି । ମହାମାରୀ ରୋଗ ଆଇନର ବ୍ୟବସ୍ଥା ଅନୁଯାୟୀ ସେମାନଙ୍କ ବିରୋଧରେ ମଧ୍ୟ ଏକ ମାମଲା ରୁଜୁ ହୋଇଛି ବୋଲି ପୋଲିସ କହିଛି ।

   Related Posts