ଭଦ୍ରକ ୦୪।୧୨: ଅଙ୍ଗନବାଡି ଚାକିରୀ ପାଇଁ ଜାଲ୍ ସାର୍ଟିଫିକେଟ ଦେବା ଅଭିଯୋଗରେ ଅଙ୍ଗନବାଡୀ ହେଲପର ଙ୍କ ନାମ ରେ ଏତଲା ଦିଆଯାଇଛି । ଭଦ୍ରକ ଜିଲ୍ଲା ଧାମନଗର ଥାନା ରେ ଧାମନଗର ସିଡିପିଓ ଏତଲା ଦେଇଛନ୍ତି ।
ସୂଚନାଯୋଗ୍ୟ ଯେ, ଧାମନଗର ବ୍ଲକ କାସିମପୁର ୧ ଅଙ୍ଗନବାଡି କେନ୍ଦ୍ରରେ ବିମଳା ମଲ୍ଲିକ ୧୦ ବର୍ଷ ଧରି ହେଲପର ଭାବେ କାମ କରୁଛନ୍ତି ।ଅଙ୍ଗନବାଡି ୱାର୍କର ପାଇଁ ପଦବୀ ବାହାରିଥିଲା , ବିମଳା ପଦବୀ ପାଇଁ ଆବେଦନ କରିଥିଲେ । ସମସ୍ତ ଆବଶ୍ୟକୀୟ ଦସ୍ତାବିଜ ମଧ୍ୟ ଦାଖଲ କରିଥିଲେ , ପରେ ଗାଁ ଲୋକଙ୍କ ଅଭିଯୋଗ କ୍ରମେ ବିମଳାଙ୍କ ବୋର୍ଡ ସାର୍ଟିଫିକେଟ ଯାଞ୍ଚ କରାଯାଇଥିଲା । ଅଭିଯୋଗର ଛମାସ ପରେ ବୋର୍ଡ କର୍ତ୍ତୃପକ୍ଷ ଏହି ସାର୍ଟିଫିକେଟ ଜାଲ ବୋଲି ଜଣାଇଛନ୍ତି । ଜାଲ ସାର୍ଟିଫିକେଟ ଦେଇ ଚାକିରୀ ହାତେଇବା ପାଇଁ ଉଦ୍ୟମ କରିଥିବାରୁ ସିଡିପିଓ ନିଜ ଆଡୁ ଥାନା ରେ ଏତଲା ଦେଇଛନ୍ତି ।