Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସରିଲାନି ଆର୍ଯ୍ୟନ ଖାନ୍‌ଙ୍କ ଜାମିନ୍‌ ଆବେଦନର ଶୁଣାଣି, ଆସନ୍ତାକାଲିକୁ ସ୍ଥଗିତ ରଖିଲେ କୋର୍ଟ
  • ||
  • ଭାରତୀୟ ଶିକ୍ଷୟିତ୍ରୀଙ୍କ ପାକିସ୍ତାନ ପ୍ରେମ, ଷ୍ଟାଟସ୍ ଦେଲେ ‘ଆମେ ମ୍ୟାଚ୍ ଜିତିଗଲୁ’
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୩୩ କୋଭିଡ୍ ପଜିଟିଭ୍
  • ||
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

ନବରଙ୍ଗପୁର ଆରଟିଓଙ୍କ ଭିଡିଓ ଭାଇରାଲ୍ ଘଟଣା, ଥାନାରେ ଏତଲା

23/02/2020 at 3:40 PM

ନବରଙ୍ଗପୁର ୨୩।୨: ନବରଙ୍ଗପୁର ଆରଟିଓ ଗଣେଶ୍ବର କଅଁରଙ୍କ ଲାଞ୍ଚ କାରବାର ଘଟଣା ଦାଣ୍ଡରେ ପଡି ହାଟରେ ଗଡିବା ପରେ ଏବେ ଯାଇ ଥାନାରେ ପହଞ୍ଚିଛି। ଆରଟିଓ ଅଫିସରେ ଅସ୍ଥାୟୀ କର୍ମଚାରୀ ରୂପେ କାର୍ଯ୍ୟ କରୁଥିବା ଲକ୍ଷ୍ମୀଧର ହରିଜନ ନବରଙ୍ଗପୁର ଥାନାରେ ଏତଲା ଦେଇଛନ୍ତି । ନବରଙ୍ଗପୁର ଆରଟିଓଙ୍କ ଦ୍ଵାରା ନିଜ ଜୀବନ ପ୍ରତି ବିପଦ ଥିବା ଓ ୧୬ ମାସର ବକେୟା ଦରମା ଦେଉନଥିବା ନେଇ ସେ ଏତଲା ଦେଇଛନ୍ତି।

ଏତଲାରେ ନବରଙ୍ଗପୁର ଆରଟିଓ ଗଣେଶ୍ବର କଅଁର ଓ ଲକ୍ଷ୍ମୀଧରଙ୍କ ମଧ୍ୟରେ ଟଙ୍କା ଫେରସ୍ତକୁ ନେଇ ହୋଇଥିବା ଯୁକ୍ତିର ଭିଡିଓ ଭାଇରାଲ ହେବାପରେ ବିଭିନ୍ନ ନୂଆ ନମ୍ବରରୁ କଲ୍ କରି ଲକ୍ଷ୍ମୀଧରଙ୍କୁ ଜୀବନରୁ ମାରିଦେବାକୁ ଧମକ ମିଳୁଥିବା ଏତଲାରେ ଲେଖାଯାଇଛି ।

ଲକ୍ଷ୍ମୀଧର ହରିଜନ ସ୍ଥାନୀୟ ନବରଙ୍ଗପୁର ଆରଟିଓ ଅଫିସରେ ଅସ୍ଥାୟୀ କର୍ମଚାରୀ ରୂପେ କାର୍ଯ୍ୟ କରି ଆସୁଥିଲା । ଲକ୍ଷ୍ମୀଧରକୁ ଅସ୍ଥାୟୀ କର୍ମଚାରୀ ରୂପେ ରଖିବା ପାଇଁ ଆରଟିଓ ତାଙ୍କଠାରୁ ୩୫ହଜାର ଟଙ୍କା ନେଇଥିଲେ । ପରେ ସ୍ଥାୟୀ ନିଯୁକ୍ତି ଦେବା ପାଇଁ ଲକ୍ଷ୍ମୀଧରଙ୍କ ନିକଟରୁ ୪୦ ହଜାର ଟଙ୍କା ନେଇଥିଲେ । କିନ୍ତୁ ଆରଟିଓ ସ୍ଥାୟୀ ନିଯୁକ୍ତି କରାଇନପାରିବାରୁ ଲକ୍ଷ୍ମୀଧର ଓ ତାଙ୍କ ପରିବାର ଆରଟିଓଙ୍କ ପାଖକୁ ଯାଇ ଦେଇଥିବା ଟଙ୍କା ଫେରସ୍ତ ମାଗିଥିଲେ । ଏହି ସମୟରେ ଆରଟିଓ ଓ ଲକ୍ଷ୍ମୀଧରଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା ।

ଏହିସବୁ ଘଟଣାକୁ ଲକ୍ଷ୍ମୀଧର ନିଜ ମୋବାଇଲରେ ସୁଟିଂ କରିଥିଲେ। ଏହି ଭିଡିଓକୁ ନବରଙ୍ଗପୁରର ଯୁବ ଆଇନଜୀବୀ ଇମରାନ ସରିଫ ତାଙ୍କ ଫେସବୁକରେ ଅପଲୋଡ କରି ଭାଇରାଲ କରିଦେଇଥିଲେ । ଏହାପରେ ଏହି ଭିଡିଓଟି ମୋବାଇଲରୁ ମୋବାଇଲ ଘୂରି ବୁଲିଥିଲା । ଏହାପରେ ଲକ୍ଷ୍ମୀଧରକୁ ବିଭିନ୍ନ ନମ୍ବରରୁ ଅଜଣା ଲୋକ କଲ୍ କରି ଜୀବନରୁ ମାରିଦେବାକୁ ଧମକ ଆସୁଥିଲା । ଏହାକୁ ନେଇ ଥାନାର ଦ୍ଵାରସ୍ଥ ହୋଇଛନ୍ତି ଲକ୍ଷ୍ମୀଧର ।

   Related Posts