ଦୁମକା ୧୦।୧୨: ଝାଡଖଣ୍ଡ ଦୁମକାରେ ମହିଳାଙ୍କ ସ୍ବାମୀଙ୍କୁ ବାନ୍ଧି ୧୭ ଜଣ ଗଣଦୁଷ୍କର୍ମ କରିଥିବା ନେଇ ଅଭିଯୋଗ ହୋଇଛି । ମହିଳା ଜଣଙ୍କ ତାଙ୍କ ସ୍ବାମୀଙ୍କ ସହ ହାଟରୁ ଘରକୁ ଫେରୁଥିବା ବେଳେ ଏଭଳି କାଣ୍ଡ ଘଟାଇଛନ୍ତି । ୧୭ ଜଣଙ୍କ ନାଁରେ ମାମଲା ରୁଜୁ କରି ପୋଲିସ ତଦନ୍ତ ଜାରି ରଖିଛି ।
ସୂଚନାଯୋଗ୍ୟ ଯେ, ଝାଡଖଣ୍ଡ ଦୁମକା ଅଞ୍ଚଳର ଜଣେ ମହିଳା ମହିଳା ମଙ୍ଗଳବାର ଦିନ ସ୍ବାମୀଙ୍କ ସହ ବଜାରକୁ ଯାଇଥିଲେ । ହାଟରୁ ଫେରୁଥିବା ବେଳେ ରାସ୍ତାରେ ୧୭ ଜଣ ଲୋକ ସେମାନଙ୍କୁ ଅଟକାଇଥିଲେ । ସମସ୍ତେ ନିଶାସକ୍ତ ଅବସ୍ଥାରେ ଥିଲେ । ସେମାନଙ୍କ ମଧ୍ୟରୁ ୫ଜଣ ସ୍ବାମୀଙ୍କୁ ଏବଂ ୨ ଜଣ ମହିଳାଙ୍କୁ କାବୁ କରିନେଇଥିଲେ । ଏହାପରେ ସେମାନେ ମହିଳାଙ୍କୁ ଜଙ୍ଗଲ ଭିତରକୁ ଟେକି ନେଇଥିଲେ । ସେଠାରେ ଜଣଙ୍କ ପରେ ଜଣେ ଦୁଷ୍କର୍ମ କରିବାକୁ ଲାଗିଥିଲେ । ରାତି ପ୍ରାୟ ୧୨ଟା ପର୍ଯ୍ୟନ୍ତ ମହିଳାଙ୍କ ସହ ସେମାନେ ଦୁଷ୍କର୍ମ କରିଥିଲେ । ଘଟଣା ସଂପର୍କରେ କାହାରିକୁ ନକହିବାକୁ ଉଭୟଙ୍କୁ ଧମକ ଦେଇଥିଲେ । ସେଠାରେ ସମସ୍ତେ ଫେରାର ହୋଇଯାଇଥିଲେ ।
ଅଭିଯୋଗ ପରେ ଘଟଣାର ତଦନ୍ତ ଜାରି ରଖିଛି ପୋଲିସ । ଜଣେ ଅଭିଯୁକ୍ତକୁ ଅଟକ ରଖି ପଚରାଉଚରା କରୁଛି ପୋଲିସ ।
