ଜୟପୁର ୨୭/୬: କରୋନା ଭାଇରସର ଔଷଧ ଲଞ୍ଚିଂ ପରରଠୁ ବାବା ରାମଦେବ ଏବଂ ତାଙ୍କ କମ୍ପାନୀ ପତଞ୍ଜଳୀ ପ୍ରଶ୍ନବାଚୀରେ ରହିଛି। କରୋନିଲ ଔଷଧକୁ ନେଇ ଏବେ ବାବା ରାମଦେବ ଏବଂ ଅନ୍ୟ ୪ଜଣଙ୍କ ବିରୋଧରେ ରାଜସ୍ଥାନର ରାଜଧାନୀ ଜୟପୁରରେ ମାମଲା ରୁଜୁ କରାଯାଇଛି। କରୋନା ଭାଇରସ୍ ଔଷଧ ଭାବେ କରୋନିଲକୁ ନେଇ ଭ୍ରମାତ୍ମକ ପ୍ରଚାର ଅଭିଯୋଗରେ ଏହି ମାମଲା ରୁଜୁ କରାଯାଇଛି।
ଜୟପୁରର ଜ୍ୟୋତିନଗର ଥାନାରେ ଶୁକ୍ରବାର ଏହି ମାମଲା ରୁଜୁ କରାଯାଇଛି। ଯୋଗଗୁରୁ ରାମଦେବ ଏବଂ ବାଳକୃଷ୍ଣଙ୍କ ବ୍ୟତୀତ ଅନୁରାଗ ବାର୍ଷ୍ଣୟ,ନିମ୍ସର ଅଧ୍ୟକ୍ଷ ଡା. ବଲବୀର ସିଂହ ତୋମର ଏବଂ ନିର୍ଦେଶକ ଡା. ଅନୁରାଗ ତୋମରଙ୍କୁ ଅଭିଯୁକ୍ତ କୁହାଯାଇଛି। ଆଇପିସିର ଧାରା ୪୨୦ ସହ ବିଭିନ୍ନ ଧାରାରେ ମାମଲା ରୁଜୁ କରାଯାଇଛି।
ପତଞ୍ଜଳି ଜୟପୁର ନିମ୍ସରେ କରୋନା ଔଷଧର ପରୀକ୍ଷା କରିବାକୁ ଦାବି କରିଥିଲା।
